ઉત્તર ગુજરાતના આ જિલ્લાની વધી મુશ્કેલી, કોરોનાના વધુ ત્રણ કેસ નોંધાયા

આજે કડી, વિજાપુર અને મહેસાણાના ખદલપુર ગામે એક-એક કેસ નોંધોયો છે. જિલ્લામાં કુલ કોરોના દર્દી ૧૬૧ નોંધાયા છે.

મહેસાણાઃ ગુજરાતમાં કોરોનાના કેસ સતત વધી રહ્યા છે, ત્યારે મહેસાણા જિલ્લામાં આજે વધુ ત્રણ કેસ નોંધાયા છે. આજે કડી, વિજાપુર અને મહેસાણાના ખદલપુર ગામે એક-એક કેસ નોંધોયો છે. જિલ્લામાં કુલ કોરોના દર્દી ૧૬૧ નોંધાયા છે. ગઈ કાલે સાંજે પાંચ વાગ્યા સુધીની વાત કરીએ તો કુલ 107 લોકોએ કોરોનાને મ્હાત આપી છે. જ્યારે બે લોકોના અત્યાર સુધીમાં મોત થયા છે. તેમજ ગઈ કાલ સુધી સાત એક્ટિવ કેસ હતા, જેમાં આજે ત્રણ ઉમેરાયા છે. ગુજરાતમાં છેલ્લા 24 કલાકમાં કોરોનાના વધુ 470 કેસ નોંધાયા છે, જ્યારે વધુ 33 દર્દીઓના મોત થયા છે. તેમજ 409 દર્દીઓને સારવાર ડિસ્ચાર્જ કરવામાં આવ્યા છે. રાજ્યમાં કુલ સંક્રમિત દર્દીઓની સંખ્યા 21 હજારને પાર પહોંચી છે. હાલ રાજ્યમાં કુલ સંક્રમિત સંખ્યા 21044 પર પહોંચી છે અને મૃત્યુઆંક 1313 પર પહોંચ્યો છે. નવા નોંધાયેલ કેસમાં અમદાવાદમાં 331, સુરતમાં 62, વડોદરામાં 32, ગાંધીનગરમાં 8, મહેસાણા-1, ભાવનગર 3, બનાસકાંઠા 1, રાજકોટ 2, અરવલ્લી 1, સાબરકાંઠા 5, આણંદ 4, પંચમહાલ 3, પાટણ 3, કચ્છ 1, ખેડા 3, ભરૂચ 2, વલસાડા 2, જૂનાગઢ 1, નવસારી 1, અમરેલી 3 અને અન્ય રાજ્ય 1 કેસ નોંધાયો છે.