Rajasthan Politics: રાજસ્થાનમાં CMની ખુરશીને લઈને રાજકીય ડ્રામા, પાયલટ મંજૂર નહી
આ બેઠકમાં સીએમ અશોક ગેહલોત દ્વારા કોંગ્રેસ અધ્યક્ષની ચૂંટણી લડવાની જાહેરાત બાદ નેતૃત્વ પરિવર્તન અંગે ચર્ચા કરવામાં આવશે.
Rajasthan Congress Legislative Party Meeting: રાજસ્થાનમાં સીએમ બદલવાની ચર્ચાઓ વચ્ચે કોંગ્રેસ ધારાસભ્ય દળની બેઠક બોલાવવામાં આવી છે. આ બેઠક મુખ્યમંત્રી અશોક ગેહલોતના નિવાસસ્થાને યોજાશે. આ બેઠકમાં સીએમ અશોક ગેહલોત દ્વારા કોંગ્રેસ અધ્યક્ષની ચૂંટણી લડવાની જાહેરાત બાદ નેતૃત્વ પરિવર્તન અંગે ચર્ચા કરવામાં આવશે. આ બેઠક માટે કોંગ્રેસ અધ્યક્ષે મલ્લિકાર્જુન ખડગે અને અજય માકનને નિરીક્ષક અને પ્રભારી બનાવ્યા છે.
સીએમ અશોક ગેહલોત હોટલથી તેમના નિવાસસ્થાને રવાના થઈ ગયા છે. બંને નિરીક્ષકો, કોંગ્રેસ નેતા મલ્લિકાર્જુન ખડગે અને અજય માકન સીએમ આવાસ પર પહોંચી ગયા છે. ધારાસભ્ય દળની બેઠક થોડા સમયમાં શરૂ થઈ શકે છે. પૂર્વ ડેપ્યુટી સીએમ સચિન પાયલટ સહિત 25 ધારાસભ્યો સીએમ આવાસ પર હાજર છે. આ તમામ સચિન પાયલટ ગ્રુપના અને અન્ય કેટલાક ધારાસભ્યો છે.
ગેહલોત સમર્થક ધારાસભ્યો રાજીનામું આપી શકે છે
સૂત્રોના જણાવ્યા અનુસાર ગેહલોત જૂથના તમામ ધારાસભ્યો શાંતિ ધારીવાલના ઘરેથી સ્પીકર સીપી જોશીના ઘરે જઈ શકે છે. ગેહલોત તરફી ધારાસભ્યોના સામૂહિક રાજીનામાની ચર્ચા છે. લગભગ 82 ધારાસભ્યોએ તેમના રાજીનામા લખ્યા છે, જેને તેઓ સ્પીકરના ઘરે લઈ જશે. પ્રતાપ સિંહ ખાચરિયાવાસે કહ્યું કે તમામ ધારાસભ્યો નારાજ છે અને રાજીનામું આપી રહ્યા છે. અમે આ માટે પાર્ટી અધ્યક્ષ પાસે જઈ રહ્યા છીએ. ધારાસભ્યો નારાજ છે કે સીએમ અશોક ગેહલોત તેમની સાથે ચર્ચા કર્યા વિના નિર્ણય કેવી રીતે લઈ શકે છે.
રાજેન્દ્ર સિંહ ગુડા પણ સીએમ આવાસ પહોંચ્યા
આ બેઠક માટે કોંગ્રેસના ધારાસભ્ય રાજેન્દ્ર સિંહ ગુડા પણ પહોંચ્યા છે. રાજેન્દ્ર સિંહ ગુડાએ બેઠક પહેલા કહ્યું હતું કે જો તમામ 101 ધારાસભ્યો સીએલપીની બેઠકમાં હાજર નહીં રહે તો શું સરકાર બહુમતી ગુમાવશે નહીં ? હું આ બેઠકમાં ભાગ લઈ રહ્યો નથી. ધારાસભ્યો મારા ઘરે હાજર છે. તેમણે કહ્યું કે કોંગ્રેસ હાઈકમાન્ડના નિર્ણયની સાથે રહેશે.
શાંતિ ધારીવાલના ઘરે ગેહલોત કેમ્પની બેઠક યોજાઈ
આ બેઠક પહેલા અશોક ગેહલોતના નજીકના મંત્રી શાંતિ ધારીવાલના ઘરે ધારાસભ્યોની બેઠક પણ યોજવામાં આવી છે. આ બેઠકના કારણે ધારાસભ્ય દળની બેઠક મોડી પડી છે. અગાઉ ધારાસભ્ય દળની બેઠક 7 વાગ્યાથી શરૂ થવાની હતી. શાંતિ ધારીવાલના ઘરે મળેલી બેઠકમાં ગેહલોત જૂથના લગભગ 65 ધારાસભ્યો હાજર રહ્યા હતા.
સચિન પાયલટના નામ સાથે સહમત નથી
સૂત્રોના જણાવ્યા અનુસાર, આ બેઠકમાં ધારાસભ્યોએ કહ્યું છે કે જો સીએમ અશોક ગેહલોત (Ashok Gehlot)કોંગ્રેસ અધ્યક્ષ તરીકે કેન્દ્રમાં જાય છે અને મુખ્યમંત્રી પદ પરથી રાજીનામું આપે છે, તો નવા મુખ્યમંત્રી 102 ધારાસભ્યોમાંથી બનાવવામાં આવે જે પાયલટની સરકારને તોડવાની કોશિશ દરમિયાન તેઓ કોંગ્રેસની સાથે હતા. સચિન પાયલટના નામે ગેહલોત કેમ્પ બળવા પર ઉતરી આવ્યો છે.
ટ્રેન્ડિંગ સમાચાર
ટોપ સ્ટોરી
