Lok Sabha Elections: શું બીજેપીની ટિકિટ પર ચૂંટણી લડશે યુવરાજસિંહ? ક્રિકેટરે પોતે કર્યો ખુલાસો
Lok Sabha Elections 2024: સિક્સર કિંગ તરીકે જાણીતા ભારતીય ક્રિકેટ ટીમના ભૂતપૂર્વ ઓલરાઉન્ડર યુવરાજ સિંહે પંજાબની ગુરુદાસપુર બેઠક પરથી આગામી લોકસભા ચૂંટણી લડવાની ચર્ચાઓને અફવા ગણાવી છે.
Lok Sabha Elections 2024: સિક્સર કિંગ તરીકે જાણીતા ભારતીય ક્રિકેટ ટીમના ભૂતપૂર્વ ઓલરાઉન્ડર યુવરાજ સિંહે પંજાબની ગુરુદાસપુર બેઠક પરથી આગામી લોકસભા ચૂંટણી લડવાની ચર્ચાઓને અફવા ગણાવી છે. તેણે સોશિયલ મીડિયા પ્લેટફોર્મ X પર એક પોસ્ટ દ્વારા આ અટકળોને નકારી કાઢી હતી. યુવરાજ સિંહે લખ્યું, 'મીડિયા રિપોર્ટ્સથી વિપરીત, હું ગુરદાસપુરથી ચૂંટણી લડી રહ્યો નથી. મારો જુસ્સો લોકોને સમર્થન અને મદદ કરવાનો છે અને હું મારા ફાઉન્ડેશન @YOUWECAN દ્વારા આમ કરવાનું ચાલુ રાખીશ. આપણે આપણી ક્ષમતા મુજબ પરિવર્તન લાવતા રહીએ.
હાલમાં સની દેઓલ ગુરદાસપુરથી ભાજપના સાંસદ છે. છેલ્લા ઘણા દિવસોથી એવા અહેવાલો સામે આવી રહ્યા હતા કે યુવરાજ સિંહ 2024ની લોકસભા ચૂંટણીમાં દેઓલનું સ્થાન લેશે. તેમના અને નવજોત સિંહ સિદ્ધુના ભાજપમાં જોડાવાની અટકળો પણ ચાલી રહી હતી. આ મહિનાની શરૂઆતમાં યુવરાજ સિંહની કેન્દ્રીય મંત્રી નીતિન ગડકરી સાથેની મુલાકાત બાદ આ ચર્ચાઓને વધુ બળ મળ્યું હતું. જોકે હવે પૂર્વ ક્રિકેટરે પોતે આગળ આવીને આ ચર્ચાઓને માત્ર અફવા ગણાવી છે.
Contrary to media reports, I'm not contesting elections from Gurdaspur. My passion lies in supporting and helping people in various capacities, and I will continue to do so through my foundation @YOUWECAN. Let's continue making a difference together to the best of our abilities❤️
— Yuvraj Singh (@YUVSTRONG12) March 1, 2024
વાસ્તવમાં, ભાજપ અગાઉ પણ ગુરુદાસપુર બેઠક પરથી સેલિબ્રિટી ઉમેદવારોને મેદાનમાં ઉતારી રહી છે. દિવંગત અભિનેતા વિનોદ ખન્નાએ 1998, 1999, 2004 અને 2014માં સંસદમાં ગુરદાસપુર લોકસભા બેઠકનું પ્રતિનિધિત્વ કર્યું હતું. ગદર 2 ની સફળતા પછી, સની દેઓલે સપ્ટેમ્બર 2023 માં એક ન્યૂઝ ચેનલને આપેલા ઇન્ટરવ્યુમાં કહ્યું હતું કે, હું રાજકારણ માટે યોગ્ય નથી… હું હવે ચૂંટણી લડવા માંગતો નથી. હું એક અભિનેતા તરીકે જ કામ કરવાનું ચાલુ રાખું તો સારું. આ પછી નક્કી થયું કે ભાજપે આ વખતે ગુરુદાસપુરથી પોતાનો ઉમેદવાર બદલવો પડશે.
યુવરાજ ઉપરાંત, અભિનેતા અક્ષય કુમાર, અભિનેત્રી કંગના રનૌત અને ભોજપુરી ગાયક-અભિનેતા પવન સિંહ વિશે પણ અટકળો છે કે તેઓ ભાજપ તરફથી આગામી લોકસભા ચૂંટણી લડી શકે છે. એવું કહેવામાં આવી રહ્યું છે કે ભાજપ અક્ષયને ચાંદની ચોકથી, કંગનાને હિમાચલ અથવા મથુરાની કોઈપણ સીટથી અને પવન સિંહને પશ્ચિમ બંગાળના આસનસોલથી ઉમેદવાર બનાવી શકે છે. જો કે, આ માત્ર અટકળો છે અને સત્તાવાર સમર્થન મળવાનું બાકી છે. ભાજપ કોઈપણ સમયે સામાન્ય ચૂંટણી માટે ઉમેદવારોની પ્રથમ યાદી જાહેર કરી શકે છે, જેમાં ઉપરોક્ત બેઠકો અંગેની સ્થિતિ સ્પષ્ટ થાય તેવી શક્યતા છે.
ટ્રેન્ડિંગ સમાચાર
ટોપ સ્ટોરી
