મોટો ધડાકો: રામ મંદિર કેસમાં AAP નેતા સંજય સિંહને SIT નું સમન્સ, આવતીકાલે હાજર થવા આદેશ

sanjay singh ram mandir scam: સંજય સિંહે સોશિયલ મીડિયા પર માહિતી આપતા કહ્યું કે તેમની પાસે જમીન અને પ્રસાદ કૌભાંડના ઘણા પાક્કા પુરાવા છે, જે તેઓ 25 જૂને લખનૌમાં SIT અધ્યક્ષને સોંપશે.

ram mandir case sit summons aap mp sanjay singh for evidence

Source : PTI

Show Quick Read

Key points generated by AI, verified by newsroom

• SITએ રામ મંદિર કૌભાંડમાં સંજય સિંહને પુરાવા આપવા બોલાવ્યા.
• સંજય સિંહે 25 જૂને SITને પુરાવા સોંપવાની પુષ્ટિ કરી.
• તેમણે ચંપત રાય પર જમીન ખરીદીમાં ગંભીર આક્ષેપો કર્યા.
• ઉત્તર પ્રદેશ સરકારે આ મામલે SITની રચના કરી છે.

sanjay singh ram mandir scam: અયોધ્યા રામ મંદિરના પ્રસાદ અને જમીન ખરીદી કેસમાં હવે એક નવો વળાંક આવ્યો છે. આ મામલાની તપાસ કરી રહેલી સ્પેશિયલ ઇન્વેસ્ટિગેશન ટીમ (SIT) એ આમ આદમી પાર્ટી (AAP) ના રાજ્યસભા સાંસદ સંજય સિંહને સમન્સ મોકલીને પુરાવા રજૂ કરવા બોલાવ્યા છે. સંજય સિંહે પોતે સોશિયલ મીડિયા પર આ વાતની પુષ્ટિ કરી છે અને દાવો કર્યો છે કે તેમની પાસે આ કૌભાંડને લગતા ઘણા ચોક્કસ દસ્તાવેજો છે, જે તેઓ SIT ને સોંપશે.

સંજય સિંહે વીડિયો શેર કરી આપી માહિતી

AAP નેતા સંજય સિંહે પોતાના X (ટ્વિટર) એકાઉન્ટ પર એક વીડિયો શેર કરીને જણાવ્યું છે કે, તેમને 25 જૂને સવારે 11 વાગ્યે લખનૌમાં ડિવિઝનલ કમિશનરની ઓફિસમાં બોલાવવામાં આવ્યા છે. તેમણે વીડિયોમાં કહ્યું કે, "મારે તમને એ જણાવવું છે કે મને 25 જૂને સવારે 11 વાગ્યે બોલાવાયો છે. મેં પોતે પણ સમય માંગ્યો હતો. હું કાલે જઈશ અને SIT ની ટીમને આ કેસ સંબંધિત તમામ માહિતી અને પુરાવા સોંપીશ. જય હિંદ, જય શ્રી રામ."

ચંપત રાય પર લગાવ્યા ગંભીર આક્ષેપો

નોંધનીય છે કે, રામ મંદિરમાં પ્રસાદ અને દાનના મુદ્દે સંજય સિંહ લાંબા સમયથી આક્રમક છે અને સતત ભાજપ સરકાર પર પ્રહારો કરી રહ્યા છે. થોડા દિવસ પહેલા જ તેમણે એક પ્રેસ કોન્ફરન્સ કરીને કેટલાક દસ્તાવેજો બતાવ્યા હતા. સંજય સિંહે રામ જન્મભૂમિ તીર્થ ક્ષેત્ર ટ્રસ્ટના મહાસચિવ ચંપત રાય પર ગંભીર આક્ષેપો કરતા દાવો કર્યો હતો કે, ચંપત રાયે 2 કરોડ રૂપિયાની જમીન 18.5 કરોડમાં, 3 કરોડની જમીન 24 કરોડમાં અને 9 કરોડની જમીન 55.47 કરોડ રૂપિયામાં ખરીદી છે.

प्रभु श्री राम जी के मंदिर में हुए चढ़ावा और चंदा चोरी की जांच करने वाली SIT ने 25 जून को सुबह 11 बजे लखनऊ मंडलायुक्त कार्यालय पर मुझे बुलाया है। मैं जमीन घोटाले से संबंधित सारे दस्तावेज़ SIT के अध्यक्ष को सौंपूंगा। pic.twitter.com/0isezwLK7y

— Sanjay Singh AAP (@SanjayAzadSln) June 24, 2026

ભાજપ પર નિશાન સાધતા શું કહ્યું?

સંજય સિંહે બુધવારે કરેલી પોસ્ટમાં વધુમાં લખ્યું હતું કે, "મારી પાસે આ કૌભાંડના તમામ પુરાવા છે, પણ SIT એ મને હજુ સુધી બોલાવ્યો નહોતો. ફંડ ચોરો હજુ પણ ટ્રસ્ટમાં કેવી રીતે બેઠા છે? મોદીજીએ ટ્રસ્ટ બનાવ્યું, પણ લૂંટાયેલા પૈસા ભાજપ પાસે ગયા. ભાજપ એ જ પૈસાનો ઉપયોગ દેશભરમાં ધારાસભ્યો અને સાંસદો ખરીદવા માટે કરી રહી છે અને તેથી જ મોદીજી આ ફંડ ચોરી પર ચૂપ છે."

SIT એ પ્રાથમિક રિપોર્ટ સોંપ્યો

ઉલ્લેખનીય છે કે, રામ મંદિર સાથે જોડાયેલા આ વિવાદોની તપાસ માટે ઉત્તર પ્રદેશ સરકારે 13 જૂને 3 સભ્યોની એક SIT ની રચના કરી હતી. આ ટીમે પોતાનો પ્રાથમિક રિપોર્ટ તો સરકારને સોંપી દીધો છે અને એવી શક્યતા છે કે આગામી 10 થી 15 દિવસમાં ફાઇનલ રિપોર્ટ પણ જાહેર કરવામાં આવશે. હવે જોવાનું એ રહે છે કે સંજય સિંહના પુરાવા આપ્યા બાદ આ તપાસ કઈ દિશામાં આગળ વધે છે.