Gujarat Leopard Attack: જેતપુરમાં દીપડાનો આતંક, ખેતરમાં દવા છાંટતા ખેડૂત પર કર્યો જીવલેણ હુમલો
Gujarat Leopard Attack: જેતપુરમાં એક ખેડૂત જ્યારે ખેતરમાં પાક પર દવાનો છંટકાવ કરી રહ્યો હોત તે દરમિયાન દીપડાએ તેના પર હુમલો કરી દીધો
Gujarat Leopard Attack: રાજકોટ જિલ્લામાં ફરી એકવાર દીપડાનો આતંક જોવા મળ્યો છે. દીપડાએ ખેડૂતો પર હુમલો કર્યાની ઘટના જેતપુરમાંથી સામે આવી છે. જેતપુરમાં એક ખેડૂત જ્યારે ખેતરમાં પાક પર દવાનો છંટકાવ કરી રહ્યો હોત તે દરમિયાન દીપડાએ તેના પર હુમલો કરી દીધો, ખેડૂતોને છાતીના ભાગમાં પંજાના નોર વાગતા હાલમાં જેતપુરની સરકારી હૉસ્પિટલમાં સારવાર માટે ખસેડવામાં આવ્યા હતા. આ સમગ્ર ઘટનાની જાણ ફૉરેસ્ટ વિભાગને થતાં સ્થળ પર પહોંચી દીપડાનું લૉકેશન મેળવવાનું કાર્ય શરૂ કર્યુ હતુ.
છેલ્લા કેટલાક સમયથી આદમખોર દીપડા હવે રહેણાંક વિસ્તારમાં આતંક મચાવવા માંડ્યા છે. તાજેતરમાં જ રાજકોટના જેતપુરમાં ખેડૂત પર દીપડાએ જીવલેણ હુમલો કરી દીધો હતો. માહિતી પ્રમાણે, રાજકોટના જેતપુરમાં ચાંપરાજપુરની આગળ જીઠુડી રૉડ કેનાલવાળા જુની સિમના વિસ્તારમાં ખેતરમાં જ્યારે ખેડૂત પાક પર દવા છાંટી રહ્યો હતો તે દરમિયાન દીપડાએ તેના પર જીવલેણ હુમલો કરી દીધો હતો. ખેડૂત જમનભાઇ અમીપરા દીપડાના હુમલાથી છાતીના ભાગમાં પંજાના નોર વાગ્યા હતા. ઇજાગ્રસ્ત ખેડૂત જમનભાઇને સારવાર માટે જેતપુર સરકારી હૉસ્પિટલમાં લઇ જવામાં આવ્યા હતા. સમગ્ર ઘટનાની જાણ થતાં વન વિભાગના અધિકારીઓ દીપડાનું લોકેશન શોધવાની કામગીરીમાં જોડાઇ ગયા હતા.
મહેસાણાના વડનગરમાં દીપડો દેખાતા ડરનો માહોલ, જંગલ વિસ્તારમાં મુકાયા પાંજરા
મહેસાણાના વડનગરમાં ચાર પગના આતંકથી લોકોમાં ડર ફેલાયો હતો. મળતી જાણકારી અનુસાર, મહેસાણાના વડનગરના વાગડી ગામમાં દીપડો દેખાતા ગ્રામજનોમાં ડરનો માહોલ છે. વન વિભાગની ટીમે ગ્રામજનોને સાવચેત રહેવા કરી અપીલ કરી હતી. વન વિભાગે દીપડાને પકડવા જંગલ વિસ્તારમાં પાંજરા મુક્યા હતા. મહેસાણાના વડનગર તાલુકાના વાગડી ગામમાં ચાર પગના આતંકથી લોકોમાં ડરનો માહોલ છે. વન વિભાગની ટીમે દીપડાને પકડવા જંગલ વિસ્તારોમાં પાંજરા મુક્યા હતા. વન વિભાગની ટીમે જાહેર સૂચના પણ બહાર પાડી છે. જેમાં માનવ મૃત્યુ તેમજ ઘર્ષણના બનાવો ન બને તે માટે લોકોને તકેદારી રાખવા સૂચના આપવામાં આવી છે. આવા બનાવો અટકાવવા લોકો માટે વિશેષ સૂચના જાહેર કરવામાં આવી છે.રાત્રિ દરમિયાન ગામમાં આવેલા રામાપીરના મંદિરની દીવાલ પર દીપડો લટાર મારતો કેમેરામાં કેદ થયો હતો.
ટોપ સ્ટોરી
ટ્રેન્ડિંગ સમાચાર
