Mehsana: પ્રેમિકાએ સંબંધ બાંધવાની ના પાડતા પ્રેમી વિફર્યો, મોઢું-હાથ-પગ તોડું નાંખ્યુ ને પછી કરી હત્યા.....

મહેસાણા જિલ્લામાંથી એક મોટી ઘટના સામે આવી છે, અહીં પ્રેમ સંબંધ બાંધવા મામલે એક યુવકે પરિણીતાની હત્યા કરી દીધી છે. પ્રેમમાં પાગલ યુવકે પરિણીતાના હાથ પગ તોડી નાંખ્યા બાદ મોતને ઘાટ ઉતારી દીધી હતી

પ્રતિકાત્મક તસવીર

Mehsana: મહેસાણા જિલ્લામાંથી એક મોટી ઘટના સામે આવી છે, અહીં પ્રેમ સંબંધ બાંધવા મામલે એક યુવકે પરિણીતાની હત્યા કરી દીધી છે. પ્રેમમાં પાગલ યુવકે પરિણીતાના હાથ પગ તોડી નાંખ્યા બાદ મોતને ઘાટ ઉતારી દીધી હતી. માહિતી પ્રમાણે, મહેસાણામાં પ્રેમ સંબંધ બાંધવા બાબતે એક પ્રેમી યુવક અમરત રાવળે પરિણીત મહિલાની હત્યા કરી દીધી હતી, આ બનાવ શહેરના ટીબી રૉડ ઉપરના છાપરામાં બન્યો હતો. સૌથી પહેલા યુવક પરિણીતાને પ્રેમ સંબંધ બાંધવા માટે પહેલા પોતાના છાપરા પર લઇ ગયો હતો, જ્યાં બન્ને વચ્ચે બોલાચાલી થઇ હતી અને બાદમાં યુવકે લતા મકવાણાના નામની પરિણીત મહિલાને માર મારવાનું શરૂ કરી દીધુ હતુ. આ દરમિયાન યુવકે પરિણીતાના મોઢાના ભાગે કોઇ બોથડ પદાર્થ ફટકાર્યો હતો, હાથ પગ પણ તોડી નાંખ્યા હતા, જેના કારણે પરિણીતાનુ મોત થઇ ગયુ હતુ. જોકે આ બનાવ બાદ પરિણીત મહિલાના પતિએ હત્યારા આરોપી પ્રેમી અમરત રાવળ વિરુદ્ધ ફરિયાદ મહેસાણા શહેર બી ડિવિઝન પોલીસ સ્ટેશનમાં ફરીયાદ નોંધાવી હતી.

મહેસાણામાં મોઢેરા પાસેની નર્મદા કેનાલમાંથી એક વ્યક્તિનો મૃતદેહ મળ્યો - 

મહેસાણામાંથી એક અજાણી વ્યક્તિનો મૃતદેહ મળતાં લોકોમાં ચર્ચા શરૂ થઇ ગઇ છે. મહેસાણામાં મોઢેરા પાસે આવેલી નર્મદા કેનાલમાંથી એક વ્યક્તિનો મૃતદેહ મળી આવ્યો હતો, આ પછી પોલીસે આ યુવાન કોણ છે તે અંગે તપાસ શરૂ કરી દીધી છે. માહિતી પ્રમાણે મહેસાણામાં મોઢેરા પાસેની નર્મદા કેનાલમાંથી એક વ્યક્તિનો મૃતદેહ મળી આવ્યો છે, તપાસમાં બહાર આવ્યુ હતુ કે આ વ્યક્તિ કડીના કુંડાલ ગામના રહેવાસી હતો. આ પછી કોઈએ વ્યક્તિની હત્યા કરી મૃતદેહને કેનાલમાં ફેંકી હોવાની શંકાય સેવાઇ રહી છે. હાલમાં આ મૃતદેહને પૉસ્ટમૉર્ટમ માટે અમદાવાદ લઇ જવાયો છે, પોલીસે હત્યાનો ગુનો દાખલ કરીને આગળની તપાસ શરૂ કરી છે. મહેસાણા જિલ્લામાં બની હિટ એન્ડ રનની બે અલગ અલગ ઘટના ઘટી છે. મહેસાણા જિલ્લામાં હિટ એન્ડ રનની બે ઘટના બની હતી. મહેસાણા જિલ્લામાં બનેલી બે અકસ્માતની ઘટનામાં બે લોકોના મોત થયા હતા. મળતી જાણકારી અનુસાર, મહેસાણા અમદાવાદ હાઈવે પર સંકુઝ વોટર પાર્ક નજીક બાઈકને ટક્કર મારી કાર ચાલક ફરાર થઇ ગયો હતો. આ અકસ્માતમાં બાઇક ચાલકનું મોત થયુ હતું. જ્યારે કાર ચાલક બાઇકને ટક્કર મારીને ફરાર થઇ ગયો હતો. હિટ એન્ડ રનમાં મોતને ભેટેલો યુવક પાટણના કમળીવાળાનો હતો. લાંઘણજ પોલીસે ગુનો નોંધી ફરાર કાર ચાલકને પકડવા માટેની કાર્યવાહી શરૂ કરી હતી.મહેસાણા જિલ્લામાં બનેલી અન્ય હિટ એન્ડ રન ઘટનામાં પણ બાઇક સવારનું મોત થયું હતું. મળતી જાણકારી અનુસાર, ઉનાવા પાસે ટ્રકની ટક્કરે બાઇક ચાલકનું મોત થયું હતું. અકસ્માત બાદ ટ્રક ચાલક ફરાર થઇ ગયો હતો. ગંભીર રીતે ઘાયલ બાઇક ચાલક વૃદ્ધનું ઘટના સ્થળે જ મોત થયું હતું.

 

Join Our Official Telegram Channel: https://t.me/abpasmitaofficial

-