Sydney Mall Stabbing Attack: સિડની મોલ હુમલાના પ્રત્યક્ષદર્શીએ કહી આ વાત, ગોળી ન મારવામાં આવી હોત તો.....

પ્રત્યક્ષદર્શીએ જણાવ્યું કે હુમલાખોર પાસે તીક્ષ્ણ ચાકુ હતું, જેના વડે તે પોતાની સામે આવનાર દરેક વ્યક્તિ પર સતત હુમલો કરી રહ્યો હતો

સિડનીમાં મોલમાં હુમલો થયો

Source : @AFP

Sydney Mall Attack News: ઓસ્ટ્રેલિયાના સિડનીમાં શનિવાર (13 એપ્રિલ)ના રોજ એક શોપિંગ મોલમાં એક ચોંકાવનારી ઘટના બની હતી, જ્યાં એક વ્યક્તિએ છ લોકોને ચાકુ મારીને હત્યા કરી હતી. ઓછામાં ઓછા નવ લોકો ઘાયલ થયા છે. ઘાયલોમાં એક બાળક પણ સામેલ છે.

મોલના સીસીટીવી ફૂટેજ પરથી જાણવા મળ્યું છે કે હુમલાખોરે ઓસ્ટ્રેલિયન રગ્બી જર્સી પહેરી હતી. તેનો ઈરાદો શું હતો, અત્યારે કંઈ જાણી શકાયું નથી. સ્થાનિક પોલીસનું કહેવું છે કે તેને ઓળખવાના પ્રયાસો કરવામાં આવી રહ્યા છે અને તેણે કયા હેતુથી હુમલો કર્યો તે પણ શોધી કાઢવામાં આવી રહ્યો છે.

પ્રત્યક્ષદર્શીઓએ કહી આ વાત

એક પ્રત્યક્ષદર્શીએ જણાવ્યું કે હુમલાખોર પાસે તીક્ષ્ણ ચાકુ હતું, જેના વડે તે પોતાની સામે આવનાર દરેક વ્યક્તિ પર સતત હુમલો કરી રહ્યો હતો. ઘટનાસ્થળે હાજર લોકોએ જણાવ્યું હતું કે તે દોડતી વખતે હુમલો કરતો હતો અને તે જે પણ પસાર થતો હતો તેને મારી નાખવાના ઈરાદે હુમલો કરતો હતો.

ઘટનાના પ્રત્યક્ષદર્શીઓએ હંગામા વચ્ચે ગોળીબારના અવાજ સાંભળ્યાનો પણ ઉલ્લેખ કર્યો હતો. જે વીડિયો સામે આવ્યો છે તેમાં જોઈ શકાય છે કે એમ્બ્યુલન્સ, પોલીસ સાયરન અને હેલિકોપ્ટરના અવાજો મોલમાં ચારે તરફ ગુંજી રહ્યા છે.

#UPDATE Security camera footage broadcast by local media showed a man wearing an Australian rugby league jersey running around the shopping centre with a large knife and injured people lying lifeless on the floor.

— AFP News Agency (@AFP) April 13, 2024

પોલીસે શું કહ્યું?

આસિસ્ટન્ટ પોલીસ કમિશનર એન્થોની કૂકે એક પ્રેસ બ્રીફિંગમાં જણાવ્યું હતું કે એકલા હુમલાખોરે મોલમાં અંધાધૂંધ છરીઓ મારવાનું શરૂ કરતાં મોલમાં ગભરાટ ફેલાઈ ગયો હતો. તેણે ઘણા લોકોને નિશાન બનાવ્યા અને પછી જ્યારે તેણે પોલીસ ઈન્સ્પેક્ટરનો સામનો કર્યો, ત્યારે તેને ગોળી વાગી, જેના પરિણામે તેનું મૃત્યુ થયું.

એન્થોની કુકે કહ્યું કે છ પીડિતોના મોત થયા છે. પરિસ્થિતિને કાબૂમાં લેવા માટે અધિકારીઓએ ઝડપથી વિસ્તારમાંથી સેંકડો લોકોને બહાર કાઢ્યા હતા. તેણે કહ્યું કે જો પોલીસકર્મીએ તેને ગોળી ન મારી હોત તો તેણે હજુ પણ ઘણા લોકો પર હુમલો કરવાનું ચાલુ રાખ્યું હોત.

ઓસ્ટ્રેલિયાના વડાપ્રધાને શોક વ્યક્ત કર્યો

ઓસ્ટ્રેલિયન વડાપ્રધાન એન્થોની આલ્બાનીસે મૃતકોની સંખ્યાને સ્વીકારીને આ ઘટના પર શોક વ્યક્ત કર્યો હતો.  તેમણે સોશિયલ મીડિયા પર લખ્યું, દુ:ખદ રીતે, ઘણી જાનહાનિ નોંધાઈ છે અને તમામ ઓસ્ટ્રેલિયનોના વિચારો તે પરિવારો સાથે છે.