![ABP Premium](https://cdn.abplive.com/imagebank/Premium-ad-Icon.png)
Surat : રહસ્યમય સંજોગોમાં ગુમ થયેલી 9 વર્ષીય બાળકીની નહેરમાંથી મળી લાશ, પરિવાર શોકમાં ગરકાવ
માસૂમનો મૃતદેહ ઓલપાડ તાલુકાના શેરડી ગામે મળી આવ્યો છે. ગુમ થયાના 24 કલાક પછી બાલકીની લાશ મળી આવતાં પરિવાર શોકમાં ગરકાવ થઈ ગયો છે.
![Surat : રહસ્યમય સંજોગોમાં ગુમ થયેલી 9 વર્ષીય બાળકીની નહેરમાંથી મળી લાશ, પરિવાર શોકમાં ગરકાવ Surat : 9 year old girl dead body found from canal Surat : રહસ્યમય સંજોગોમાં ગુમ થયેલી 9 વર્ષીય બાળકીની નહેરમાંથી મળી લાશ, પરિવાર શોકમાં ગરકાવ](https://feeds.abplive.com/onecms/images/uploaded-images/2021/06/09/35773c6e91333483277ceaee1162226f_original.jpg?impolicy=abp_cdn&imwidth=1200&height=675)
સુરત: સાયણ ગોથાણ ભક્તિધારા વિસ્તારની ભેદી રીતે ગુમ થયેલી 9 વર્ષની બાળકીની નહેરમાંથી લાશ મળી આવતા સમગ્ર વિસ્તારમાં ખળભળાટ મચી ગયો છે. 9 વર્ષ ની માસૂમ અન્ય બાળકો જોડે રમી રહી જતી ત્યારે નહેરમાં પડી તણાઈ હતી. માસૂમનો મૃતદેહ ઓલપાડ તાલુકાના શેરડી ગામે મળી આવ્યો છે. ગુમ થયાના 24 કલાક પછી બાલકીની લાશ મળી આવતાં પરિવાર શોકમાં ગરકાવ થઈ ગયો છે.
આજે વડોદરામાં કરજણના સાસરોદના એક પુરુષનો મૃતદેહ મળ્યો છે. શરીર પર ઈજાના નિશાન મળી આવ્યા છે. મારૂતિ હોટેલ નજીક મોટી કેનાલ પાસે સાસરોદ ના યાકુબભાઈ પિરિયા નો મૃતદેહ લોહી લુહાણ હાલતમાં મળ્યો છે. કરજણ પોલીસને જાણ થતા ઘટના સ્થળે દોડી ગઈ. પોલીસ દ્વારા પ્રાથમિક તપાસ મર્ડર થયાનું અનુમાન છે. કરજણ પોલીસ દ્વારા મૃતદેહને pm કરાવી વધુ તપાસના ચક્રો ગતિમાન કર્યા છે.
Surat: પોલીસની પત્નિનો આક્ષેપઃ યુવતી મારા પતિને પરાણે સંબંધ રાખવા દબાણ કરીને શરીર સુખ માણતી હતી ને..........
સુરતઃ સુરતમાં કોન્સ્ટેબલે માસ્ક નહીં પહેરનારી યુવતીને આ ગુના બદલ પોલીસ સ્ટેશન લઈ જવું પડશે એમ કહીને કારમાં બેસાડી શરીર સુખ માણ્યું એ ઘટનામાં નવો વળાંક આવ્યો છે. કોન્સ્ટેબલની પત્નીએ ફરિયાદ કરનારી યુવતી અને તેના પતિ સામે એટ્રોસિટીની ફરિયાદ નોંધાવી છે.
કોન્સ્ટેબલની પત્નિએ આક્ષેપ કર્યો છે કે, યુવતી મારા પતિને પ્રેમસંબંધ રાખવા દબાણ કરતી હતી અને તેની સાથે બળજબરીથી શરીર સંબંધ બાંધ્યા હતા. પત્નિનો આક્ષેપ છે કે, મારા પતિ આ સંબધ રાખવા તૈયાર નહોતા તેથી યુવતીએ અનેક વખત મારા પતિ સાથે ઝઘડો કર્યો હતો. હું અને મારા પતિ 7 મે, 2021ના રોજ બાઇક પર જતાં હતાં ત્યારે સોસાયટીની બહાર યુવતી તથા તેના પતિએ ગાળાગાળી કરી જ્ઞાતિને લગતી ગાળો આપીને અપમાન કર્યું હતું. આ ઉપરાંત યુવતીએ મારા પતિને નોકરીમાંથી કઢાવી મૂકવા તેમજ બળાત્કારની ફરિયાદ નોંધાવવાની ધમકી પણ આપી હતી.
યુવતીએ ફરિયાદ નોંધાવી છે કે, બારડોલીમાં રહેતા અને ઉમરપાડા પોલીસ સ્ટેશનમાં કોન્સ્ટેબલ તરીકે ફરજ બજાવતા યુવકે 2020માં પલસાણા પોલીસ સ્ટેશનમાં ફરજ દરમિયાન માસ્ક નહીં પહેરવા બાબતે 33 વર્ષની યુવતીને પકડી હતી. તેનો નંબર નોંધી લઈ તેને તેની સોસાયટી બહાર બોલાવી હતી અને પોલીસ સ્ટેશન ચાલવું પડશે એવું કહી પોતાની કારમાં બેસાડી હતી. કોન્સ્ટેબલે યુવતીને કારમાં બેભાન કરી બળાત્કાર ગુજાર્યો હતો. કોન્સ્ટેબલે નગ્નાવસ્થામાં અને પોતાની સાથે આપત્તિજનક અવસ્થામાં ફોટા પાડીને મોબાઇલમાં સેવ કર્યા હતા. એ પછી અવારનવાર ફોટો બતાવી ભૂતપોરના ફાર્મ હાઉસ અને પલસાણાની કાઠિયાવાડી હોટલમાં લઈ જઈ પરાણે શરીર સંબંધ બાંધ્યા હતા.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)