Gujarat Election 2022: AAPના કાઉન્સિલરનો ધ્રુસકે ને ધ્રુસકે રડતો વીડિયો થયો વાયરલ, લોકોએ કોમેન્ટ કરી કહ્યું કેજરીવાલ કરતા મોટો નૌટંકીબાજ

વીડિયો વાયરલ થયા બાદ એબીપી અસ્મિતા સાથે વાત કરતાં કોર્પોરેટર ધર્મેન્દ્ર વાવલીયાએ કહ્યું, હૃદય ભરાઈ જતા મને રડવું આવી ગયું હતું. 24 કલાક જનતાનું કામ કરવા આપમાં જોડાયો હતો. હું કોઈ નાટક કરતો નહોતો.

આપના કોર્પોરેટર ધર્મેન્દ્ર વાવલિયા

Gujarat Election 2022: ગુજરાત વિધાનસભા ચૂંટણીને લઈ આવતીકાલે બીજા તબક્કાનું મતદાન યોજાશે. આ પહેલા સોશિયલ મીડિયામાં આપના કાઉન્સિલનો રડતો વીડિયો વાયરલ થયો છે. સુરતના આમ આદમી પાર્ટીના કાઉન્સિલરનો રડતો વીડિયો વાયરલ થયો છે. કાઉન્સિલર ધર્મેન્દ્ર વાવલિયા ધ્રુસકે ને ધ્રુસકે રડી પડ્યા હતા. ફેસબુક લાઇવ કરતી વખતે તેઓ ભાવુક થઈને રહી પડ્યા હતા. તેમના ફેસબુક લાઇવમાં લોકોએ કોમેન્ટ કરી લખ્યું, આ તો કેજરીવાલ કરતાં પણ મોટો નૌટંકીબાજ છે. જ્યારે અમુકે જનતા આપ સાથે છે.

વીડિયો વાયરલ થયા બાદ શું કહ્યું

વીડિયો વાયરલ થયા બાદ એબીપી અસ્મિતા સાથે વાત કરતાં કોર્પોરેટર ધર્મેન્દ્ર વાવલીયાએ કહ્યું, હૃદય ભરાઈ જતા મને રડવું આવી ગયું હતું. 24 કલાક જનતાનું કામ કરવા આપમાં જોડાયો હતો. હું કોઈ નાટક કરતો નહોતો.

5 ડિસેમ્બરે 14 જિલ્લાની 93 બેઠક માટે બીજા તબક્કાનું મતદાન

• બનાસકાંઠા જિલ્લો : બેઠકોના નામ : વાવ, થરાદ, ધાનેરા, દાંતા (ST), વડગામ (SC), પાલનપુર, ડીસા, દિયોદર, કાંકરેજ
• પાટણ જિલ્લો : બેઠકોના નામ : રાધનપુર, ચાણસ્મા, પાટણ, સિદ્ધપુર
• મહેસાણા જિલ્લો : બેઠકો : ખેરાલુ, ઉંઝા, વિસનગર, બેચરાજી, કડી, મહેસાણા, વિજાપુર
• સાબરકાંઠા જિલ્લો : બેઠકોના નામ : હિંમતનગર, ઈડર, ખેડબ્રહ્મા (ST), પ્રાંતિજ
• અરવલ્લી જિલ્લો : બેઠકોના નામ : ભિલોડા (ST), મોડાસા, બાયડ
• ગાંધીનગર જિલ્લો : બેઠકો: દહેગામ, ગાંધીનગર દક્ષિણ, ગાંધીનગર ઉત્તર, માણસા, કલોલ
• અમદાવાદ જિલ્લો : બેઠકો: વિરમગામ, સાણંદ, ઘાટલોડિયા, વેજલપુર, વટવા, એલિસબ્રિજ, નારાણપુરા, નિકોલ, નરોડા, ઠક્કરબાપા નગર, બાપુનગર, અમરાઈવાડી, દરિયાપુર, જમાલપુર-ખાડિયા, મણિનગર, દાણીલીમડા, સાબરમતી, અસારવા, દસક્રોઈ, ધોળકા, ધંધુકા
• આણંદ જિલ્લો : બેઠકો : ખંભાત, બોરસદ, આંકલાવ, ઉમરેઠ, આણંદ, પેટલાદ, સોજિત્રા
• ખેડા જિલ્લો : બેઠકોના નામ : માતર, નડિયાદ, મહેમદાબાદ, મહુધા, ઠાસરા, કપડવંજ
• મહીસાગર જિલ્લો : બેઠકોના નામ : બાલાસિનોર, લુણાવાડા, સંતરામપુર
• પંચમહાલ જિલ્લો : બેઠકોના નામ :  શહેરા, મોરવાહડફ, ગોધરા, કાલોલ, હાલોલ
• દાહોદ જિલ્લો : બેઠકો : ફતેપુરા, ઝાલોદ, લીમખેડા, દાહોદ, ગરબાડા, દેવગઢ બારિયા
• વડોદરા જિલ્લો : બેઠકોના નામ : સાવલી, વાઘોડિયા, ડભોઈ, વડોદરા શહેર (SC), સયાજીગંજ, અકોટા, રાવપુરા, માંજલપુર, પાદરા, કરઝણ
• છોટાઉદેપુર જિલ્લો : બેઠકોના નામ: છોટાઉદેપુર, જેતપુર (ST)