Corona ખતમ નથી થયો, હવે આ નવા વેરિએન્ટે આ દેશને મુકી દીધુ આફતમાં, જાણો સ્થિતિ
UKHSA અનુસાર, યૂકેમાં નોંધાયેલા દર સાતમાંથી એક કેસ આ પ્રકાર સાથે સંબંધિત છે. વૈજ્ઞાનિકોએ નવા પ્રકારનું નામ EG.5.1 રાખ્યું છે.
Covid Variant EG.5.1: દુનિયાભરમાં હજુ પણ કોરોનાનો ખતરો ટળ્યો નથી, આ વાતનો પુરાવો યૂકેમાંથી સામે આવ્યો છે. દુનિયા પર પર કૉવિડનો પડછાયો હજુ ખતમ થયો નથી. 2020માં શરૂ થયેલી આ મહામારી લગભગ ત્રણ વર્ષ પછી પણ ખતમ થવાનું નામ નથી લઈ રહી. સમગ્ર વિશ્વમાં કૉવિડ વાયરસના જુદાજુદા વેરિએન્ટો બહાર આવી રહ્યા છે. આ એપિસૉડમાં બ્રિટનમાં નવા કૉવિડ વેરિઅન્ટના ફેલાવાની માહિતી સામે આવી છે. યૂકે હેલ્થ સિક્યૉરિટી એજન્સી (UKHSA) એ આ અંગે માહિતી આપી છે.
UKHSA અનુસાર, યૂકેમાં નોંધાયેલા દર સાતમાંથી એક કેસ આ પ્રકાર સાથે સંબંધિત છે. વૈજ્ઞાનિકોએ નવા પ્રકારનું નામ EG.5.1 રાખ્યું છે. EG.5.1 વેરિઅન્ટ કૉવિડના ઓમિક્રૉન વેરિઅન્ટમાંથી લેવામાં આવ્યો છે. UKHSA કહે છે કે નવા વેરિઅન્ટના મોટાભાગના કેસો એશિયામાં જોવા મળ્યા છે. EG.5.1 ની નોંધણી 31 જુલાઈના રોજ યૂકેમાં નવા પ્રકાર તરીકે કરવામાં આવી હતી.
બ્રિટનમાં નવા વેરિએન્ટથી વધ્યા કેસો -
સ્કાય ન્યૂઝના અહેવાલ મુજબ, 10 જુલાઈથી શરૂ થતા અઠવાડિયામાં પ્રથમ 9 કેસોમાંના દરેક EG.5.1 વેરિઅન્ટ સાથે જોડાયેલા હતા. નવા ડેટા દર્શાવે છે કે તે યૂકેના કુલ નવા કૉવિડ કેસોમાં 14.6% હિસ્સો ધરાવે છે. તે બ્રિટનમાં ઝડપથી ફેલાતો બીજો સૌથી ખતરનાક પ્રકાર બની ગયો છે. નવો પ્રકાર ઝડપથી ફેલાઈ રહ્યો છે અને તેના કારણે કૉવિડના કેસ વધી રહ્યા છે.
સ્થિતિ પર નજર રાખી રહ્યાં છે અધિકારીઓ -
બ્રિટિશ અધિકારીઓએ કહ્યું છે કે, તેઓ પરિસ્થિતિ પર ચાંપતી નજર રાખી રહ્યા છે. યૂકેએચએસએમાં રસીકરણના વડા ડો. મેરી રામસેએ જણાવ્યું હતું કે: 'અમે તમામ ઉંમરના ખાસ કરીને વૃદ્ધો માટે હૉસ્પીટલમાં પ્રવેશમાં વધારો જોયો છે. તેમને કહ્યું, 'હાલમાં હૉસ્પીટલમાં દાખલ થવાનો દર ઘણો ઓછો છે અને ઘણા લોકો ICUમાં દાખલ નથી. અમે સ્થિતિ પર નજીકથી નજર રાખી રહ્યા છીએ.
WHOની પણ નવા ખતરનાક વેરિએન્ટ પર છે નજર -
વર્લ્ડ હેલ્થ ઓર્ગેનાઈઝેશન (WHO)નું કહેવું છે કે તેણે છેલ્લા બે અઠવાડિયાથી EG.5.1 વેરિઅન્ટનું મૉનિટરિંગ શરૂ કર્યું છે. ડબ્લ્યુએચઓના ડાયરેક્ટર ટેડ્રોસ એડહાનૉમ ઘેબ્રેયેસસે કહ્યું કે રસીના કારણે લોકો સુરક્ષિત હોવા છતાં તેનો અર્થ એ નથી કે કોઈપણ દેશ બેદરકાર રહે. તમામ સરકારોને વિનંતી કરવામાં આવે છે કે તેઓ કોવિડ-19ને લઈને બનાવેલી સિસ્ટમને ખતમ ના કરે.
ટ્રેન્ડિંગ સમાચાર
ટોપ સ્ટોરી
