ક્રુઝ પર ડ્રગ્સ પાર્ટીઃ શાહરૂખના પુત્રની 3 યુવતીઓ સાથે પૂછપરછ, NCBએ જાહેર કર્યાં 8 નામ, જાણો કોણ કોણ છે ?
મુંબઈથી ગોવા જઈ રહેલા લક્ઝરી ક્રૂઝની ડ્રગ્સ પાર્ટી પર નાર્કોટિક્સ કંટ્રોલ બ્યુરોની ટીમે પાડેલા દરોડામાં શાહરૂખ ખાનના દીકરાની પૂછપરછ થઈ રહી હોવાની એનસીબીએ સત્તાવાર જાહેરાત કરી છે.
મુંબઈઃ મુંબઈથી ગોવા જઈ રહેલા લક્ઝરી ક્રૂઝની ડ્રગ્સ પાર્ટી પર નાર્કોટિક્સ કંટ્રોલ બ્યુરો (એનસીબી)ની ટીમે પાડેલા દરોડામાં શાહરૂખ ખાનના દીકરાની પૂછપરછ થઈ રહી હોવાની નાર્કોટિક્સ કંટ્રોલ બ્યુરો (એનસીબી)એ સત્તાવાર જાહેરાત કરી છે. નાર્કોટિક્સ કંટ્રોલ બ્યુરો (એનસીબી)ના મુંબઈના ડિરેક્ટર સમીર વાનખેડેએ શાહરૂખના દીકરા સહિત આઠ લોકોની પૂછપરછ કરાઈ રહી હોવાનું જણાવ્યું હોવાનું એએનઆઈ દ્વારા ટ્વિટ કરાયું છે.
Eight persons -- Aryaan Khan, Arbaaz Merchant, Munmun Dhamecha, Nupur Sarika, Ismeet Singh, Mohak Jaswal, Vikrant Chhoker, Gomit Chopra -- are being questioned in connection with the raid at an alleged rave party at a cruise off Mumbai coast: NCB Mumbai Director Sameer Wankhede pic.twitter.com/KauOH2ULts
— ANI (@ANI) October 3, 2021
નાર્કોટિક્સ કંટ્રોલ બ્યુરો (એનસીબી)ના મુંબઈના ડિરેક્ટર સમીર વાનખેડેએ આપેલી માહિતી પ્રમાણે શાહરૂખના દીકરા આર્યન ખાનની સાથે ત્રણ યુવતીની પણ પૂછપરછ કરાઈ રહી છે. આર્યન ખાન ઉપરાંત અરબાઝ મર્ચન્ટ, મુનમુન ધામેચા, નુપુર સારિકા, ઈસ્મિત સિંઘ, મોહક જસવાલ, વિક્રાન્ત ચોકર અમને ગોમિત ચોપરાની પૂછપરછ કરાઈ રહી છે એવો દાવો આ અહેવાલમાં કરાયો છે.
નાર્કોટિક્સ કંટ્રોલ બ્યુરો (એનસીબી)ના મુંબઈના ડિરેક્ટર સમીર વાનખેડેની આગેવાનીમાં ક્રુઝ પર પાડેલા દરોડામાં બોલિવુડ અભિનેતા શાહરૂખ ખાનનો દીકરો આર્યન ખાન પણ હાજર હોવાનું બહાર આવ્યું હતું. એનસીબીના ઝોનલ ડાયરેક્ટર સમીર વાનખેડેના કહેવા પ્રમાણે હજુ સુધી આર્યનની ધરપકડ નથી કરવામાં આવી નથી પણ પૂછપરછ થઈ રહી છે. આ ઉપરાંત ક્રુઝના આયોજકોને પણ પૂછપરછ માટે બોલાવવામાં આવ્યા છે. સત્તાવાર રીતે આર્યન ખાનની પૂછપરછ કરાઈ રહી હોવાનું કહેવાતાં આર્યન ખાન પાર્ટીમાં હાજર હતો એ સ્પષ્ટ છે.
મીડિયાના અહેવાલ પ્રમાણે શાહરૂખ ખાનના દીકરા આર્યને પુછપરછ દરમિયાન જણાવ્યું કે, તેને પાર્ટીમાં ગેસ્ટ તરીકે બોલાવવામાં આવ્યો હતો અને તેણે પાર્ટીમાં સામેલ થવા કોઈ રૂપિયા નથી આપ્યા. મીડિયા અહેવાલમાં દાવો કરાયો છે કે, આર્યનના કહેવા પ્રમાણે તે પાર્ટીમાં તેના નામે લોકોને ઈન્વાઈટ કરવામાં આવ્યા હતા. જાણવા મળ્યા મુજબ ક્રૂઝની અંદર ચાલી રહેલી પાર્ટીનો એક વીડિયો પણ એનસીબીના હાથમાં આવ્યો છે જેમાં આર્યન જોવા મળી રહ્યો છે. પાર્ટી દરમિયાન આર્યને વ્હાઈટ ટી શર્ટ, બ્લુ જીન્સ, રેડ ઓપન શર્ટ અને કેપ પહેરેલા હતા. એક અહેવાલ પ્રમાણે જે લોકોને પકડવામાં આવ્યા છે તેમના પાસેથી રોલિંગ પેપર પણ મળ્યા છે.
એનસીબીના અધિકારીઓએ શાહરૂખ ખાનના દીકરા આર્યનનો મોબાઈલ ફોન જપ્ત કરી લીધો છે અને તેમના મોબાઈલ ફોનની ચેટની તપાસ થઈ રહી છે. કસ્ટડીમાં લેવામાં આવેલા અન્ય લોકોના મોબાઈલ ફોન જપ્ત કરીને પણ તપાસ કરવામાં આવી રહી છે. આ કેસમાં દિલ્હીથી આવેલી 3 છોકરીઓની પણ કસ્ટડીમાં પુછપરછ થઈ રહી છે. તે ત્રણેય મોટા બિઝનેસમેનની દીકરીઓ હોવાનું જાણવા મળ્યું છે.
ટોપ સ્ટોરી
ટ્રેન્ડિંગ સમાચાર
