(Source: ECI/ABP News/ABP Majha)
Sachin Pilot Protest Live: દિલ્હી પહોંચ્યા સચિન પાયલટ, કોગ્રેસમાં રહેશે કે નવી પાર્ટી બનાવશે, આજે થશે નિર્ણય
મુખ્યમંત્રી અશોક ગેહલોતે બુધવારે (12 એપ્રિલ) કેબિનેટની બેઠક પણ બોલાવી છે
LIVE
Background
Sachin Pilot Protest: રાજસ્થાનના પૂર્વ નાયબ મુખ્યમંત્રી અને કોંગ્રેસ નેતા સચિન પાયલટના ઉપવાસ બાદથી રાજસ્થાનથી લઈને દિલ્હી સુધી રાજકારણ ગરમાયું છે. હકીકતમાં, તેમણે ભૂતપૂર્વ મુખ્યમંત્રી વસુંધરા રાજેના નેતૃત્વવાળી સરકારના કાર્યકાળ દરમિયાન કથિત ભ્રષ્ટાચારને લઈને પોતાની જ સરકાર સામે મોરચો ખોલ્યો છે. તેમનો આરોપ છે કે તેમની ફરિયાદ હોવા છતાં મુખ્યમંત્રી અશોક ગેહલોતે આ મામલે કોઈ કાર્યવાહી કરી નથી. તે હવે આ મામલે કાર્યવાહીની માંગ કરી રહ્યા છે. દરમિયાન, હવે પાયલટ આજે (12 એપ્રિલ) દિલ્હી જઇ શકે છે. અહીં રાજસ્થાન કોંગ્રેસના પ્રભારી સુખજિંદર સિંહ રંધાવા તેમને મળશે અને વિવાદ ઉકેલવાનો પ્રયાસ કરશે.
#WATCH | Jaipur: Rajasthan Congress leader Sachin Pilot meets his supporters after ending his daylong fast.
— ANI MP/CG/Rajasthan (@ANI_MP_CG_RJ) April 11, 2023
He held a protest today demanding action against alleged corruption during the previous Vasundhara Raje-led government in the state pic.twitter.com/ReMucz4PZ7
મુખ્યમંત્રી અશોક ગેહલોતે બુધવારે (12 એપ્રિલ) કેબિનેટની બેઠક પણ બોલાવી છે. રંધાવા દ્વારા આપવામાં આવેલી ચેતવણીથી ડર્યા વિના પાયલટે ધરણા પર બેસવાનું ચાલુ રાખ્યું. ધરણાં સ્થળ પર મોટી સંખ્યામાં પાયલટ સમર્થકો હાજર હતા, જોકે પક્ષનો કોઈ મોટો ચહેરો કે વર્તમાન ધારાસભ્ય ત્યાં જોવા મળ્યા ન હતા.
#WATCH | Rajasthan Congress leader Sachin Pilot on a daylong fast calling for action against alleged corruption during the previous Vasundhara Raje-led government in the state pic.twitter.com/MCav6OinIQ
— ANI MP/CG/Rajasthan (@ANI_MP_CG_RJ) April 11, 2023
શું છે સમગ્ર મામલો
વાસ્તવમાં સચિન પાયલટે આ મામલાને લઈને કહ્યું હતું કે 2013માં કોંગ્રેસની સરકાર હતી. ત્યારે વિપક્ષમાં રહીને અમે વસુંધરા સરકારના ભ્રષ્ટાચારનો પર્દાફાશ કર્યો અને જનતા સમક્ષ લાવ્યા. અમે જનતાને વચન આપ્યું હતું કે રાજેના કાર્યકાળના ભ્રષ્ટાચારની તપાસ કરવામાં આવશે. તેમણે એક વર્ષ પહેલા સીએમ ગેહલોતને પત્ર લખ્યો હતો કે અમારા દ્વારા કરવામાં આવેલા આરોપોની તપાસ કરવામાં આવે અને આ કૌભાંડોને લોકો સમક્ષ લાવવામાં આવે પરંતુ આ પછી પણ કોઈ કાર્યવાહી કરવામાં આવી ન હતી. તેમનું કહેવું છે કે સરકાર કૌભાંડો પર કોઈ પગલાં લઈ રહી નથી.
સૂત્રોના જણાવ્યા અનુસાર સચિન પાયલટ અંગે પાર્ટી હાઈકમાન્ડનું વલણ હજુ પણ નરમ છે. દરમિયાન, અટકળો ચાલી રહી છે કે તેઓ કોંગ્રેસ છોડી શકે છે અને કોઇ નવી પાર્ટીમાં જોડાઇ શકે છે. આજે રાજસ્થાન કોંગ્રેસના પ્રભારી સુખજિંદર સિંહ સાથે તેમની મુલાકાત બાદ જ ચિત્ર સ્પષ્ટ થશે.
અશોક ગેહલોત મીડિયા સાથે વાત કરશે
રાજકીય વિવાદ વચ્ચે કોંગ્રેસના વરિષ્ઠ નેતા સચિન પાયલટ હાલમાં દિલ્હીમાં છે અને વરિષ્ઠ નેતાઓને મળી શકે છે. હવે રાજસ્થાનના મુખ્યમંત્રી અશોક ગેહલોતે પણ મૌન તોડવાનો નિર્ણય લીધો છે. તેઓ આજે બપોરે 1.30 કલાકે પત્રકાર પરિષદ યોજીને મીડિયાને સંબોધશે.
'સૌના સ્નેહ માટે હૃદયપૂર્વક કૃતજ્ઞતા'
રાજકીય હલચલ વચ્ચે સચિન પાયલટે એક વીડિયો શેર કર્યો છે. આ વીડિયોમાં હજારો લોકો એકઠા થયા છે. તેમણે લખ્યું હતું કે 'તમારા સ્નેહ અને સહકાર બદલ આપ સૌનો હૃદયપૂર્વક આભાર'.
Heartfelt gratitude for all your affection and support 🙏 pic.twitter.com/MZ5fSeTaOa
— Sachin Pilot (@SachinPilot) April 12, 2023
સચિન પાયલટ ઘરેથી રવાના
#WATCH दिल्ली: कांग्रेस नेता सचिन पायलट अपने आवास से रवाना हुए।
— ANI_HindiNews (@AHindinews) April 12, 2023
सचिन पायलट ने कल राजस्थान की पूर्व मुख्यमंत्री वसुंधरा राजे की सरकार में हुए भ्रष्टाचार के ख़िलाफ जयपुर में एक दिन का अनशन किया था। pic.twitter.com/5uMC7eQwtr
શું સચિન પાયલટ કોંગ્રેસ છોડશે?
સચિન પાયલટના પોતાના જ પક્ષ સામે મોરચો ખોલવાના આ પગલાથી ફરી એકવાર અટકળોએ જોર પકડ્યું છે કે શું સચિન પાયલટ કોંગ્રેસ છોડીને નવા માર્ગ પર આગળ વધશે? આ ઉપરાંત જો પાયલટ કોંગ્રેસ છોડશે તો તેમનું આગળનું પગલું શું હશે?
સચિન પાયલટ કેમ કરી રહ્યા છે વિરોધ
સચિન પાયલટની ફરિયાદ છે કે અશોક ગેહલોતે ભાજપ સરકારમાં થયેલા ભ્રષ્ટાચાર સામે પગલાં લીધા નથી. પાયલટ વસુંધરા રાજેના કાર્યકાળમાં થયેલા કૌભાંડોની તપાસનો મુદ્દો ઉઠાવી રહ્યા છે. તેમણે ગેહલોતનો જૂનો વીડિયો ચલાવ્યો અને પૂછ્યું કે આ કેસોની તપાસ કેમ નથી થઈ. પરંતુ એવું માનવામાં આવે છે કે તેઓ વસુંધરા રાજેના બહાને અશોક ગેહલોતને નિશાન બનાવી રહ્યા છે.
ટ્રેન્ડિંગ સમાચાર
ટોપ સ્ટોરી
