SURAT: સુરતમાં જ્વલર્સના માલિકને નોકર રાખવો પડ્યો ભારે, 1 કરોડથી વધુનું સોનું લઈ નોકર ફરાર
સુરત: આજકાલ મોટાભાગના ઘરોમાં અને દુકાનોમાં નોકરો અને કામદારો જોવા મળે છે. પરંતુ ક્યારેક નોકરની કરતૂતથી માલિકો મોટી આફતમાં પણ ફસાઈ જાય છે. ભૂતકાળમાં પણ આવા ઘણા કિસ્સા સામે આવ્યા છે.
સુરત: આજકાલ મોટાભાગના ઘરોમાં અને દુકાનોમાં નોકરો અને કામદારો જોવા મળે છે. પરંતુ ક્યારેક નોકરની કરતૂતથી માલિકો મોટી આફતમાં પણ ફસાઈ જાય છે. ભૂતકાળમાં એવા ઘણા કિસ્સા સામે આવ્યા છે જેમાં ઘરના નોકર દ્વારા માલિકની હત્યા કરી લૂંટ કરવામાં આવી હોય. નોકરો દ્વારા કરવામાં આવતી ચોરની ઘટનાનો આંકડો બહુ મોટો છે. હવે આવી જ ઘટના સામે આવી છે સુરતમાં. આ માલિકને નોકર રાખવો ભારે પડ્યો છે.
આ અંગે સામે આવેલી વિગતો અનુસાર સુરતમાં સૈયદપુરાનો બંગાળી સોની રૂપિયા 1.13 કરોડનું સોનું અને હીરા લઇ રફુચક્કર થઈ ગયો છે. ઘોડદોડ રોડના બિશનદયાલ જ્વેલર્સ સહિત 16 ગ્રાહકો સાથે ઠગાઈ કરવામાં આવી છે. આ અંગે ઉમરા પોલીસમાં છેતરપીંડીની ફરિયાદ નોંધાઇ છે. 1900 ગ્રામ સોનાનો માલ લઈ નોકર ફરાર થતા માલિકોમાં ફફડાટ ફેલાયો છે. અભિજીત ઘોષ નામના નોકરની પોલીસ તપાસ કરી રહી છે. અંદાજીત
અમદાવાદમાં રાત્રે 3 વાગ્યે પાણીની ટાંકીમાં પડ્યો યુવક
અમદાવાદ: શહેરના વટવા સદભાવના ચોકી પાસે અન્ડરગ્રાઉન્ડ ટાંકીમાં પડતા યુવાનનું મોત નિપજ્યું. ત્રણ માળિયા મકાનમાં આવેલી ટાંકીમાં પડતા અક્ષય પટણી નામના યુવાનનું મોત થયું છે. આ યુવાન રાતના ત્રણ વાગ્યાની આસપાસ પાણીની ટાંકીમાં પડ્યો હતો. ત્યાર બાદ ફાયર વીભાગની ટીમને જાણ કરવામાં આવી હતી. ફાયર વિભાગની બે કલાકની જહેમત બાદ યુવાનનો મૃતદેહ બહાર કાઢવામાં આવ્યો હતો. ઘટનાને પગલે પરિવારમાં શોકનો માહોલ છવાયો છે.
કાશ્મીરી યુવકે યુનિવર્સિટીની હોસ્ટેલમાં કરી લીધો આપઘાત
આણંદઃ વિદ્યાનગર સરદાર પટેલ યુનિવર્સિટીની હોસ્ટેલનો બનાવ છે. સરદાર પટેલ યુનિવર્સિટીની નહેરુ હોસ્ટેલમાં અભ્યાસ કરતા 21 વર્ષના વિદ્યાર્થીએ ગળે ફાંસો ખાઈ આત્મહત્યા કરી છે. નહેરુ હોસ્ટેલની રૂમ નંબર 25માં પંખે લટકતો મૃત દેહ મળતા ચકચાર મચી છે. ઘટનાની જાણ થતાં વિદ્યાનગર પોલીસ ઘટના સ્થળે આવીને તજવીજ હાથ ધરી છે. 108 ની ટિમ દ્વારા યુવકને પીમ માટે શ્રી કૃષ્ણ હોસ્પિલ ખાતે ખસેડાયો છે. અભ્યાસ કરતા કાશ્મીરી વિદ્યાર્થીનું નામ મહંમદ સફી છે. ગત મોડી રાત્રીનો બનાવ છે. મોત પાછળનું કારણ અકબંધ છે.
બળાત્કાર કરનાર શિક્ષકને કોર્ટે આકરી સજા
ખેડાના જિલ્લાના કપડવંજમાં સગીર વિદ્યાર્થીની પર અનેક વાર બળાત્કાર કરનાર શિક્ષકને કોર્ટે આકરી સજા ફટકારી છે. નડીયાદ પોક્સો કોર્ટે આ હવસખોર શિક્ષકને 20 વર્ષની સજા અને 6.30 લાખનો દંડ ફટકાર્યો છે. ખેડા જિલ્લાના કપડવંજ તાલુકાના નિરમાલી ગામના શિક્ષક મહેશ પટેલે સગીર વિદ્યાર્થિનીને કારમાં બેસાડી ખેતરમાં લઈ જઇ વારંવાર દુષ્કર્મ આચર્યું હતું. એટલું જ નહીં આ હવસખોર શિક્ષકે ભોગ બનનાર વિદ્યાર્થિનીને ધમકી પણ આપી હતી કે કોઈને કહીશ તો તેને મારી નાખશે. આ કેસમાં નડીયાદ પોક્સો કોર્ટે 35 જેટલા દસ્તાવેજી તેમજ 12 મૌખિક પુરાવાને ધ્યાને લઈ દાખલો બેસાડતો ચુકાદો આપ્યો છે.
ટ્રેન્ડિંગ સમાચાર
ટોપ સ્ટોરી
