BRICS Summit 2025: 'પહલગામમાં થયેલો આતંકી હુમલો સમગ્ર માનવતા પર હુમલો', BRICSમાં બોલ્યા PM મોદી

BRICS Summit 2025: બ્રાઝિલના રિયો ડી જેનેરિમાં આયોજિત 17મા બ્રિક્સ સમિટમાં વડાપ્રધાન નરેન્દ્ર મોદીએ આતંકવાદનો મુદ્દો ગંભીરતાથી ઉઠાવ્યો હતો

વડાપ્રધાન મોદી

Source : ફોટોઃ X

BRICS Summit 2025: બ્રાઝિલના રિયો ડી જેનેરિમાં આયોજિત 17મા બ્રિક્સ સમિટમાં વડાપ્રધાન નરેન્દ્ર મોદીએ આતંકવાદનો મુદ્દો ગંભીરતાથી ઉઠાવ્યો હતો અને 22 એપ્રિલે જમ્મુ અને કાશ્મીરના પહલગામમાં થયેલા આતંકવાદી હુમલાને સમગ્ર માનવતા પર હુમલો ગણાવ્યો હતો. તેમણે કહ્યું હતું કે આતંકવાદ એ માનવતા સામેના સૌથી ગંભીર પડકારોમાંનો એક છે. તાજેતરમાં ભારતને પહલગામમાં અમાનવીય અને કાયર આતંકવાદી હુમલાનો સામનો કરવો પડ્યો હતો. આ હુમલો ફક્ત ભારત પર જ નહીં, પરંતુ સમગ્ર માનવતા પર હતો.

STORY | There should be no hesitation in imposing sanctions against terrorists: PM Modi at BRICS

READ: https://t.co/OAtYKnWfZB pic.twitter.com/cbEClu848y

— Press Trust of India (@PTI_News) July 6, 2025

બ્રિક્સ સમિટના 'શાંતિ-સુરક્ષા અને વૈશ્વિક શાસનમાં સુધારો' સત્રમાં વડાપ્રધાન મોદીએ શાંતિ અને ભાઈચારો પ્રત્યે ભારતની પ્રતિબદ્ધતાનો પુનરોચ્ચાર કર્યો. તેમણે આતંકવાદ સામે સંયુક્ત વૈશ્વિક કાર્યવાહી માટે પણ ભારપૂર્વક અપીલ કરી હતી. તેમણે સ્પષ્ટપણે કહ્યું કે આતંકવાદને પ્રત્યક્ષ કે પરોક્ષ રીતે ટેકો આપનાર કોઈપણ દેશે તેની કિંમત ચૂકવવી પડશે. આતંકવાદીઓ પર પ્રતિબંધ મૂકવામાં કોઈ ખચકાટ ન હોવો જોઈએ. આતંકવાદના પીડિતો અને તેના સમર્થકોને એક જ માપદંડ પર તોલી શકાય નહીં.

PM Narendra Modi participated in the Outreach Session on ‘Strengthening Multilateralism, Economic-Financial Affairs and Artificial Intelligence’, along with BRICS members, partners and outreach invitees, at the 17th BRICS Summit.

In his address, the PM emphasised BRICS as a… pic.twitter.com/B5LvJYEiOJ

— ANI (@ANI) July 6, 2025

વડાપ્રધાન મોદીએ એ પણ ભાર મૂક્યો હતો કે રાજકીય કે વ્યક્તિગત સ્વાર્થ માટે આતંકવાદને મૌન સમર્થન આપવું અથવા અવગણવું કોઈપણ સંજોગોમાં સ્વીકાર્ય ન હોવું જોઈએ. તેમણે કહ્યું હતું કે ભારત મહાત્મા ગાંધી અને ગૌતમ બુદ્ધના માર્ગદર્શન હેઠળ શાંતિનો માર્ગ પસંદ કરવાનું ચાલુ રાખશે. પરિસ્થિતિ ગમે તેટલી મુશ્કેલ હોય, શાંતિ એ માનવતાના કલ્યાણ માટે શ્રેષ્ઠ માર્ગ છે.

ગ્લોબલ સાઉથને યોગ્ય પ્રતિનિધિત્વ આપવાની હિમાયત

પીએમ મોદીએ બ્રિક્સ કોન્ફરન્સમાં વૈશ્વિક સંસ્થાઓમાં વ્યાપક સુધારાની માંગ કરતી વખતે 'ગ્લોબલ સાઉથ' એટલે કે વિકાસશીલ દેશોને યોગ્ય પ્રતિનિધિત્વ આપવાની પણ હિમાયત કરી હતી. તેમણે કહ્યું કે વિકાસ અને સુરક્ષાના વૈશ્વિક મુદ્દાઓ પર આ દેશો સાથે બેવડી નીતિ અપનાવવામાં આવે છે, જેના કારણે વૈશ્વિક વ્યવસ્થા અસંતુલિત થઈ જાય છે.

બ્રિક્સ દેશોએ પહલગામ હુમલાની નિંદા કરી

બ્રિક્સ દેશોએ સંયુક્ત રીતે પહલગામ આતંકવાદી હુમલાની કડક શબ્દોમાં નિંદા કરી હતી. તેમના સંયુક્ત નિવેદનમાં તેઓએ તેને આતંકવાદનું ગુનાહિત અને અક્ષમ્ય કૃત્ય ગણાવ્યું અને દરેક પ્રકારના આતંકવાદ સામે સાથે મળીને લડવાની તેમની પ્રતિબદ્ધતાનો પુનરોચ્ચાર કર્યો હતો. નિવેદનમાં કહેવામાં આવ્યું છે કે અમે 22 એપ્રિલ 2025ના રોજ જમ્મુ અને કાશ્મીરના પહલગામમાં થયેલા આતંકવાદી હુમલાની સખત નિંદા કરીએ છીએ, જેમાં 26 લોકો માર્યા ગયા હતા અને ઘણા ઘાયલ થયા હતા.

આતંકવાદીઓના સમર્થકોને જવાબદાર ઠેરવો

નિવેદનમાં એમ પણ કહેવામાં આવ્યું છે કે આતંકવાદીઓ અને તેમના સમર્થકોને તેમના હેતુ ગમે તે હોય, જવાબદાર ઠેરવવા જોઈએ. બ્રિક્સ દેશોએ સંયુક્ત રાષ્ટ્ર હેઠળ આંતરરાષ્ટ્રીય આતંકવાદ પર વ્યાપક સંમેલનને વહેલા અપનાવવા હાકલ કરી હતી. બ્રિક્સ નેતાઓએ પુનરોચ્ચાર કર્યો કે આતંકવાદનો કોઈ ધર્મ, જાતિ સાથે કોઈ સંબંધ ન હોવો જોઈએ. તેમણે સંયુક્ત રાષ્ટ્ર દ્વારા જાહેર કરાયેલા તમામ આતંકવાદીઓ અને આતંકવાદી સંગઠનો સામે નક્કર આંતરરાષ્ટ્રીય કાર્યવાહી કરવાની અપીલ કરી હતી.