Delhi Liquor Policy Case: જેલ કે બેલ? આ તારીખે સુપ્રીમ કોર્ટ સંભળાવશે મનિષ સિસોદિયા અંગે ચૂકાદો
Delhi Liquor Policy Case: સુપ્રીમ કોર્ટ 30 ઓક્ટોબરે લિકર પોલિસી કેસમાં મનીષ સિસોદિયાની જામીન અરજી પર ચુકાદો આપશે. જસ્ટિસ સંજીવ ખન્ના અને જસ્ટિસ એસવીએન ભાટીની બેન્ચ આ નિર્ણય સંભળાવશે.
Delhi Liquor Policy Case: સુપ્રીમ કોર્ટ 30 ઓક્ટોબરે લિકર પોલિસી કેસમાં મનીષ સિસોદિયાની જામીન અરજી પર ચુકાદો આપશે. જસ્ટિસ સંજીવ ખન્ના અને જસ્ટિસ એસવીએન ભાટીની બેન્ચ આ નિર્ણય સંભળાવશે. ઉલ્લેખનીય છે કે તાજેતરમાં જ આ કેસની સુનાવણી બાદ કોર્ટે પોતાનો નિર્ણય સુરક્ષિત રાખ્યો હતો.
દિલ્હીના ભૂતપૂર્વ નાયબ મુખ્ય પ્રધાન મનીષ સિસોદિયાએ દારૂની નીતિમાં કથિત અનિયમિતતા સંબંધિત CBI અને ED કેસમાં જામીન માટે સુપ્રીમ કોર્ટનો સંપર્ક કર્યો હતો. આ સિવાય તેણે દિલ્હી હાઈકોર્ટના જામીન અરજી ફગાવવાના આદેશને પણ પડકાર્યો હતો.
SC to deliver order on Manish Sisodia bail plea in Delhi liquor policy cases on October 30
— ANI Digital (@ani_digital) October 28, 2023
Read @ANI Story | https://t.co/sfpybgoV0L#liquorscam #ManishSisodia #Delhi pic.twitter.com/uZDNjiDzXp
ન્યૂઝ એજન્સી એએનઆઈના અહેવાલ મુજબ, છેલ્લી સુનાવણી દરમિયાન, કોર્ટે કેસની સુનાવણી પૂર્ણ કરવામાં કેટલો સમય લાગ્યો તે વિશે જાણવા માંગતુ હતું. આના પર, તપાસ એજન્સી તરફથી હાજર રહેલા એડિશનલ સોલિસિટર જનરલ એસવી રાજુએ કહ્યું હતું કે કેસ 9 થી 12 મહિનામાં સમાપ્ત થઈ શકે છે. તેના પર કોર્ટે કહ્યું કે આ કેસમાં 294 સાક્ષીઓ અને હજારો દસ્તાવેજો છે.
સિસોદિયાને જેલમાં રાખવાની જરૂર નથી
આ દરમિયાન, તપાસ એજન્સીઓની દલીલનો વિરોધ કરતા વરિષ્ઠ વકીલ એએમ સિંઘવીએ કોર્ટને સિસોદિયાને જામીન આપવા વિનંતી કરી, કારણ કે તેમને જેલના સળિયા પાછળ રાખવાની જરૂર નથી. તેમણે એમ પણ કહ્યું કે આ મામલામાં સિસોદિયાને સીધા લિંક કરવા માટે કંઈ જ નથી અને એવા કોઈ પુરાવા નથી કે જે સૂચવે છે કે તેમનો વિજય નાયર સાથે કોઈ સંબંધ છે.
હાઈકોર્ટે સિસોદિયાને જામીન આપ્યા નહોતા
નોંધનીય છે કે આ પહેલા દિલ્હી હાઈકોર્ટે તેને જામીન આપવાનો ઈન્કાર કરી દીધો હતો. ED કેસમાં 3 જુલાઈ, 2023 ના રોજ આપેલા તેના આદેશમાં, દિલ્હી હાઈકોર્ટે કહ્યું હતું કે તે નકારી શકે નહીં કે સિસોદિયા તેમના પદનો ઉપયોગ કરીને સાક્ષીઓને પ્રભાવિત કરી શકે છે.
શું છે મામલો?
સિસોદિયાની સીબીઆઈ દ્વારા ફેબ્રુઆરી 2023 માં દિલ્હીની હવે રદ કરાયેલ દારૂની નીતિની રચના અને અમલીકરણમાં કથિત અનિયમિતતા માટે ધરપકડ કરવામાં આવી હતી. સીબીઆઈના જણાવ્યા અનુસાર, સિસોદિયા નીતિ ઘડવામાં અને તેને લાગુ કરવામાં સામેલ હતા.
ટ્રેન્ડિંગ સમાચાર
ટોપ સ્ટોરી
