'પતિ ATM નથી....' સુરતમાં પત્ની પીડિત પતિઓનું પ્રદર્શન, અતુલ સુભાષ આત્મહત્યા કેસમાં ન્યાયની માંગ
Surat News: પુરુષો માટે કમિશનની રચના અને કાયદાના દુરુપયોગને રોકવાની માંગ સાથે વિરોધ.
Surat News: ગુજરાતના સુરતમાં બેંગલુરુના એન્જિનિયર અતુલ સુભાષની આત્મહત્યાના કેસને લઈને પત્ની પીડિત પતિઓએ વિરોધ પ્રદર્શન કર્યું હતું. દેખાવકારોએ કાયદા હેઠળ મહિલાઓના અધિકારોના દુરુપયોગનો મુદ્દો ઉઠાવ્યો હતો અને પુરુષો માટે એક કમિશનની રચના કરવાની માંગ કરી હતી. આંદોલનકારીઓએ જણાવ્યું હતું કે ખોટા કેસો દ્વારા અત્યાચાર ગુજારાયેલા પુરુષોને ન્યાય આપવા માટે નક્કર પગલાં લેવા જોઈએ.
સુરતના અઠવા લાઈન્સ સર્કલ ખાતે યોજાયેલા આ પ્રદર્શનનું કારણ બેંગલુરુના એન્જિનિયર અતુલ સુભાષની આત્મહત્યા હતી, જેમણે આત્મહત્યા પહેલાં એક વીડિયો બનાવ્યો હતો અને તેમાં તેમની પત્ની પર હેરાન કરવાનો આરોપ લગાવ્યો હતો. આ કેસને લઈને નવી ચર્ચા શરૂ થઈ છે, જેમાં કાયદામાં મહિલાઓને આપવામાં આવેલા વિશેષ અધિકારોના દુરુપયોગની વાત કરવામાં આવી રહી છે.
દેખાવકારોએ હાથમાં પ્લેકાર્ડ લઈને વિરોધ કર્યો હતો. કેટલાક પ્લેકાર્ડ પર 'પુરુષોના અધિકારો એ માનવ અધિકાર છે' લખેલું હતું, જ્યારે અન્ય લોકોએ 2014 થી 2022 સુધીના પુરુષોના આત્મહત્યાના આંકડા દર્શાવ્યા હતા. કોઈએ સરકારને પુરુષ પંચની નિમણૂક કરવાની વિનંતી કરી હતી, તો કોઈએ 'નકલી કેસ માનવતા વિરુદ્ધ ગુનો છે' એવું લખ્યું હતું. કેટલાક પ્લેકાર્ડ પર 'મેન નોટ એટીએમ' લખેલું હતું, જેના દ્વારા આંદોલનકારીઓએ પોતાની આગવી શૈલીમાં પુરુષોની પીડા વ્યક્ત કરી હતી.
સુરતના ચિરાગ ભાટિયાએ જણાવ્યું હતું કે અતુલ સુભાષે બનાવટી કેસના કારણે આત્મહત્યા કરી છે અને તેઓ આ બાબતનો વિરોધ કરી રહ્યા છે. તેઓએ માંગ કરી હતી કે અતુલ સુભાષને ન્યાય મળવો જોઈએ અને પુરુષો માટે યોગ્ય કાયદો બનાવવો જોઈએ. તેઓએ એવી પણ વાત કરી હતી કે ઘણી મહિલાઓ પુરુષો પર ખોટા કેસ દાખલ કરી રહી છે અને કોર્ટમાં કેસ ખોટો સાબિત થયા પછી પણ મહિલાઓ માટે કોઈ સજાની જોગવાઈ નથી. આથી, પુરુષોને ન્યાય મળે તે માટે એક કમિશન બનાવવું જોઈએ.
ચિરાગે વધુમાં જણાવ્યું હતું કે અહીં તમામ પીડિતો પર તેમની પત્નીઓએ ખોટા કેસ કર્યા છે અને તેઓ કોર્ટના દબાણનો સામનો કરી રહ્યા છે. તેઓએ જણાવ્યું હતું કે તેમની ભૂલ ન હોવા છતાં તેઓને કોર્ટમાં પોતાને નિર્દોષ સાબિત કરવા પડે છે. તેઓએ ભરણપોષણ ચૂકવતા હોવા છતાં તેમની પત્નીઓ તેમને તેમના બાળકોને મળવા દેતી નથી અને સેટલમેન્ટના નામે પૈસા માંગવામાં આવે છે. તેઓએ આને ગેરકાયદેસર અને લિંગ સમાનતાના નામે પુરુષોનું શોષણ ગણાવ્યું હતું. તેઓએ જણાવ્યું હતું કે તેમના પરિવારો માનસિક ત્રાસમાંથી પસાર થઈ રહ્યા છે, જેનું વર્ણન કરવું મુશ્કેલ છે.
આ પણ વાંચો....
Before You Go
Navaratri | અમદાવાદમાં મંડળી ગરબામાં બબાલને લઇ અપડેટ, 'મેદાનમાં તલવારો અને ધોકા ઉછળ્યા'
ટોપ સ્ટોરી
ટ્રેન્ડિંગ સમાચાર
