![ABP Premium](https://cdn.abplive.com/imagebank/Premium-ad-Icon.png)
'ટિકીટ તો મારા ગજવામાં છે જ, ....નહીં તો અપક્ષ લડીશ' - વાઘોડિયામાં ભાજપને હરાવવા મધુ શ્રીવાસ્તવ તૈયાર
તાજેતરમાં જ કોંગ્રેસ પ્રદેશ પ્રમુખ શક્તિસિંહ ગોહિલે વાઘોડિયા વિધાનસભાના પૂર્વ ધારાસભ્ય મધુ શ્રીવાસ્તવ સાથે ખાસ મીટિંગ કરી હતી
!['ટિકીટ તો મારા ગજવામાં છે જ, ....નહીં તો અપક્ષ લડીશ' - વાઘોડિયામાં ભાજપને હરાવવા મધુ શ્રીવાસ્તવ તૈયાર Gujarat Election 2024: Congress Leader Shaktisinh Gohil meets to Madhu Srivastav on the Waghodia Vidhan Sabha By Polls 2024 'ટિકીટ તો મારા ગજવામાં છે જ, ....નહીં તો અપક્ષ લડીશ' - વાઘોડિયામાં ભાજપને હરાવવા મધુ શ્રીવાસ્તવ તૈયાર](https://feeds.abplive.com/onecms/images/uploaded-images/2024/04/10/2d6d6d2883b9c1d14d415b788bd6118d171272839681077_original.jpg?impolicy=abp_cdn&imwidth=1200&height=675)
Gujarat Election 2024: રાજ્યમાં લોકસભાની ચૂંટણીનો પ્રચાર તેજ થઇ ગયો છે, આ સાથે સાથે હવે રાજ્યમાં પાંચ વિધાનસભા બેઠકો પરની પેટા ચૂંટણીનો પણ જંગ ખેલાઇ રહ્યો છે. તાજેતરમાં જ પાંચ બેઠકો પર ભાજપે પોતાના તમામ ઉમેદવારોના નામ જાહેર કરી દીધા છે, તો વળી કોંગ્રેસ પાર્ટી હજુ પણ ઉમેદવારો શોધી રહી છે. તાજા અપડેટ પ્રમાણે વિધાનસભા પેટાચૂંટણીને લઇને હવે કોંગ્રેસ એક્શન મૉડમાં આવી છે, વડોદરાની વાઘોડિયા બેઠક પરથી મધુ શ્રીવાસ્તવ માટે લૉબિંગ શરૂ કરાયુ હોવાનું સુત્રો દ્વારા જાણવા મળ્યુ છે. હાલમાં જ કોંગ્રેસ પ્રદેશ પ્રમુખ શક્તિસિંહ ગોહિલ મધુ શ્રીવાસ્તવને મળ્યા હતા.
તાજેતરમાં જ કોંગ્રેસ પ્રદેશ પ્રમુખ શક્તિસિંહ ગોહિલે વાઘોડિયા વિધાનસભાના પૂર્વ ધારાસભ્ય મધુ શ્રીવાસ્તવ સાથે ખાસ મીટિંગ કરી હતી, જે ચર્ચાનો વિષય બની છે. શક્તિસિંહ સાથેની બેઠક બાદ મધુ શ્રીવાસ્તવે હૂંકાર કર્યો છે કે, ટિકીટ તો મારા ગજવામાં છે. તેમને કહ્યું કે, ભાજપ સિવાયની કોઇપણ પાર્ટીના બેનર હેઠળ ચૂંટણી લડવા તૈયાર છે. કોઈ પક્ષ ટિકિટ નહીં આપે તો અપક્ષ ચૂંટણી લડીશ.
વડોદરાની વાઘોડિયા બેઠક પર ભાજપે પેટાચૂંટણી માટે પહેલાથી જ ઉમેદવાર ઉતારી દીધો છે, તો વળી કોંગ્રેસ યોગ્ય ઉમેદવારની શોધ કરી રહ્યું છે. હાલમાં જ કોંગ્રેસ પ્રદેશ પ્રમુખ શક્તિસિંહ ગોહિલ સાથે મધુ શ્રીવાસ્તવની બેઠક કરી હતી. આ બેઠક બાદ મધુ શ્રીવાસ્તવનું એક ખાસ નિવેદન સામે આવ્યુ છે. મધુ શ્રીવાસ્તવે બેઠક બાદ કહ્યું કે, શક્તિસિંહ સાથે અમારી જુની મિત્રતા છે, હું 6 ટર્મ અહીંથી ધારાસભ્ય રહ્યો છું, આજે શક્તિસિંહ આવ્યા ફક્ત પારિવારિક વાતો થઈ છે. ટિકિટને લઈને કોઈ વાતચીત થઈ નથી, હું ભાજપ સિવાય કોઈપણ પાર્ટીના બેનર હેઠળ ચૂંટણી લડવા તૈયાર છું. કોંગ્રેસ ટિકીટ આપે કે આપ પાર્ટી ટિકીટ આપે, કોઈપણ પાર્ટી હોય, અને કોઈ ટિકિટ ના આપે તો અપક્ષ તરીકે પણ હું વાઘોડિયા બેઠક પરથી પેટાચૂંટણી લડીશ. મધુ શ્રીવાસ્તવ વધુમાં હૂંકાર કરતાં કહ્યું કે, ટિકીટ તો મારા ગજવામાં છે જ. ઉલ્લેખનીય છે કે, ભાજપમાં મધુ શ્રીવાસ્તવને હાંકી કઢાયા છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)