Navsari : આધેડ નિર્વસ્ત્ર કરી હવસનો શિકાર બનાવે તે પહેલા 8 વર્ષીય બાળકી ઘરમાંથી ભાગી, કઈ તાલિમ આવી કામ?

8 વર્ષીય બાળકીને બોર આપવાની લાલચ આપી ઘરમાં બોલાવી 60 વર્ષીય આધેડે પૌત્રીની ઉંમરની બાળકીના કપડાં કાઢી નાખ્યા. જોકે, બાળકી સમયસૂચકતા વાપરી ઘરમાંથી નાસી ગઈ.

પ્રતિકાત્મક તસવીર.

નવસારીઃ જિલ્લાના બીલીમોરોમાં 8 વર્ષીય બાળકી પર બળાત્કારના પ્રયાસની ઘટના સામે આવતાં ચકચાર મચી ગઈ છે. હવસખોર બાળકીને હવસનો શિકાર બનાવી તે પહેલા જ બાળકી ઘરમાંથી નાસી જતાં બચી ગઈ હતી. બાળકી હવસનો શિકાર થતાં બચવા પાછળનું કારણ તેને મળેલી તાલીમ હોવાનું સામે આવ્યું છે. ગુડ ટચ બેડ ટચના જાગૃતિ સેમિનાર સાર્થક થયો છે. બાળકીનો આ તાલિમ મેળવવાને કારણે બચાવ થયો છે. 

આ અંગેની વિગતો એવી છે કે, ગણદેવી તાલુકાના એક ગામમાં સગીર બાળકી સાથે દુષ્કર્મ થતા રહી ગયો. 8 વર્ષીય બાળકીને બોર આપવાની લાલચ આપી ઘરમાં બોલાવી 60 વર્ષીય આધેડે પૌત્રીની ઉંમરની બાળકીના કપડાં કાઢી નાખ્યા. જોકે, બાળકી સમયસૂચકતા વાપરી ઘરમાંથી નાસી ગઈ. સમગ્ર ઘટના અંગે બીજા દિવસે બાળકીએ માતાને કહેતા પરિવારે ફરિયાદ આપી છે. બિલીમોરા પોલીસે પોકસો એકટ હેઠળ ગુનો નોંધી આરોપીને ઝડપી પાડવા ચક્રો ગતિમાન કર્યા છે. 

Ahmedabad : યુવતીને તેના જ સમાજના યુવકે અલગ અલગ હોટલમાં લઈ જઈ માણ્યું શરીરસુખ ને લગ્ન કરવાનું કહ્યું તો.....
 
અમદાવાદઃ શહેરના  બાપુનગરમાં યુવતીને તેના જ સમાજના યુવકે પ્રેમજાળમાં ફસાવીને અલગ અલગ હોટલોમાં લઈ જઈને અનેક વખત પરાણે શારીરિક સંબંધ બાંધ્યા હોવાની ઘટના સામે આવતાં ચકચાર મચી ગઈ છે. યુવતીએ લગ્ન કરવાનું કહેતા યુવક ઉશ્કેરાઇ ગયો હતો. તેમજ યુવતી સાથેના સંબંધો તોડી નાંખ્યા હતા. યુવતીએ આ અંગેની પરીવારને જાણ કરી હતી. બાદમાં યુવતીએ બાપુનગર પોલીસ સ્ટેશનમાં ફરિયાદ નોંધાવતા સમગ્ર ઘટના પ્રકાશમાં આવી છે. 

આ અંગેની વિગતો એવી છે કે, બાપુનગરમાં રહેતી 27 વર્ષીય યુવતીને તેના જ સમાજના એક યુવકના સંપર્કમાં આવ હતી. વારંવાર સામાજિક પ્રસંગોમાં મળવાનું થતાં તેને યુવક સાથે પ્રેમ થઈ ગયો હતો. બંને મોબાઇલ નંબરની આપલે કર્યા પછી મેસેજ અને ફોનથી વાતો કરતા હતા. આ સમયે યુવકે યુવતીને લગ્નની લાલચ આપી હતી અને મળવા માટે બોલાવી હતી. 

યુવતી મળવા આવતાં યુવક તેને હોટલમાં લઈ ગયો હતો અને અહીં તેની સાથે શરીરસુખ માણ્યું હતું. આ સમયે યુવતીએ શરીરસુખ માટે ઇનકાર કર્યો હતો, પરંતુ આપણે લગ્ન કરવાના જ છે ને તેમ કહીને સંબંધ બાંધ્યા હતા. આ પછી તો યુવકને ઇચ્છા થાય ત્યારે તેને મળવા બોલાવતો હતો અને અલગ અલગ હોટલમાં લઈ જઈને તેની સાથે શારીરિક સંબંધ બાંધતો હતો. 

દરમિયાન બે દિવસ પહેલા પહેલા યુવક અને યુવતી મળ્યા હતા. આ સમયે પણ યુવક તેને એક હોટલમાં લઈ ગયો હતો અને બંનેએ શરીરસુખ માણ્યું હતું. અહીં યુવતીએ લગ્નની વાત કરતાં જ યુવક ઉશ્કેરાઇ ગયો હતો અને લગ્ન કરવા નથી તેમ કહીને ઝઘડો કરી ત્યાંથી નીકળી ગયો હતો. આમ, પોતાની સાથે દગ્ગો થયો હોવાનું જણાતા યુવતીએ પરિવારને વાત કરી હતી. આ પછી યુવતીએ પોલીસ ફરિયાદ કરતાં પોલીસે ગુનો નોંધી વધુ તપાસ હાથ ધરી છે.