Jan Sangharsh Yatra: જનસંઘર્ષ યાત્રામાં સચિન પાયલટે વિરોધીઓ પર નિશાન સાધ્યું, જાણો શું આપ્યું મોટુ નિવેદન  

જયપુરના મંચ પરથી સચિન પાયલટે રાજસ્થાનના મુખ્યમંત્રી અશોક ગેહલોતની સરકાર પર જોરદાર નિશાન સાધ્યું છે.

સચિન પાયલટ ( Image Source : PTI )

Jaipur, Rajasthan: રાજસ્થાનના પૂર્વ ડેપ્યુટી સીએમ સચિન પાયલટની જન સંઘર્ષ યાત્રા આજે જયપુર પહોંચી ગઈ છે. જયપુરના મંચ પરથી સચિન પાયલટે રાજસ્થાનના મુખ્યમંત્રી અશોક ગેહલોતની સરકાર પર જોરદાર નિશાન સાધ્યું છે.કૉંગ્રેસ નેતા સચિન પાયલટે કહ્યું,  રાજસ્થાનમાં શું થયું જ્યારે 2013માં રાજસ્થાનમાંથી અમારી સરકાર હટી ગઈ હતી.  ત્યારે કોંગ્રેસ પાસે બહુ ઓછી સીટો હતી. ત્યારે મને કહેવામાં આવ્યું કે તમારે કોંગ્રેસના અધ્યક્ષ બનવાનું છે. અમે પાંચ વર્ષ એક થઈને કામ કર્યું. વસુંધરા રાજેના શાસનમાં જે ભ્રષ્ટાચાર થયો હતો તેના પર અમે આરોપ લગાવ્યા, પરંતુ અમે જે આક્ષેપો કર્યા હતા તેને સાડા ચાર વર્ષ થઈ ગયા છે, પરંતુ તે આરોપો સાબિત કરી શક્યા નથી.

भ्रष्टाचार के विरुद्ध शुरू की गई जन संघर्ष यात्रा में पिछले चार दिनों में राजस्थान के कई हिस्सों से जनता ने भागीदारी की।
चौथे दिन के यात्रा के कुछ क्षण... pic.twitter.com/hOW1AZAfyh

— Sachin Pilot (@SachinPilot) May 15, 2023

હું ડરવાનો નથી

સચિન પાયલોટે વધુમાં કહ્યું કે, હું કોઈ પણ હોદ્દો સંભાળું કે ન રાખું, હું મારા છેલ્લા શ્વાસ સુધી રાજસ્થાનની જનતાની સેવા કરતો રહીશ. હું ડરતો નથી. પાયલટે વધુમાં કહ્યું કે જ્યારે કોઈ સત્તા પર આવે છે, જે ગાદી પર બેસે છે તેને ન્યાય કરવાની જરૂર છે.  રાજસ્થાનમાં આગામી 6 મહિનામાં ચૂંટણી થવાની છે, કાર્યવાહી કરવી પડશે. મેં ક્યારેય કોઈ પર આરોપ લગાવ્યો નથી.

સચિન પાયલટે કોંગ્રેસમાં રાજસ્થાન અધ્યક્ષ પદેથી પોતાની સંઘર્ષ યાત્રાની વિગતો લોકો સમક્ષ મૂકી. પાયલટે પોતાની મીટિંગ દરમિયાન કહ્યું, વર્ષ 2013માં અમારી પાસે માત્ર 21 સીટો રહી હતી. પછી મને પ્રમુખ બનાવવામાં આવ્યો. અમે વર્ષ 2018 સુધી ઘણો સંઘર્ષ કર્યો. તમામ નેતાઓએ વસુંધરા રાજે સરકાર પર આરોપ લગાવ્યા. પછી અમારી સરકાર બની. પરંતુ સાડા ત્રણ વર્ષ વીતી ગયા. ચાર વર્ષ થઈ ગયા પણ વસુંધરા સરકાર સામેના આરોપની તપાસ થઈ નથી. મેં ઘણા પત્રો લખ્યા. એક દિવસના ઉપવાસ પર ઊતર્યા, પણ કંઈ થયું નહીં. પછી મેં વિચાર્યું કે આ ભ્રષ્ટાચારના મુદ્દે લોકો સુધી પહોંચવું  પડશે. 11મી મેના રોજ અજમેરથી યાત્રા શરૂ કરી. ગરમી ખૂબ જ છે, લોકોએ કહ્યું કે પીડા થશે.