Surat News: ‘રાત્રે મારી સાથે જ સૂવા.....’ નરાધમ બાપે 15 વર્ષની દીકરી સાથે એવું કર્યું કે......
Father molested daughter Surat: આ ચોંકાવનારા ખુલાસા બાદ પોલીસે તાત્કાલિક કાર્યવાહી કરતાં ફરિયાદ નોંધી અને આરોપી પિતાની ધરપકડ કરી.
Surat News: સુરત શહેરના ડિંડોલી વિસ્તારમાં એક ચોંકાવનારો કિસ્સો સામે આવ્યો છે. અહીં એક પિતાએ પોતાની 15 વર્ષીય પુત્રી સાથે અશોભનીય વર્તન કર્યાનો આરોપ લાગ્યો છે. આ મામલે ડિંડોલી પોલીસે આરોપી પિતાની ધરપકડ કરી છે.
ઘટના વિગતો મુજબ, 15 વર્ષની સગીરા સ્કૂલના યુનિફોર્મમાં સીધી ડિંડોલી પોલીસ સ્ટેશન પહોંચી હતી. ત્યાં તેણે પોલીસને જણાવ્યું કે તેના પિતા રાત્રે તેની સાથે સૂવા માટે દબાણ કરે છે અને છેડતી કરે છે. વધુમાં, સગીરાએ આરોપ મૂક્યો કે જો તે પોલીસ ફરિયાજ કરશે તો તેના પિતાએ તેને મારી નાખવાની ધમકી આપી હતી.
આ ચોંકાવનારા ખુલાસા બાદ પોલીસે તાત્કાલિક કાર્યવાહી કરતાં ફરિયાદ નોંધી અને આરોપી પિતાની ધરપકડ કરી. પોલીસના જણાવ્યા અનુસાર, આરોપી પિતાએ બે વખત પોતાની સગી પુત્રીની છેડતી કરી હોવાનું સામે આવ્યું છે.
દરમિયાન, સગીરાના પરિવારના અન્ય સભ્યો પણ પોલીસ સ્ટેશને પહોંચ્યા હતા. આ કેસમાં વધુ તપાસ ચાલુ છે અને પોલીસ આરોપી પિતા વિરુદ્ધ કડક કાર્યવાહી કરવાની તૈયારી કરી રહી છે.
હાલમાં પોલીસે કિશોરીના પિતા સામે છેડતી અને બાળકો સાથે જાતીય અપરાધોના સંરક્ષણ (POCSO) કાયદા અંતર્ગત ગુનો નોંધ્યો છે. આ આધારે તેમણે આરોપી પિતાની ધરપકડ કરી છે. પોલીસ હવે આ કેસમાં વધુ તપાસ કરી રહી છે.
POCSO એક્ટ એટલે કે પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સિસ એક્ટ. આ એક ભારતીય કાયદો છે જે બાળકોને જાતીય ગુનાઓથી બચાવવા માટે બનાવવામાં આવ્યો છે. આ કાયદો બાળકોને સુરક્ષિત રાખવા અને આવા ગુના કરનારાઓને સખત સજા આપવા માટે ખૂબ જ મહત્વનો છે.
બાળકની વ્યાખ્યા: આ કાયદામાં બાળકને 18 વર્ષથી ઓછી ઉંમરનો કોઈ વ્યક્તિ તરીકે વ્યાખ્યાયિત કરવામાં આવ્યો છે.
જાતીય ગુના: આ કાયદો વિવિધ પ્રકારના જાતીય ગુનાઓને ગુનો ગણાવે છે, જેમ કે બાળકનું શારીરિક શોષણ, જાતીય હેરાનગતિ, બાળકોનું અશ્લીલ ચિત્રો લેવું અથવા દેખાડવું વગેરે.
સજા: આ કાયદા હેઠળ જાતીય ગુના કરનારાઓને ખૂબ જ સખત સજા થઈ શકે છે, જેમાં લાંબી જેલની સજા અને ભારે દંડનો સમાવેશ થાય છે.
રિપોર્ટિંગ: જો તમને લાગે કે કોઈ બાળક પર જાતીય ગુનો થયો છે, તો તમારે તરત જ પોલીસ અથવા ચાઇલ્ડ વેલફેર કમિટીને જાણ કરવી જોઈએ.
POCSO એક્ટનું મહત્વ:
બાળકોની સુરક્ષા: આ કાયદો બાળકોને જાતીય ગુનાઓથી બચાવવા માટે એક મજબૂત હથિયાર છે.
ગુનેગારોને સજા: આ કાયદો જાતીય ગુના કરનારાઓને સખત સજા આપીને અન્ય લોકોને આવા ગુના કરવાથી રોકે છે.
જાગૃતિ: આ કાયદાના કારણે લોકોમાં બાળકોના જાતીય શોષણ વિશે જાગૃતિ વધી છે.
ટોપ સ્ટોરી
ટ્રેન્ડિંગ સમાચાર
