મહેસાણાઃ તારંગા હિલમાંથી એક સાથે ત્રણ લાશો મળતા ખળભળાટ, પોલીસને શું છે શંકા?

સતલાસણા પોલીસને જાણ થતાં પોલીસ ઘટના સ્થળે પહોંચી વધુ તપાસ હાથ ધરી છે. ત્રણે લાશ એક જ પરિવારની હોવાનું અનુમાન છે.

મહેસાણાઃ સતલાસણા તાલુકાના તારંગા હિલના જંગલમાંથી એક સાથે ત્રણ લાશો મળી આવતાં ખળભળાટ મચી ગયો છે. યુવતી, યુવક અને એક બાળકની લાશ મળી આવી છે. ત્યારે આ લોકોની હત્યા થઈ કે આત્મહત્યા કરી છે, તે અંગે અનેક તર્કવિતર્ક સર્જાયા છે. સતલાસણા પોલીસને જાણ થતાં પોલીસ ઘટના સ્થળે પહોંચી વધુ તપાસ હાથ ધરી છે. ત્રણે લાશ એક જ પરિવારની હોવાનું અનુમાન છે.