ઈરાને US હેલિકોપ્ટર તોડી પાડતા ટ્રમ્પ ભડક્યા: કહ્યું- 'અમે આનો જડબાતોડ જવાબ આપીશું'

Trump Truth Social Iran claim: હોર્મુઝ સ્ટ્રેટમાં ઈરાને અમેરિકાનું અપાચે હેલિકોપ્ટર તોડી પાડ્યું; બંને પાઇલટ સુરક્ષિત, પરંતુ મધ્ય પૂર્વમાં યુદ્ધનું જોખમ વધ્યું.

donald trump iran attack us apache helicopter strait of hormuz updates

Source : Twitter

Show Quick Read

Key points generated by AI, verified by newsroom

• ટ્રમ્પે દાવો કર્યો, ઈરાને અમેરિકી હેલિકોપ્ટર હોર્મુઝ સ્ટ્રેટમાં તોડ્યું.
• હેલિકોપ્ટર પડતા ટ્રમ્પ ગુસ્સે, ઈરાનને આકરો જવાબ આપવાની ચીમકી.
• એક દિવસ પહેલા ટ્રમ્પે ઈઝરાયલને શાંતિ જાળવવા અપીલ કરી.
• નવી ઘટનાથી મધ્ય પૂર્વમાં તણાવની સ્થિતિ વધુ વકરી.

Trump Truth Social Iran claim: મધ્ય પૂર્વમાં (Middle East) યુદ્ધ અને તણાવનું વાતાવરણ શાંત થવાનું નામ નથી લઈ રહ્યું. અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે દાવો કર્યો છે કે ઈરાને હોર્મુઝ સ્ટ્રેટમાં પેટ્રોલિંગ કરી રહેલા એક અમેરિકન અપાચે હેલિકોપ્ટરને તોડી પાડ્યું છે. આ ઘટના બાદ ટ્રમ્પ ભારે ગુસ્સામાં જોવા મળી રહ્યા છે અને તેમણે ઈરાનને ખુલ્લી ચેતવણી આપી છે કે અમેરિકા આ હુમલાનો આકરો જવાબ આપશે. એક દિવસ પહેલા જ ઈઝરાયલને શાંતિ રાખવાની અપીલ કરનાર ટ્રમ્પના આકરા વલણ બાદ પશ્ચિમ એશિયામાં ફરી એકવાર યુદ્ધના વાદળો ઘેરાવા લાગ્યા છે.

હેલિકોપ્ટર પર હુમલાથી ટ્રમ્પ લાલઘૂમ

ડોનાલ્ડ ટ્રમ્પે પોતાના સોશિયલ મીડિયા પ્લેટફોર્મ 'ટ્રુથ સોશિયલ' (Truth Social) પર એક પોસ્ટ કરીને આ ચોંકાવનારો દાવો કર્યો હતો. તેમણે જણાવ્યું કે ગઈકાલે રાત્રે હોર્મુઝ સ્ટ્રેટમાં જ્યારે અમેરિકન અપાચે હેલિકોપ્ટર પેટ્રોલિંગ કરી રહ્યું હતું, ત્યારે ઈરાને તેને નિશાન બનાવીને તોડી પાડ્યું હતું. જોકે, રાહતની વાત એ છે કે હેલિકોપ્ટરમાં સવાર બંને પાઇલટ એકદમ સુરક્ષિત છે. તેમ છતાં, અમેરિકન સૈન્ય પર થયેલા આ સીધા હુમલાથી ટ્રમ્પ લાલઘૂમ છે અને તેમણે સ્પષ્ટ શબ્દોમાં કહ્યું છે કે, "હવે અમે આનો યોગ્ય અને આકરો જવાબ આપીશું."

એક દિવસ પહેલા જ ઈઝરાયલને શાંતિ રાખવા કહ્યું હતું

અત્રે નોંધનીય છે કે, આ ઘટનાના માત્ર એક દિવસ પહેલા જ ડોનાલ્ડ ટ્રમ્પે ઈઝરાયલના વડાપ્રધાન બેન્જામિન નેતન્યાહૂને અપીલ કરી હતી કે તેઓ ઈરાનના મિસાઈલ હુમલાનો વળતો જવાબ ન આપે. ટ્રમ્પે ચેતવણી આપી હતી કે જો ઈઝરાયલ બદલો લેશે, તો છેલ્લા 3 મહિનાથી ચાલી રહેલા સંઘર્ષને ખતમ કરવા માટેની શાંતિ વાટાઘાટો પર પાણી ફરી વળશે. રવિવારે ઈરાને ઈઝરાયલ પર જે મિસાઈલ છોડી હતી, તેમાં કોઈ મોટું નુકસાન ન થયું હોવાથી ટ્રમ્પે નેતન્યાહૂને સંયમ રાખવા અને ઈરાનને ફરીથી વાટાઘાટોના ટેબલ પર લાવવા વિનંતી કરી હતી.

આ પણ વાંચોઃ જમીન પર વિનાશ, આકાશમાં બારૂદ: 24 કલાકમાં જ બદલાયો મધ્ય પૂર્વનો માહોલ, દુનિયામાં ખળભળાટ

"અમેરિકા-ઈરાન વચ્ચેનો કરાર ઈઝરાયલે માનવો પડશે"

ટ્રમ્પે 'ફોક્સ ન્યૂઝ' ને આપેલી મુલાકાતમાં પણ કહ્યું હતું કે, અમેરિકા એક શાંતિ કરારની ખૂબ નજીક છે અને ટૂંક સમયમાં તેને આખરી ઓપ આપવામાં આવી શકે છે. તેમણે 'ફાઇનાન્સિયલ ટાઈમ્સ' ને પણ જણાવ્યું હતું કે અમેરિકા અને ઈરાન વચ્ચે જે પણ કરાર થાય, તે ઈઝરાયલે સ્વીકારવો જ પડશે. આ સાથે જ ટ્રમ્પે લેબનોનની રાજધાની બેરૂત પર ઈઝરાયલે કરેલા હુમલાની આકરી ટીકા પણ કરી હતી. પરંતુ હવે, ઈરાન દ્વારા અમેરિકન હેલિકોપ્ટર તોડી પાડવાની આ નવી ઘટનાથી મધ્ય પૂર્વની સ્થિતિ ફરી અત્યંત નાજુક અને વિસ્ફોટક બની ગઈ છે. કોઈપણ મોટો નિર્ણય આખા વિસ્તારની શાંતિ ડહોળી શકે છે.