મહેસાણામાં ભાજપનું મોટું સરપ્રાઈઝ: 28 વર્ષથી કાર્યાલયમાં પટાવાળા તરીકે કામ કરતા રમેશ ભીલને આપી ટિકિટ!

વોર્ડ નંબર 13 માંથી લડશે ચૂંટણી, સામાન્ય કાર્યકરને ટિકિટ મળતા પરિવાર અને સમર્થકોમાં જબરદસ્ત ખુશીનો માહોલ.

bjp ticket to ramesh bhil mehsana office peon for 28 years surprise

Source : abp asmita

Show Quick Read

Key points generated by AI, verified by newsroom

• ભાજપે મહેસાણામાં 28 વર્ષના પટાવાળા રમેશભાઈ ભીલને ટિકિટ આપી.
• નિષ્ઠાવાન કાર્યકરને ચૂંટણીમાં ઉતારી પક્ષે સૌને ચોંકાવ્યા.
• આ નિર્ણયથી પાયાના કાર્યકરોમાં ભારે ઉત્સાહ જોવા મળ્યો.
• રમેશભાઈ ભીલ વોર્ડ 13 માંથી મહાનગરપાલિકાના ઉમેદવાર છે.

• મહેસાણા ભાજપે કાર્યાલયમાં 28 વર્ષથી પટાવાળા તરીકે ફરજ બજાવતા રમેશ ભીલને ચૂંટણી લડવા માટે ટિકિટ આપી છે.
• રમેશભાઈને મહેસાણા મહાનગરપાલિકાના વોર્ડ નંબર 13 માંથી ભાજપના ઉમેદવાર બનાવવામાં આવ્યા છે.
• વર્ષોની નિષ્ઠા અને સાદગીની કદર કરી પાર્ટીએ એક સામાન્ય કાર્યકર પર વિશ્વાસ મૂકતા કાર્યકરો અને પરિવારમાં ભારે ઉત્સાહ છે.

BJP Mehsana Candidate: સ્થાનિક સ્વરાજ્યની ચૂંટણીઓ માટે ભાજપે પોતાના ઉમેદવારોની યાદી જાહેર કરી દીધી છે, પરંતુ મહેસાણામાં પાર્ટીએ લીધેલા એક નિર્ણયે સૌને ચોંકાવી દીધા છે. સામાન્ય રીતે ચૂંટણીમાં મોટા માથાઓને જ ટિકિટ મળતી હોય છે, પરંતુ આ વખતે ભાજપે કોઈ દિગ્ગજ નેતાને બદલે જિલ્લા કાર્યાલયમાં છેલ્લા 28 વર્ષથી પટાવાળા તરીકે નિષ્ઠાપૂર્વક સેવા આપતા રમેશભાઈ ભીલ પર પસંદગીનો કળશ ઢોળ્યો છે. તેમને વોર્ડ નંબર 13 માંથી મહાનગરપાલિકાના ઉમેદવાર બનાવવામાં આવ્યા છે. પાર્ટીના આ નિર્ણયથી પાયાના કાર્યકરોમાં ભારે ઉત્સાહ જોવા મળી રહ્યો છે.

વર્ષોની નિષ્ઠાનું મળ્યું ઇનામ

મહેસાણાના રાજકારણ માટે આ એક ખૂબ મોટા સમાચાર છે. મહાનગરપાલિકાની ચૂંટણીના જંગ માટે ભાજપે પોતાના પત્તા ખોલી દીધા છે અને આ વખતે વિરોધીઓ પણ વિચારતા થઈ જાય તેવી રણનીતિ અપનાવી છે. રમેશભાઈ ભીલ છેલ્લા 28 વર્ષથી મહેસાણા જિલ્લા ભાજપ કાર્યાલયમાં એક સામાન્ય પટાવાળા તરીકે ફરજ બજાવી રહ્યા છે. તેઓ વર્ષોથી પડદા પાછળ રહીને પક્ષની સેવા કરી રહ્યા હતા. તેમની આટલા વર્ષોની વફાદારી, સાદગી અને અવિરત સેવાની કદર કરીને પાર્ટીએ તેમને સીધા જ ચૂંટણીના મેદાનમાં ઉતાર્યા છે.

કાર્યકરો અને પરિવારમાં ઉત્સાહ

ભાજપે જમીની સ્તરે કામ કરતા અને પક્ષને વફાદાર રહેતા એક અદના કાર્યકર પર જે રીતે વિશ્વાસ મૂક્યો છે, તેનાથી રમેશભાઈના પરિવારજનોની ખુશીનો કોઈ પાર નથી રહ્યો. એક સામાન્ય પટાવાળાને ટિકિટ મળતા સ્થાનિક નાના કાર્યકરોમાં પણ એવો સકારાત્મક મેસેજ ગયો છે કે પાર્ટી તેમની મહેનત જુએ છે અને સમય આવ્યે તેની કદર પણ કરે છે.

શું રમેશભાઈ જીતનો પરચમ લહેરાવશે?

આ નિર્ણયથી ભાજપે સ્પષ્ટ કરી દીધું છે કે પક્ષમાં કામ કરનાર નાનામાં નાના કાર્યકરની પણ નોંધ લેવાય છે. હવે આખા શહેરની નજર એ વાત પર મંડાયેલી છે કે, શું એક સામાન્ય સેવક એવા રમેશ ભીલ વોર્ડ નંબર 13 માં વિજયનો પરચમ લહેરાવી શકશે? આગામી ચૂંટણીનો આ જંગ જોવો હવે ખૂબ જ રસપ્રદ બની રહેશે.

આ પણ વાંચો

સ્થાનિક ચૂંટણી પહેલાં ભાજપના ગઢમાં ગાબડાં: 4 જિલ્લામાં નેતાઓએ કેસરીયો છોડી પકડ્યો કોંગ્રેસનો હાથ