ISISના શકમંદોની શોધમાં NIAએ દેશમાં 100 જગ્યાએ દરોડા પાડ્યા, આતંકી સંગઠન વીડિયો દ્વારા કરી રહ્યું છે ભરતી

ગયા વર્ષે 23 ઓક્ટોબરના રોજ તમિલનાડુના ઉક્કડમ વિસ્તારમાં કોટ્ટાઈમેડુ ખાતે કોટ્ટાઈ ઈશ્વરન મંદિરની સામે એક કારમાં ગેસ સિલિન્ડર વિસ્ફોટ થયો હતો.

પ્રતિકાત્મક તસવીર

NIA Raid: નેશનલ ઇન્વેસ્ટિગેશન એજન્સી (NIA)ની ટીમ શંકાસ્પદ ISIS શકમંદોને શોધવા માટે તમિલનાડુ અને કેરળમાં 60 થી વધુ સ્થળો પર દરોડા પાડી રહી છે. યુવાનોની ભરતી કરવા માટે આતંકી સંગઠનો વીડિયોની મદદ લઈ રહ્યાં છે. ભૂતકાળમાં ઘણા યુવાનોને વીડિયો દ્વારા બ્રેઈનવોશ કરીને કટ્ટરપંથી તરફ વાળવામાં આવ્યા છે. કોઇમ્બતુરમાં કાર સિલિન્ડર બ્લાસ્ટના સંદર્ભમાં તમિલનાડુમાં સર્ચ ઓપરેશન હાથ ધરવામાં આવી રહ્યું છે.

આતંકવાદ વિરોધી એજન્સી કર્ણાટકમાં 45 થી વધુ સ્થળો પર દરોડા પાડી રહી છે.

ગયા વર્ષે કોઈમ્બતુરમાં બ્લાસ્ટ થયો હતો

ગયા વર્ષે 23 ઓક્ટોબરના રોજ તમિલનાડુના ઉક્કડમ વિસ્તારમાં કોટ્ટાઈમેડુ ખાતે કોટ્ટાઈ ઈશ્વરન મંદિરની સામે એક કારમાં ગેસ સિલિન્ડર વિસ્ફોટ થયો હતો. આ વિસ્ફોટમાં શંકાસ્પદ આતંકવાદી જેમ્સ મુબીન માર્યો ગયો હતો. દિવાળીના એક દિવસ પહેલા થયેલા બ્લાસ્ટથી એજન્સીઓને એલર્ટ કરી દેવામાં આવી હતી.

National Investigation Agency conducts raids in Coimbatore and Mayiladuthurai, in connection with the Coimbatore car cylinder blast case

Raids are underway at multiple locations across Tamil Nadu pic.twitter.com/VZv0Dda3TM

— ANI (@ANI) February 15, 2023

પોલીસે મુબીનના ઘરમાંથી 75 કિલો વિસ્ફોટકો જપ્ત કર્યા છે. આ સાથે ISISના ઝંડાની તસવીર સહિત દસ્તાવેજો અને ઘણી સંવેદનશીલ સામગ્રી મળી આવી છે. મુબીનને વિસ્ફોટકો મેળવવામાં અને તેને તેના ભાડાના મકાનમાંથી બીજા સ્થળે પહોંચાડવામાં મદદ કરવા બદલ પોલીસે છ લોકોની ધરપકડ કરી હતી.

સૂત્રોએ જણાવ્યું હતું કે NIA એ બુધવારે સવારે કેરળ, કર્ણાટક અને તમિલનાડુમાં ISISના સહાનુભૂતિ ધરાવતા બે અલગ-અલગ વિસ્ફોટના કેસોની તપાસના ભાગરૂપે અનેક સ્થળોએ દરોડા પાડ્યા હતા. તપાસ એજન્સીના સૂત્રોના જણાવ્યા અનુસાર, 23 ઓક્ટોબર, 2022 અને 19 નવેમ્બર, 2022ના રોજ થયેલા તામિલનાડુના કોઈમ્બતુર અને કર્ણાટકના મેંગલુરુમાં ગયા વર્ષે થયેલા બોમ્બ વિસ્ફોટોના સંદર્ભમાં સર્ચ કરવામાં આવી રહ્યું છે.

Tamil Nadu | NIA raid underway at a location in Trichy, in connection with Coimbatore car blast case pic.twitter.com/IPQ3m4mtnk

— ANI (@ANI) February 15, 2023

સૂત્રોએ જણાવ્યું હતું કે તમિલનાડુના કોડુંગયુર અને કેરળના મન્નાડી સહિત ત્રણ રાજ્યોમાં લગભગ પાંચ ડઝન સ્થળોએ એક સાથે દરોડા પાડવામાં આવ્યા હતા. ગયા વર્ષે 27 ઑક્ટોબરે, NIA એ ગયા વર્ષે 23 ઑક્ટોબરે તમિલનાડુના કોઈમ્બતુર જિલ્લામાં કોટ્ટાઈ ઈશ્વરણ મંદિરની સામે વિસ્ફોટકોથી ભરેલી કારમાં થયેલા બોમ્બ વિસ્ફોટની તપાસ હાથ ધરી હતી. પહેલા કેસમાં 11 આરોપીઓની આતંકવાદ વિરોધી એજન્સી દ્વારા ધરપકડ કરવામાં આવી હતી, જેની તમિલનાડુ પોલીસે શરૂઆતમાં ગયા વર્ષે 23 ઓક્ટોબરે ફરિયાદ નોંધી હતી.