Vande Bharat Express: મધ્યપ્રદેશને પ્રથમ વંદે ભારત એક્સપ્રેસ ટ્રેનની ભેટ, વડાપ્રધાન મોદીએ બતાવી લીલી ઝંડી

વડાપ્રધાન નરેન્દ્ર મોદીએ મધ્યપ્રદેશની રાજધાની ભોપાલમાં પ્રથમ વંદે ભારત એક્સપ્રેસ ટ્રેનને લીલી ઝંડી બતાવી હતી

ફોટોઃ ટ્વિટર

PM Modi in Bhopal: વડાપ્રધાન નરેન્દ્ર મોદીએ મધ્યપ્રદેશની રાજધાની ભોપાલમાં પ્રથમ વંદે ભારત એક્સપ્રેસ ટ્રેનને લીલી ઝંડી બતાવી હતી.  હાઈટેક કમલાપતિ રેલવે સ્ટેશન પર પીએમ મોદીએ વંદે ભારત ટ્રેનને લીલી ઝંડી આપી હતી. પીએમ મોદીએ કહ્યું કે મધ્યપ્રદેશને પ્રથમ વંદે ભારત ટ્રેન મળી છે, જે રાજ્યના લોકોને ઘણી સુવિધાઓ આપશે અને પ્રદેશના વિકાસનું માધ્યમ બનશે.

#WATCH | PM Narendra Modi flags off Bhopal-New Delhi Vande Bharat train at Rani Kamlapati railway station

Madhya Pradesh CM Shivraj Singh Chouhan and Railway minister Ashwini Vaishnaw also present pic.twitter.com/Aclm3FEy0i

— ANI (@ANI) April 1, 2023

રેલવે તરફથી નાના કારીગરોને મોટી રાહત

વડાપ્રધાન નરેન્દ્ર મોદીએ કહ્યું કે ભારતીય રેલવે નાના કારીગરોના કામને દેશના ખૂણેખૂણે લઈ જવાનું માધ્યમ બની રહ્યું છે. હવે વન ડિસ્ટ્રિક્ટ વન પ્રોડક્ટ હેઠળ ઘણી જગ્યાએ 600 આઉટલેટ્સ શરૂ કરવામાં આવ્યા છે, જ્યાંથી લગભગ 1 લાખ લોકોએ ખરીદી કરી છે.

#WATCH | PM Narendra Modi interacts with school students and train staff on board Bhopal-New Delhi Vande Bharat train at Rani Kamlapati railway station in Bhopal pic.twitter.com/V0MQVg7pvl

— ANI (@ANI) April 1, 2023

રેલ્વે સ્ટેશનોનું આધુનિકીકરણ

આજે દેશમાં ઘણા રેલ્વે સ્ટેશનોનું આધુનિકીકરણ કરવામાં આવી રહ્યું છે. આજે દેશના 6000 સ્ટેશનો પર Wi-Fi લગાવવામાં આવ્યા છે. 900 થી વધુ સ્ટેશનો પર સીસીટીવી લગાવવામાં આવ્યા છે. વંદે ભારત એક્સપ્રેસ આખા દેશમાં આપણી યુવા પેઢીમાં સુપરહિટ બની છે. આ ટ્રેનોમાં આખા વર્ષ દરમિયાન સીટો ભરાતી રહે છે. આ ટ્રેન ચલાવવા માટે દેશના દરેક ખૂણેથી માંગ ઉઠી રહી છે.

Vande Bharat express train showcases the skill, potential and confidence of our nation: PM Modi at Bhopal's at Rani Kamlapati railway station pic.twitter.com/p7kmvKRKkV

— ANI (@ANI) April 1, 2023

પીએમ મોદીએ કહ્યું કે પહેલા સાંસદો કહેતા હતા કે આ સ્ટેશન પર ટ્રેનને રોકવાની વ્યવસ્થા થવી જોઈએ, પરંતુ આજે જ્યારે સાંસદો માંગ કરે છે કે વંદે ભારત વહેલી તકે શરૂ કરવામાં આવે ત્યારે મને ગર્વ થાય છે. રેલવે મુસાફરોની સુવિધા વધારવાનું અભિયાન ઝડપથી ચાલી રહ્યું છે.

રેલવે માટે વિક્રમી બજેટ ફાળવવામાં આવ્યું

પીએમએ કહ્યું કે દેશના બજેટમાં રેલવે માટે રેકોર્ડ રકમ ફાળવવામાં આવી છે. પહેલા સંસદમાં રેલ્વેના વિકાસની વાત થતાં જ ખાધની વાતો થતી હતી, પરંતુ જો વિકાસ માટે ઈચ્છાશક્તિ હોય અને ઈરાદો સાફ હોય તો નવા રસ્તા નીકળે છે. પીએમ મોદીએ કહ્યું કે રેલવેના બજેટમાં દર વર્ષે હંમેશા વધારો કરવામાં આવ્યો છે. હવે MPનું રેલવે બજેટ 13 હજાર કરોડ રૂપિયાથી વધુ છે, જ્યારે 2014 પહેલા માત્ર 600 કરોડ રૂપિયાનું રેલવે બજેટ હતું.

PM એ કહ્યું કે વિદ્યુતીકરણનું કાર્ય એ પણ એક ઉદાહરણ છે કે આજે રેલવેમાં કેટલું આધુનિકીકરણ થઈ રહ્યું છે. દેશના કોઇના કોઇ ભાગમાં રેલ નેટવર્કનું 100 ટકા વીજળીકરણ કરવામાં આવ્યું છે, આ 11 રાજ્યોમાં મધ્યપ્રદેશ પણ સામેલ છે. વર્ષ 2014 પહેલા 600 કિલોમીટરનું વીજળીકરણ થતું હતું, હવે 6000 કિલોમીટરનું વીજળીકરણ થઈ રહ્યું છે. હવે મધ્યપ્રદેશ જૂની વાતોને પાછળ છોડીને વિકાસની નવી ગાથા લખી રહ્યું છે.