G-20 Summit: કોવિડ-19 હજુ પણ છે દુનિયા માટે ખતરો, ગુજરાત આવેલા WHOના ચીફના નિવેદનથી ખળભળાટ
G20 Leaders Summit 2023: વર્લ્ડ હેલ્થ ઓર્ગેનાઈઝેશન (WHO) ના મહાનિર્દેશક ડૉ. ટેડ્રોસ અધાનોમ ઘેબ્રેયેસસે કહ્યું કે કોવિડ-19 હવે વિશ્વ માટે સ્વાસ્થ્ય કટોકટી નથી. જો કે, તે હજુ પણ 'વૈશ્વિક સ્વાસ્થ્ય ખતરો' તો છે જ.
G20 Leaders Summit 2023: વર્લ્ડ હેલ્થ ઓર્ગેનાઈઝેશન (WHO) ના મહાનિર્દેશક ડૉ. ટેડ્રોસ અધાનોમ ઘેબ્રેયેસસે કહ્યું કે કોવિડ-19 હવે વિશ્વ માટે સ્વાસ્થ્ય કટોકટી નથી. જો કે, તે હજુ પણ 'વૈશ્વિક સ્વાસ્થ્ય ખતરો' તો છે જ. આ સિવાય કોરોના વાયરસના નવા પ્રકારોની તપાસ પહેલાથી જ ચાલી રહી છે. WHOના વડાએ ગાંધીનગરમાં મહાત્મા મંદિર કન્વેન્શન સેન્ટરમાં યોજાયેલી G-20 સ્વાસ્થ્ય મંત્રીઓની બેઠકમાં આ નિવેદન આપ્યું હતું.
ટ્રેડિશનલ મેડિસિન અંગેની WHO ની સૌપ્રથમ ગ્લોબલ સમિટનું આયોજન ગુજરાતમાં થયું છે તે રાજ્ય માટે ગૌરવની વાત છે. ભારતમાં ઉપનિષદના સમયથી વિશ્વના સર્વજન રોગમુક્ત રહે તેવી ભાવના કરવામાં આવી છે. ભારત પાસે આયુર્વેદની પ્રાચીન આરોગ્ય વિરાસત છે. તેને આગળ વધારીને માનનીય પ્રધાનમંત્રી શ્રી… pic.twitter.com/4vvBBuFqZs
— Bhupendra Patel (@Bhupendrapbjp) August 17, 2023
તેમણે કહ્યું, કોવિડ -19 એ હાલમાં વિશ્વ સ્વાસ્થ્ય કટોકટી નથી, પરંતુ તે હજી પણ ખતરો છે. WHO એ તાજેતરમાં કોરોના વાયરસના નવા વેરિઅન્ટની ઓળખ કરી છે, જેનું સ્વરૂપ ઘણી વખત બદલાયું છે. તેના BA.2.86 વેરિઅન્ટનું હાલમાં નિરીક્ષણ અને પરીક્ષણ કરવામાં આવી રહ્યું છે. આ દર્શાવે છે કે તમામ દેશોએ સતર્ક રહેવાની જરૂર છે.
કોવિડ 19 એ પાઠ ભણાવ્યો
આ પ્રસંગે, તેમણે તમામ દેશોને રોગચાળાના કરારને ઝડપથી અંતિમ સ્વરૂપ આપવા વિનંતી કરી. ઘેબ્રેયસસે કહ્યું,કોવિડ -19 એ આપણને બધાને આ મહત્વપૂર્ણ પાઠ શીખવ્યો છે કે જો આપણું સ્વાસ્થ્ય સારું નહીં હોય તો બધું જોખમમાં છે.
આંતરરાષ્ટ્રીય આરોગ્ય નિયમોમાં સુધારા પર ચર્ચા
WHOના વડાએ કહ્યું કે રોગચાળાના કરાર અને આંતરરાષ્ટ્રીય સ્વાસ્થ્ય નિયમોના સંશોધન પર ચર્ચામાં સારી પ્રગતિ થઈ રહી છે. તેમણે કહ્યું કે સમાવિષ્ટ, સાતત્યપૂર્ણ અને સમાન વૈશ્વિક સ્વાસ્થ્ય સુરક્ષા માળખા માટે કાયદાકીય અને સંગઠનાત્મક માળખાના નિર્માણ માટે બંને જરૂરી છે.
ગાંધીનગરના મહાત્મા મંદિર ખાતે WHO અને આયુષ મંત્રાલય દ્વારા ટ્રેડિશનલ મેડિસિન પરની ગ્લોબલ સમિટનું આયોજન કરવામાં આવ્યું છે, જેના શુભારંભ પ્રસંગે WHO ના માનનીય ડાયરેક્ટર જનરલ ડૉ. ટેડરોસ, માનનીય કેન્દ્રીય આરોગ્ય મંત્રી શ્રી મનસુખભાઈ માંડવિયા, માનનીય કેન્દ્રીય આયુષ મંત્રી શ્રી… pic.twitter.com/r3cn6c9zJC
— Bhupendra Patel (@Bhupendrapbjp) August 17, 2023
WHOના વડાએ ભારતના વખાણ કર્યા
આ પ્રસંગે, WHOના વડાએ પ્રાથમિક આરોગ્ય કેન્દ્ર સ્તરે ટેલીમેડિસિન શરૂ કરવા બદલ ભારતની પ્રશંસા કરી હતી. તેમણે વિશ્વની સૌથી મોટી વીમા યોજના 'આયુષ્માન ભારત' દ્વારા લોકોને સ્વાસ્થ્ય વીમો આપવા બદલ ભારતને અભિનંદન પાઠવ્યા હતા.
ટ્રેન્ડિંગ સમાચાર
ટોપ સ્ટોરી
