Vande Bharat: 8 કલાકમાં 700 KM, સ્વદેશી ટેક્નોલોજીની ડિઝાઇન સાથે જાણો શું છે 'વંદે ભારત'ની વિશેષતાઓ ?

Vande Bharat Interesting Facts: 160 કિમી પ્રતિ કલાકની ઝડપ સાથે આ ટ્રેનને ખૂબ જ આરામદાયક અને સુવિધાઓથી સજ્જ કરવામાં આવી છે. ટ્રેનની સ્પીડની સાથે સાથે સુરક્ષાનું પણ સંપૂર્ણ ધ્યાન રાખવામાં આવ્યું છે.

વંદે ભારત

Vande Bharat Interesting Facts: 160 કિમી પ્રતિ કલાકની ઝડપ સાથે આ ટ્રેનને ખૂબ જ આરામદાયક અને સુવિધાઓથી સજ્જ કરવામાં આવી છે. ટ્રેનની સ્પીડની સાથે સાથે સુરક્ષાનું પણ સંપૂર્ણ ધ્યાન રાખવામાં આવ્યું છે.

Vande Bharat Interesting Facts: PM મોદીના હાથે આજે (15 જાન્યુઆરી) દેશને આઠમી વંદે ભારત ટ્રેન મળવા જઈ રહી છે. આ ટ્રેન સિકંદરાબાદથી વિશાખાપટ્ટનમ સુધી દોડશે. પીએમ મોદી વિડીઓ કોન્ફરન્સિંગ દ્વારા ટ્રેનને લીલી ઝંડી આપશે. દક્ષિણ ભારતમાં દોડનારી આ બીજી વંદે ભારત ટ્રેન હશે. દક્ષિણ ભારતની પ્રથમ વંદે ભારત ટ્રેન ચેન્નાઈથી મૈસુર સુધી દોડે છે.

આ સાથે દેશમાં વંદે ભારત ટ્રેનોની સંખ્યા વધીને કુલ 8 થઈ ગઈ છે. આમાં વંદે ભારત ટ્રેનો પહેલાથી જ વારાણસી-નવી દિલ્હી, નવી દિલ્હી-વૈષ્ણો દેવી, મુંબઈ-ગાંધીનગર, દિલ્હી-અંબ અંદૌરા, ચેન્નઈ-મૈસુર, નાગપુરથી બિલાસપુર, હાવડાથી નવી જલપાઈગુડી રૂટ પર દોડી રહી છે. તે જ સમયે, આ સેવા સિકંદરાબાદ-વિશાપટનમ રૂટ પર 15 જાન્યુઆરીથી શરૂ થઈ રહી છે.

વંદે ભારતની વિશેષતાઓ :

વંદે ભારત ટ્રેન સ્વદેશી ટેક્નોલોજીથી તૈયાર કરાયેલી ટ્રેન છે જે 8 કલાકમાં 700 કિમીની મુસાફરી કરી શકે છે. અત્યાધુનિક પેસેન્જર સુવિધાઓથી સજ્જ આ ટ્રેન આરામદાયક અને સુવિધાજનક પણ છે.

52 સેકન્ડમાં 100 સ્પીડ :

આ ટ્રેન 52 સેકન્ડમાં 0-100 કિલોમીટર પ્રતિ કલાકની સ્પીડ પકડી શકે છે. તે મહત્તમ 160 કિલોમીટર પ્રતિ કલાકની ઝડપે દોડી શકે છે. ટ્રેનના તમામ કોચ એરકન્ડિશન્ડ (AC) છે. ઉપરાંત, ટ્રેનના તમામ દરવાજા આપોઆપ ખુલે છે અને સંપૂર્ણપણે બંધ થઈ જાય છે. દરેક ગેટ પર ઓટોમેટિક ફૂટરેસ્ટ લગાવવામાં આવે છે.

આ ટ્રેનમાં જીપીએસ સિસ્ટમ અને ફાયર સેન્સર લગાવવામાં આવ્યા છે. તેમાં વાઈફાઈની સુવિધા પણ છે. મુસાફરોને દરેક સીટ પર ચાર્જિંગ પોઈન્ટની સુવિધા મળશે. 32 ઇંચનું ટીવી ફીટ કરવામાં આવ્યું છે. ટ્રેનમાં આરામદાયકની સાથે રિવોલ્વિંગ ચેર પણ લગાવવામાં આવી છે.

ઝડપ સાથે સલામતી : 
ટ્રેનમાં સ્પીડની સાથે સુરક્ષાનું પણ ધ્યાન રાખવામાં આવ્યું છે. આ ટ્રેનમાં રેલવે સેફ્ટી કવચ (ટ્રેન અથડામણ ટાળવાની સિસ્ટમ) ફીટ કરવામાં આવી છે. પાવર નિષ્ફળતાના કિસ્સામાં રોશની માટે દરેક કોચમાં 4 ઈમરજન્સી લાઈટો પણ છે.

ટચ ફ્રી સુવિધા સાથે બાયો વેક્યુમ ટોઇલેટ છે. ટ્રેનને વિકલાંગોને અનુકૂળ બનાવવામાં આવી છે. દિવ્યાંગ ફ્રેન્ડલી બાયો ટોયલેટની સાથે સીટ નંબર બ્રેઈલ લિપિમાં આપવામાં આવ્યો છે.