Maharashtra election: MNSએ 45 બેઠકો પર ઉમેદવાર કર્યા જાહેર, રાજ ઠાકરેના પુત્ર અમિત માહિમથી ચૂંટણી લડશે 

મહારાષ્ટ્રમાં વિધાનસભા ચૂંટણીને ધ્યાનમાં રાખીને તમામ પક્ષો ધીમે ધીમે પોતાના ઉમેદવારોના નામની જાહેરાત કરી રહ્યા છે.

રાજ ઠાકરે

Source : Amit Thackeray Facebook

Maharashtra Assembly Election 2024: મહારાષ્ટ્રમાં વિધાનસભા ચૂંટણીને ધ્યાનમાં રાખીને તમામ પક્ષો ધીમે ધીમે પોતાના ઉમેદવારોના નામની જાહેરાત કરી રહ્યા છે. આ દરમિયાન, મહારાષ્ટ્ર નવનિર્માણ સેના (MNS)ના વડા રાજ ઠાકરેના પુત્ર અમિત ઠાકરે માહિમ વિધાનસભા બેઠક પરથી ચૂંટણી લડશે. પાર્ટી દ્વારા જાહેર કરવામાં આવેલી યાદીમાં તેમના નામની જાહેરાત કરવામાં આવી છે. 

રાજ ઠાકરેની પાર્ટી MNSએ બીજી યાદીમાં 45 ઉમેદવારોના નામ જાહેર કર્યા છે. પ્રમોદ (રાજુ) રતન પાટીલને કલ્યાણ ગ્રામીણમાંથી ઉમેદવાર બનાવવામાં આવ્યા છે. MNS પ્રવક્તા અને પૂર્વ કોર્પોરેટર સંદીપ સુધાકર દેશપાંડેને વર્લી સીટથી ટિકિટ આપવામાં આવી છે. અવિનાશ જાધવને થાણે શહેરમાંથી મેદાનમાં ઉતારવામાં આવ્યા છે.

आगामी विधानसभा २०२४ च्या सार्वत्रिक निवडणुकांसाठी ,महाराष्ट्र नवनिर्माण सेनेची दुसरी यादी खालीलप्रमाणे....#MNSAdhikrut #विधानसभा_२०२४ pic.twitter.com/gmBAIzsfRb

— MNS Adhikrut - मनसे अधिकृत (@mnsadhikrut) October 22, 2024

MNS ઉમેદવારોની બીજી યાદી જાહેર

આ સાથે જ બોરીવલીથી કૃણાલ માઈનકરને ટિકિટ આપવામાં આવી છે. ભાસ્કર પરબને દિંડોશીથી ઉમેદવાર બનાવવામાં આવ્યા છે. સંદેશ દેસાઈને વર્સોવાથી ઉમેદવાર બનાવવામાં આવ્યા છે. વીરેન્દ્ર જાધવને ગોરેગાંવથી ટિકિટ આપવામાં આવી છે. મહેશ ફરકાસેને કાંદિવલી પૂર્વથી ઉમેદવાર બનાવવામાં આવ્યા છે. દરમિયાન, ગણેશ ચુકકલને ઘાટકોપર પશ્ચિમથી ઉમેદવાર બનાવવામાં આવ્યા છે.

વર્લી આદિત્ય ઠાકરેનો મતવિસ્તાર છે

રાજ ઠાકરેએ સંદીપ દેશપાંડેને વર્લીથી ઉમેદવાર જાહેર કર્યા છે, જે આદિત્ય ઠાકરેનો મતવિસ્તાર છે. આદિત્ય ઠાકરે રાજ્યના પૂર્વ મુખ્યમંત્રી ઉદ્ધવ ઠાકરેના પુત્ર છે. રાજ ઠાકરેએ સોમવારે (21 ઓક્ટોબર) પાર્ટીના ઉમેદવારોના નામ પર સંમત થવા માટે પાર્ટીના નિરીક્ષકો પાસેથી મળેલા અહેવાલની ચર્ચા કરી હતી. MNS ઉમેદવાર ક્યાંથી જીતી શકે ? તેની સમીક્ષા કરવામાં આવી હતી. આ બેઠકમાં અમિત ઠાકરેએ એ વાત પર ભાર મૂક્યો કે તેમણે માહિમથી ચૂંટણી લડવી જોઈએ. 

શિવસેનાથી અલગ થઈને રાજ ઠાકરેએ મહારાષ્ટ્ર નવનિર્માણ સેનાની સ્થાપના કરી હતી. 2009ની વિધાનસભા ચૂંટણીમાં રાજ ઠાકરેની પાર્ટીના 13 ઉમેદવારો ચૂંટણી જીત્યા અને ધારાસભ્ય બન્યા હતા. પરંતુ ત્યારપછી પાર્ટીનું પ્રદર્શન સતત નબળું રહ્યું છે.

દરેકને ચૂંટણી લડવાનો અધિકાર છે - સંજય રાઉત

રાજ ઠાકરેએ માહિમ બેઠક પરથી અમિત ઠાકરેની ઉમેદવારી અંગે નિર્ણય લીધો છે પરંતુ જીત સુનિશ્ચિત કરવી એ એક મોટો પડકાર છે. આ દરમિયાન, ઉદ્ધવ ઠાકરે જૂથના નેતા સંજય રાઉતે અમિત ઠાકરેના ચૂંટણી લડવા પર તેમની પ્રતિક્રિયા આપી છે. તેમણે કહ્યું કે દરેકને ચૂંટણી લડવાનો અધિકાર છે.

તમને જણાવી દઈએ કે મહારાષ્ટ્રમાં એક જ તબક્કામાં તમામ 288 બેઠકો માટે 20મી નવેમ્બરે મતદાન થશે, જ્યારે મતગણતરી 23મી નવેમ્બરે થશે.