વડોદરાઃ પાદરામાં ડમ્પર અને આઇસર વચ્ચે અકસ્માત, 11 લોકોના મોત

પાદરાના મહુવડથી રનુ રોડ પર ડમ્પર અને આઈસર ટેમ્પો વચ્ચે અકસ્માત સર્જાયો હતો. જેમાં 7 લોકોનાં મોત થયા હતા. મૃતકો રનું અને ભોજ ગામના હોવાનું જાણવા મળ્યું છે.

વડોદરાઃ રાજ્યમાં જીવલેણ અકસ્માતો અટકવાનું નામ જ નથી લઈ રહ્યા. આજે બનેલી આવી ઘટનામાં સાત લોકોના મોત થયા હતા. આજે સાંજે પાદરાના મહુવડથી રનુ રોડ પર ડમ્પર અને આઈસર ટેમ્પો વચ્ચે અકસ્માત સર્જાયો હતો. જેમાં 11 લોકોનાં મોત થયા હતા. મૃતકો રનું અને ભોજ ગામના હોવાનું જાણવા મળ્યું છે. મૃત્યુ આંક વધવાની પણ શક્યતા છે. અકસ્માત એટલો જબરદસ્ત હતો કે, એક વાહનના ફૂરચેફૂરચા ઉડી ગયા હતા, અને તેમાં સવાર લોકોના મોત થયા છે. મેઈન રોડ પર અકસ્માત સર્જાતા થોડા સમય માટે ટ્રાફિક જામ થઈ ગયો હતો. અકસ્માતમાં ઈજાગ્રસ્તોને સારવાર માટે હોસ્પિટલમાં ખસેડવામાં આવ્યા છે. પોલીસે ઘટના સ્થળે પહોંચી વધુ તપાસ હાથ ધરી છે.