Ukraine Russia War: યુક્રેનમાં મૃત્યુ પામેલ ભારતીય વિદ્યાર્થી નવીનનો મૃતદેહ પહોંચશે ભારત, તેના પિતાએ લીધો મોટો નિર્ણય, જાણો શું છે બાબત

Ukraine Russia War: નવીનના પિતાએ માહિતી આપી હતી કે ખાર્કિવમાં મૃત્યુ પામેલા તેમના પુત્રનો મૃતદેહ 21મીએ સવારે 3 વાગ્યે બેંગ્લોર એરપોર્ટ પહોંચશે અને ત્યાંથી સવારે 9 વાગ્યે તેના ગામ પહોંચશે.

Indian_Student_Navin

Ukraine Russia War: નવીનના પિતાએ માહિતી આપી હતી કે ખાર્કિવમાં મૃત્યુ પામેલા તેમના પુત્રનો મૃતદેહ 21મીએ સવારે 3 વાગ્યે બેંગ્લોર એરપોર્ટ પહોંચશે અને ત્યાંથી સવારે 9 વાગ્યે તેના ગામ પહોંચશે. રશિયા-યુક્રેન યુદ્ધમાં જીવ ગુમાવનાર ભારતીય વિદ્યાર્થી નવીનનો મૃતદેહ સોમવારે બેંગલુરુ પહોંચશે. કર્ણાટકના હાવેરીમાં રહેતો નવીન ખાર્કિવ નેશનલ મેડિકલ યુનિવર્સિટીમાં MBBSનો અભ્યાસ કરતો હતો. તેના પિતાએ નવીનનું શરીરનું  દાન કરવાનો ,મોટો નિર્ણય લીધો છે.

1 માર્ચ, 2022ના રોજ નવીન  રશિયા-યુક્રેન યુદ્ધ વચ્ચે ચાલી રહેલી ગોળીબારમાં ખાર્કિવમાં મૃત્યુ પામ્યો હતો. તે ચોથા વર્ષમાં અભ્યાસ કરતો હતો. નવીન દુકાને કંઈક વસ્તુઓ લેવા ગયો હતો,  આ દરમિયાન હુમલામાં તેનું મૃત્યુ  થયું હતું. કર્ણાટકના મુખ્યમંત્રી બસવરાજ બોમાઈએ તેના પરિવારને 25 લાખ રૂપિયાનો ચેક આપ્યો છે. આ સાથે જ નવીનના પરિવારના એક સભ્યને નોકરી આપવાનું વચન આપવામાં આવ્યું છે.

નવીનનો મૃતદેહ સોમવારે બેંગ્લોર પહોંચશે
ખાર્કિવમાં ફાયરિંગનો ભોગ બનેલા નવીનનો મૃતદેહ સોમવારે બેંગલુરુ પહોંચશે. તેના પિતા શેખરપ્પાએ આ માહિતી આપી હતી. તેમણે કહ્યું કે મારા પુત્રનો મૃતદેહ 21મીએ સવારે 3 વાગ્યે બેંગ્લોર પહોંચશે અને ત્યાંથી સવારે 9 વાગ્યે મારા ગામ આવશે. ત્યારબાદ અમે વીર શૈવ પરંપરા અનુસાર પૂજા કરીશું અને બાદમાં અમે તેના દેહને એસએસ હોસ્પિટલ દેવનગરીમાં દાન કરીશું.

નવીનના પિતા તેના મૃતદેહનું દાન કરશે 
ન્યૂઝ એજન્સી ANI સાથેની વાતચીતમાં તેમણે કહ્યું કે મારો પુત્ર મેડિકલ ક્ષેત્રે કંઈક સિદ્ધિ પ્રાપ્ત કરવા માંગતો હતો પરંતુ તે થઈ શક્યું નહીં. ઓછામાં ઓછું તેના શરીરનો ઉપયોગ અન્ય વિદ્યાર્થીઓ તબીબી અભ્યાસ માટે કરી શકે છે,  એટલા માટે અમે તબીબી સંશોધન માટે તેના મૃત શરીરનું દાન કરવાનો નિર્ણય કર્યો છે.

સીએમ બોમ્માઈ નવીનના  ગામમાં  પહોંચશે
આ પહેલા સીએમ બોમ્માઈએ સ્પષ્ટ કર્યું હતું કે નવીનનો મૃતદેહ રવિવારે નહીં પણ સોમવારે બેંગલુરુ એરપોર્ટ પર પહોંચશે. નવીનના પિતાએ કહ્યું કે અમને હાવેરી જિલ્લા કલેક્ટર તરફથી મેસેજ મળ્યો અને અમીરાત ફ્લાઈટ સર્વિસ તરફથી પણ મેસેજ મળ્યો.મને ખુશી છે કે અમારા પુત્રનો મૃતદેહ પાછો લાવવામાં આવી રહ્યો છે. મુખ્યમંત્રીએ મારી સાથે વાત કરી અને આભાર વ્યક્ત કર્યો. તેણે કહ્યું કે તેઓ  બેંગ્લોર એરપોર્ટ અને ગામ પણ પહોંચશે. તેમણે કહ્યું કે તે સાંજે મારી સાથે ચર્ચા કરશે.