સુરતમાં ચોંકાવનારો કિસ્સો: ટીચરે 13 વર્ષના છોકરાને પોતાની હવસનો શિકાર બનાવ્યો! હવે પ્રેગનેન્ટ થતાં....
પુણા પોલીસે રાજસ્થાન બોર્ડર પાસેથી ઝડપી, યૌન શોષણ અને પોક્સો હેઠળ ગુનો, વિદ્યાર્થીને ભોગવી શારીરિક ભૂખ સંતોષ્યાનો આરોપ, DNA ટેસ્ટની તજવીજ.
Surat tuition teacher case: સુરતના પુણા વિસ્તારમાંથી એક અત્યંત ચોંકાવનારો અને શરમજનક કિસ્સો સામે આવ્યો છે, જ્યાં એક ટ્યુશન શિક્ષિકા પર સગીર વિદ્યાર્થીનું અપહરણ કરવાનો અને તેનું યૌન શોષણ કરવાનો ગંભીર આરોપ લાગ્યો છે. આ કેસમાં તપાસ દરમિયાન એક નવો અને વધુ ડિસ્ટર્બિંગ વળાંક આવ્યો છે, જેમાં આરોપી શિક્ષિકા ૫ મહિનાની ગર્ભવતી હોવાનું અને તે ગર્ભ સગીર વિદ્યાર્થીનો હોવાનો દાવો કરી રહી હોવાનો ખુલાસો થયો છે.
મળતી વિગતો મુજબ, પુણા વિસ્તારમાં રહેતી ૨૩ વર્ષીય ટ્યુશન શિક્ષિકાએ પોતાની પાસે ભણવા આવતા આશરે ૧૩ વર્ષીય (અન્ય માહિતી મુજબ ૧૧ વર્ષીય) વિદ્યાર્થીને પ્રેમજાળમાં ફસાવી તેનું અપહરણ કરી ફરાર થઈ ગઈ હતી. આ અંગે વિદ્યાર્થીના પરિવારે પોલીસ ફરિયાદ નોંધાવતા પુણા પોલીસની ટીમે શિક્ષિકા અને વિદ્યાર્થીને શોધવા માટે તજવીજ હાથ ધરી હતી. પોલીસે બાતમી અને ટેકનિકલ સર્વેલન્સના આધારે શિક્ષિકા અને વિદ્યાર્થીને રાજસ્થાન બોર્ડર પાસે, ખાસ કરીને શામળાજી બોર્ડર પાસેથી શોધી કાઢ્યા હતા. પોલીસે સગીર વિદ્યાર્થીને સુરક્ષિત રીતે મુક્ત કરાવ્યો હતો અને આરોપી શિક્ષિકાની અટકાયત કરી હતી.
ઘટનામાં ચોંકાવનારો ઘટસ્ફોટ: શિક્ષિકા ગર્ભવતી અને યૌન શોષણનો આરોપ:
પોલીસ તપાસમાં હવે આ ગુનામાં ચોંકાવનારી વિગતો સામે આવી છે. આરોપી ૨૩ વર્ષીય શિક્ષિકા ૫ મહિનાની ગર્ભવતી હોવાનું બહાર આવ્યું છે. પરંતુ સૌથી ગંભીર અને ચિંતાજનક વાત એ છે કે, શિક્ષિકા કથિત રીતે દાવો કરી રહી છે કે આ ગર્ભ સગીર વિદ્યાર્થીનો જ છે!
પોલીસ તપાસમાં એ પણ સામે આવ્યું છે કે શિક્ષિકાએ વિદ્યાર્થીનું યૌન શોષણ કર્યું હતું. વિદ્યાર્થી જ્યારે ટ્યુશન આવતો ત્યારે શિક્ષિકાએ તેની સાથે શારીરિક સંબંધો બાંધ્યા હતા અને પોતાની શારીરિક ભૂખ સંતોષી હતી. આ અત્યંત નિંદનીય કૃત્ય બાદ પણ શિક્ષિકાને સંતોષ ન હોય તેમ, તેણે વિદ્યાર્થીનું અપહરણ કરી તેને પોતાની સાથે ફરવા લઈ ગઈ હતી.
વિદ્યાર્થી સાથે હોટલ રોકાણ અને યૌન શોષણની તપાસ:
શિક્ષિકા વિદ્યાર્થીને અપહરણ કરીને અલગ અલગ શહેરોમાં ફરવા લઈ ગઈ હતી. તે પહેલા વિદ્યાર્થીને વડોદરા લઈ ગઈ, ત્યાંથી અમદાવાદ લઈ ગઈ જ્યાં તેઓએ હોટલમાં રાત્રિ રોકાણ કર્યું. ત્યારબાદ દિલ્લી અને ત્યાંથી જયપુર ગઈ, જ્યાં પણ હોટલોમાં રાત્રિ રોકાણ કર્યું. પોલીસ તપાસ મુજબ, શિક્ષિકા અને વિદ્યાર્થીએ કુલ ૩ રાત્રિ હોટલોમાં વિતાવી હતી. પોલીસે હવે વિદ્યાર્થી સાથે હોટલોમાં પણ યૌન શોષણ કર્યું છે કે કેમ તેની તપાસ માટે મેડિકલ તપાસ સહિતની તજવીજ હાથ ધરી છે.
પોક્સો અને યૌન શોષણ હેઠળ કાર્યવાહી, DNA ટેસ્ટ માટે તજવીજ:
આ ગંભીર મામલે પોલીસે આરોપી શિક્ષિકા વિરુદ્ધ પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સ (POCSO) એક્ટ અને યૌન શોષણ સંબંધિત અન્ય કલમો હેઠળ ગુનો નોંધીને કાયદેસર કાર્યવાહી શરૂ કરી છે. શિક્ષિકા દ્વારા કરવામાં આવેલા ગર્ભ સગીર વિદ્યાર્થીનો હોવાના દાવાને ચકાસવા માટે પોલીસે હવે ડીએનએ (DNA) ટેસ્ટ માટેની તજવીજ પણ શરૂ કરી દીધી છે.
શિક્ષિકા દ્વારા વિદ્યાર્થીનું અપહરણ, યૌન શોષણ અને ગર્ભવતી હોવા ઉપરાંત ગર્ભ સગીર વિદ્યાર્થીનો હોવાના દાવાએ સમગ્ર શહેરમાં અને સમાજમાં આક્રોશ અને આશ્ચર્યની લાગણી ફેલાવી છે. પોલીસ આ મામલે ઊંડાણપૂર્વક તપાસ કરી રહી છે અને સત્ય બહાર લાવવા પ્રયાસ કરી રહી છે. આ ઘટના શિક્ષણ જેવા પવિત્ર વ્યવસાય પર કલંક સમાન છે અને બાળકોની સુરક્ષા અંગે ગંભીર પ્રશ્નો ઉભા કરે છે.
ટોપ સ્ટોરી
ટ્રેન્ડિંગ સમાચાર
