સુરતમાં યુવતીની છેડતી કરવાનું યુવકને ભારે પડ્યું? જાણો લોકોએ રોમિયોના શું કર્યાં હાલ?

યુવતીની છેડતી કરનાર આ રોડ રોમિયોને જાહેરમાં મેથીપાક ચખાડ્યો હતો. આ ટોળામાં મહિલા સાથે પુરુષ દ્વારા પણ આ રોમિયોને માર મારવામાં આવ્યો.

સુરતના લીંબાયત વિસ્તારમાં એક યુવતીની છેડતી કરનારા રોમિયોને લોકોએ જાહેરમાં ધોલાઈ કરી હતી. લોકોએ પોલીસની હાજરીમાં જ સજા આપી હોવાની ઘટના પ્રકાશમાં આવી છે. આ વિસ્તારમાં લોકોએ રોમિયોની જાહેરામાં ધોલાઈ કરીને પોલીસના હલાવે કર્યો હતો. પોલીસ સુત્રો પ્રમાણે, સુરતના લિંબાયત વિસ્તારમાં એક રોમિયો દ્વારા યુવતીની છેડતી કરવામાં આવી હતી. આ છેડતી કરનાર યુવકને સ્થાનિક લોકોએ પકડી પાડ્યો હતો. લિંબાયતના મારૂતિનગરમાં આ ઘટના બનતા મોટી સંખ્યામાં લોકોના ટોળાં વળ્યાં હતાં અને યુવતીની છેડતી કરનાર આ રોડ રોમિયોને જાહેરમાં મેથીપાક ચખાડ્યો હતો. લોકોએ રોમિયોને ઝડપ્યા બાદ પોલીસને જાણ કરી હતી ત્યાર પોલીસ પણ ઘટના સ્થળે પહોંચી હતી. લોકોએ આ રોડ રોમિયોની પોલીસની હાજરીમાં પણ ધોલા કરી હતી અને સમગ્ર વિસ્તારને એક મેસેજ આપ્યો હતો કે, યુવતીની છેડતી કરનારને છોડવામાં આવશે નહીં અને તેને સજા આપવામાં આવશે. આ ટોળામાં મહિલા સાથે પુરુષ દ્વારા પણ આ રોમિયોને માર મારવામાં આવ્યો હતો, જોકે પોલીસ આ રોમિયોની ધરપકડ કરી તેને પોલીસ સ્ટેશન ખાતે લઇ ગઈ હતી અને તેના વિરુદ્ધ ગુનો નોંધી વધુ તપાસ શરુ કરી હતી.