કેનેડામાં ભારતીયો અસુરક્ષિત નથી? નવા હાઈ કમિશનરનો મોટો ખુલાસો - 'મને ખુદ સુરક્ષાની જરૂર છે…'
કેનેડા અને ભારતના સંબંધોમાં તાજેતરના સમયમાં તણાવ જોવા મળ્યો છે, ત્યારે કેનેડામાં ભારતના નવા હાઈ કમિશનર દિનેશ કે. પટનાયકે ભારતીય નાગરિકોની સુરક્ષાના મુદ્દે મહત્ત્વના પ્રશ્નો ઉઠાવ્યા છે.
Indian nationals in Canada: કેનેડામાં ભારતીય નાગરિકોની સુરક્ષા અને દેશનિકાલના વધતા આંકડાઓ પર ભારતના નવા હાઈ કમિશનર દિનેશ કે. પટનાયકે ગંભીર પ્રશ્નો ઉઠાવ્યા છે. પટનાયકના મતે, કેનેડામાં ભારતીય નાગરિકો સુરક્ષિત અનુભવતા નથી. તેમણે આશ્ચર્ય વ્યક્ત કર્યું કે તેમને વ્યક્તિગત રીતે સુરક્ષાની જરૂર કેમ લાગે છે, અને આ સમસ્યાને ભારતીય નહીં પણ કેનેડિયન સમસ્યા ગણાવી. રિપોર્ટ્સ અનુસાર, 2024 માં 1,997 ભારતીયોને કેનેડામાંથી દેશનિકાલ કરવામાં આવ્યા હતા, જે 2019 ના 625 ના આંકડા કરતાં ઘણો વધારે છે. કેનેડિયન બોર્ડર સર્વિસીસ એજન્સી (CBSA) ના ડેટા મુજબ, જુલાઈ 2025 સુધીમાં જ 1,891 ભારતીયોને દેશ છોડવા માટે કહેવામાં આવ્યું છે, જે દર્શાવે છે કે આ વર્ષે આ આંકડો વિક્રમી સપાટીએ પહોંચી શકે છે.
નવા હાઈ કમિશનરનો સવાલ: ભારતીય નાગરિકોની સુરક્ષા જોખમમાં?
કેનેડા અને ભારતના સંબંધોમાં તાજેતરના સમયમાં તણાવ જોવા મળ્યો છે, ત્યારે કેનેડામાં ભારતના નવા હાઈ કમિશનર દિનેશ કે. પટનાયકે ભારતીય નાગરિકોની સુરક્ષાના મુદ્દે મહત્ત્વના પ્રશ્નો ઉઠાવ્યા છે. પટનાયકે સ્પષ્ટપણે જણાવ્યું છે કે કેનેડામાં રહેતા ભારતીય નાગરિકો હાલમાં પોતાને સુરક્ષિત અનુભવી રહ્યા નથી.
સૌથી વિચિત્ર બાબત એ છે કે હાઈ કમિશનરે પોતે જણાવ્યું કે તેમને અહીં વ્યક્તિગત રીતે સુરક્ષાની જરૂર હોય તેવું લાગે છે. તેમણે આ પરિસ્થિતિ માટે જવાબદાર કેનેડિયન તત્ત્વો સામે સવાલ ઉઠાવ્યો અને ભારપૂર્વક જણાવ્યું કે આ કોઈ ભારતીય સમસ્યા નથી, પરંતુ આ કેનેડિયન સમસ્યા છે. તેમણે કોઈ ખાલિસ્તાની આતંકવાદી જૂથનું નામ લીધા વિના કહ્યું કે વ્યક્તિઓનું એક જૂથ ખરેખર ભયનું વાતાવરણ ઊભું કરી રહ્યું છે, જેના કારણે ભારત-કેનેડા સંબંધો પર નકારાત્મક અસર પડી રહી છે.
કેનેડામાંથી ભારતીયોના દેશનિકાલના આંકડાઓમાં વિક્રમી વધારો
એક તરફ જ્યાં સુરક્ષાના સવાલો ઉઠી રહ્યા છે, ત્યાં બીજી તરફ કેનેડામાંથી મોટી સંખ્યામાં ભારતીયોને દેશનિકાલ કરવામાં આવી રહ્યા હોવાના અહેવાલો સામે આવ્યા છે. કેનેડિયન બોર્ડર સર્વિસીસ એજન્સી (CBSA) ના ડેટા આંકડાઓની ગંભીરતા દર્શાવે છે:
- 2019 માં 625 ભારતીયોને કેનેડામાંથી દેશનિકાલ કરવામાં આવ્યા હતા.
- 2024 માં આ આંકડો વધીને 1,997 ભારતીયોનો થયો હતો.
વધતા ઇમિગ્રેશન વિરોધી પગલાંના સંકેતરૂપે, જુલાઈ 2025 સુધીમાં જ 1,891 ભારતીયોને દેશ છોડવા માટે કહેવામાં આવ્યું છે. આ આંકડો સ્પષ્ટપણે સૂચવે છે કે આ વર્ષે દેશનિકાલની કુલ સંખ્યા પાછલા વર્ષના આંકડાને પણ વટાવી જશે. નિષ્ણાતો માને છે કે કેનેડા હવે તેના ઇમિગ્રેશન નીતિમાં યુનાઇટેડ સ્ટેટ્સ નું અનુકરણ કરી રહ્યું છે.
તાજેતરમાં જ, કેનેડાના વડા પ્રધાન માર્ક કાર્નેએ પણ દેશમાંથી વિદેશી ગુનેગારોને દેશનિકાલ કરવાની પ્રક્રિયાને ઝડપી બનાવવાની યોજના જાહેર કરી હતી. ઉલ્લેખનીય છે કે ઓગસ્ટ મહિનામાં જ ભારત અને કેનેડાએ દિનેશ પટનાયક અને ક્રિસ્ટોફરને એકબીજાના દેશમાં હાઈ કમિશનર તરીકે નિયુક્ત કર્યા હતા.
Before You Go
Gujarat Government: રાજ્યના ખેડૂતો માટે સરકારનો મહત્વનો નિર્ણય
ટોપ સ્ટોરી
ટ્રેન્ડિંગ સમાચાર
