Rajkot News: લિફ્ટમાં બાળકોને એકલા મોકલતા પહેલા સાવધાન,3 વર્ષની બાળકીનું કમકમાટીભર્યુ મોત

રાજકોટમાં હેવલોક એપાર્ટમેન્ટમાં લિફ્ટ દુર્ઘટનાના કારણે 3 વર્ષની બાળકીનું કમકમાટીભર્યું મોત થયું છે, કેવી રીતે બની ઘટના જાણીએ....

રાજકોટ લિફ્ટ દુર્ધટનામાં બાળકીનું મોત ( તસવીર એબીપી અસ્મિતા)

Rajkot  News:જો આપ બાળકને એકલા લિફ્ટ કે પાર્કિગમાં મૂકતા હો તો સાવધાન.માતા પિતા માટે લાલબતી સમાન કિસ્સો સામે આવ્યો છે. અહીં બાળકીની માથે લિફ્ટ પડતા બાળકીનું કમકમાટીભર્યુ મોત થયું છે. અહીં રાજકોટના પંચાયત ચોકમાં આવેલી હેવોલોક એપાર્ટમેન્ટમાં પાર્કિગમાં લિફ્ટનો દરવાજો ખુલ્લી જતાં લિફ્ટ પાર્કિગમાં ઉભેલી બાળકી પર પડી હતી.  દુર્ઘટનામાં બાળકીનું કમકમાટીભર્યુ મોત થયુ છે. દુર્ઘટનાથી સોસાયટીમાં હડકંપ મચી ગઇ હતી. પાર્કિગમાં લિફ્ટનો દરવાજો કેવી રીતે ખુલ્લી ગયો જેને લઇને સ્થાનિકો સવાલ ઉઠાવી રહ્યાં છે. સોસાયટી સંચાલકોની ઘોર બેદરકારીના કારણે દુર્ઘટના બની હોવાનું સામે આવ્યું છે. દુર્ઘટના બાદ બાળકીને  રાજકોટ સિવિલ હોસ્પિટલ  પોસ્ટમોર્ટમ માટે લાવવામાં આવી હતી. દુર્ધટનામાં બાળકીના મોતથી પરિવાર અને સોસાયટીમાં શોકનું મોજુ ફરી વળ્યું છે. 

લિફ્ટનો ઉપયોગ કરતી વખતે આ  સાવધાનીના પગલે અનુસરો

લિફ્ટમાં થતી ટેકનિકલ ખામીના કારણે એક નહી અનેક વખત દુર્ઘટનાની ઘટનાઓ સામે આવી છે. લિફ્ટના ઉપયોગમાં થતી લાપરવાહીના કારણે તો કેટલીક વખત ટેકનિક ખામીના કારણે લોકોએ જિંદગી ગુમાવી હોય તેવા કિસ્સા છે. આ સ્થિતિમાં લિફ્ટમાં જતાં પહેલા શું સાવધાની રાખવી તેજાણવું જરૂરી છે. જેથી ટેકનિકલ ખામીના કારણે સર્જાતી ભયાવહ સ્થિતિથી બચી શકાય.

જો તમે લિફ્ટમાં અટવાઈ ગયા હોવ, તો તેને ચાલુ કરવા માટે વારંવાર બટન દબાવો નહીં. ઘણી વખત લિફ્ટ એ ફ્લોર પર અટકતી નથી જ્યાં તેને રોકવી જોઈએ અને નીચે જવા લાગે છે. તેનાથી પણ લોકો ડરી જાય છે. આ સ્થિતિમાં પણ વારંવાર બટન દબાવો નહીં તો લિફ્ટમાં બીજી કોઈ ટેકનિકલ ખામી સર્જાઈ શકે છે.

- જો તમને લિફ્ટનો ઉપયોગ કરતી વખતે કોઈ ખામી કે ટેક્નિકલ સમસ્યા જણાય તો તરત જ સોસાયટીના ગાર્ડ કે મેઈન્ટેનન્સ ઓફિસને જાણ કરો. આની મદદથી લિફ્ટની જાળવણી અને ટેકનિકલ ખામીને સમયસર સુધારી શકાય છે, જેથી કોઈ અકસ્માત ન થાય.

લોકો ઘણી વખત લિફ્ટની વચ્ચે હાથ નાખે છે. આવું કરવું પણ ખતરનાખ સાબિત થઇ શકે છે.  આનાથી તમારા હાથને ઈજા થઈ શકે છે અને હાડકાંનું ફ્રેક્ચર પણ થઈ શકે છે. એક બીજી વાત ખાસ એ છે કે,લિફ્ટમાં જતી વખતે મોબાઇલ હંમેશા સાથે રાખવો જેથી લિફ્ટ અચાનક બંધ થઇ જાય તો કોલ કરીને કોઇની મદદ લઇ શકાય. ઘણી વખત લિફ્ટ બંધ થઇ જતાં અંદરની ફોન લાઇન પણ બંધ થઇ જાય છે.

-લિફ્ટમાં પ્રવેશતા પહેલા તપાસ કરો કે તેમાં પહેલાથી તેમાં કેટલા લોકો છે. ઓવરલોડિંગને કારણે લિફ્ટમાં ટેકનિકલ સમસ્યા પણ આવી શકે છે, લિફ્ટ અધવચ્ચે બંધ થઈ શકે છે.

-જો તમે લિફ્ટમાં એકલા હોવ અને લિફ્ટ અચાનક અધવચ્ચે બંધ થઈ જાય તો ગભરાશો નહીં. જો લિફ્ટમાં એલાર્મ બટન હોય તો તેને દબાવો. કેટલીક લિફ્ટમાં હેલ્પલાઇન નંબર પણ લખવામાં આવે છે. જો આ નંબર તમારી લિફ્ટમાં લખાયેલો હોય તો તેને કોલ કરો. સોસાયટીના સિક્યુરિટી ગાર્ડ આમાં તમારી મદદ કરી શકે છે.