Surat : ટ્રાફિક પોલીસે બાઇક ટોઇંગ કરતાં, યુવક ટોઇંગ વાન સામે રસ્તા પર સૂઈ ગયો ને પછી તો.....

કતારગામ વિસ્તારમાં ટ્રાફિક પોલીસે યુવકનું બાઇક ટોઇંગ કરતાં હોબાળો મચી ગયો હતો. બાઇક ટ્રાફિક પોલીસે ટોઈંગ કરતા બબાલ થઈ ગઈ હતી. યુવક એટીએમમાં પૈસા ઉપાડવા ગયો અને બાઇક ટોઇંગ કરી લીધી હતો.

તસવીરઃ બાઇક ટોઇંગ કરતાં યુવક વાન આગળ સૂઈ ગયો.

સુરતઃ શહેરના કતારગામ વિસ્તારમાં ટ્રાફિક પોલીસે યુવકનું બાઇક ટોઇંગ કરતાં હોબાળો મચી ગયો હતો. બાઇક ટ્રાફિક પોલીસે ટોઈંગ કરતા બબાલ થઈ ગઈ હતી. યુવક એટીએમમાં પૈસા ઉપાડવા ગયો અને ક્રેન પહોંચી હતી અને બાઇક ટોઇંગ કરી લીધી હતો. યુવકે બાઇક છોડાવવા આજીજી કરી હતી. આ ઘટનાનો લાઈવ વીડિયો સામે આવ્યો છે. જેમાં યુવક પોલીસ સાથે રકઝક કરતો નજરે પડે છે.

પોલીસે બાઇક પરત નહીં આપતા રકઝક થઈ. યુવક પોલીસની ક્રેનની સામે સુઈ ગયો હતો. દંડ ભરવાના પૈસા ન હોવાની કરી રજુઆત કરી હતી. પોલીસે યુવકને મહામહેનતે ક્રેન સામેથી ખસેડ્યો હતો. કતારગામ વિસ્તારમાં ટ્રાફિંગ પોલીસની વાહન ટોઈંગ કરતા બબાલ થઈ હતી. 

યુવકે પોલીસ સાથે રકઝક કરતાં લોકોના ટોળેટોળા એકઠા થઈ ગયા હતા. પોલીસે યુવકને દૂર ખસેડવાનો પ્રયાસ કરતાં લોકોએ દેકારો મચાવી દીધો હતો. આ બબાલમાં રસ્તા પર ટ્રાફિકજામ થઈ ગયો હતો. જોકે, અંતે પોલીસ યુવકને ટોઇંગ વાનથી દૂર ખસેડવામાં સફળ થઈ હતી. 

Bhavnagar : 30 વર્ષીય યુવતીની છરીના ઘા મારીને હત્યા, કોણ છે આ યુવતી અને કોણે કરી હત્યા?

ભાવનગરઃ શહેરમાં એક સગીર પછી 30 વર્ષીય યુવતીની હત્યા કરાયેલી લાશ મળી આવતાં સમગ્ર શહેરમાં ખળભળાટ મચી ગયો છે.  પરિમલ વિસ્તારમાં યુવતીની હત્યા થઈ ગઈ છે. યુવતીની તેના જ ઘરમાં હત્યા કરી ગોદડામાં લપેટી દેવાઈ હતી. યુવતીની હત્યાને ગોદડામાં લપેટી છુપાવવાનો પ્રયાસ કરાયો હતો. કોણે અને શા કારણે હત્યા કરાઈ તે જાણવા પોલીસે તપાસ હાથ ધરી છે. 

ભાવનગરમાં ગુરુવારે સવારે વરતેજ સીદસર રોડ પર  એક નાળા પાસે સગીરની હત્યા થયેલી લાશ મળી આવી હતી જયારે સાંજે તખ્તેશ્વર પાસેના ફલેટમાંથી યુવતીની હત્યા કરેલી લાશ મળી આવી હતી. ભાવનગર પોલીસે સઘન તપાસ હાથ ધરી બંને હત્યા માતા-પુત્રની થઇ હોવાનું અને એક જ વ્યકિતએ કરી હોવાનું તેમજ બંનેની લાશની હેરાફેરી માટે એક જ કારનો ઉપયોગ કરાયો હોવાની થિયરી પર વધુ તપાસ હાથ ધરી હોવાનો દાવો એક સ્થાનિક અખબારના અહેવાલમાં કારાયો છે. 

સાંજે તખ્તેશ્વર પાસે જનકલ્યાણ હાઉસીંગ સોસાયટીના ફલેટના બીજા માળેથી અંકીતા પ્રકાશભાઇ જોષી (ઉ.વ.30) ની તિક્ષ્ણ હથિયારના ઘા મારી હત્યા કરેલી હાલતમાં ગોદડામાં વીંટાળેલી લાશ મળી આવી હતી. પોલીસે ઘટના સ્થળે દોડી જઇ બંને હત્યા સાથે કોઇ સબંધ છે કે કેમ તે દિશામાં તપાસ આગળ ધપાવી હતી.

મૂળ સિહોરની અને ભાવનગરમાં રહેતી અંકીતાએ છૂટાછેડા લીધેલા છે તેમજ છેલ્લા ઘણા સમયથી પોતાના પુત્રને લઇ આ ફલેટમાં રહેતી હતી. તેની સાથે કોઈ યુવક રહેતો હોવાનો પણ એક અખબારે દાવો કર્યો છે. અહેવાલમાં કરાયેલા દાવા પ્રમાણે બંને વચ્ચે કોઇ બાબતે ઝઘડો થતા આ યુવકે બંનેની હત્યા કરી નાખી હતી અને બાળકની લાશને કારમાં નાખી સીદસર રોડ પરના આ અવાવરૂ જગ્યાએ છોડી દીધી હતી. જ્યારે તે જ કાર દિવસ દરમિયાન આ ફલેટ પાસે પણ જોવા મળી હતી, જેના પરથી પોલીસને આ બન્ને હત્યાનો ભેદ ઉકેલવામાં સફળતા મળી હતી. જો કે, ભેદ ઉકેલવાની સત્તાવાર જાહેરાત આજે થઈ શકે છે.