Iran Attack On Israel: 'અમને ચિંતા છે કે.......', ઇઝરાયેલ પર ઇરાનના હુમલા પર આવ્યુ ભારતનું રિએક્શન, જાણો શું કહ્યું ?

સીરિયાના દમાસ્કસમાં ઈરાનના કૉન્સ્યૂલેટ ઈમારત પર થયેલા હુમલા બાદ તહેરાને બદલો લેવાનું વચન આપ્યું હતું

(તસવીર- એબીપી અસ્મિતા ન્યૂઝ)

Iran Attacked On Israel: ઈરાનના ઈઝરાયેલ પર હુમલા બાદ દુનિયાભરમાંથી રિએક્શન્સ સામે આવી રહ્યાં છે. આ ક્રમમાં ભારતે પણ આ હુમલા અંગે ચિંતા વ્યક્ત કરી છે. વિદેશ મંત્રાલયે એક નિવેદન જાહેર કરીને આ હુમલા અંગે તેમજ ભારતીય નાગરિકો માટે ચિંતા વ્યક્ત કરી છે.

એક નિવેદન જાહેર કરીને ભારતે કહ્યું, "અમે ઇઝરાયેલ અને ઈરાન વચ્ચે વધી રહેલી દુશ્મનાવટથી ગંભીરતાથી ચિંતિત છીએ, જે આ ક્ષેત્રમાં શાંતિ અને સુરક્ષાને જોખમમાં મૂકે છે. અમે તાત્કાલિક ડી-એસ્કેલેશન, સંયમ, હિંસામાંથી ખસી જવા અને રાજદ્વારીને પરત કરવા માટે આહ્વાન કરીએ છીએ. વિદેશ મંત્રાલયે વધુમાં જણાવ્યું હતું કે, "મંત્રાલય વિકસતી પરિસ્થિતિ પર નજીકથી નજર રાખી રહ્યું છે. આ ક્ષેત્રમાં અમારા દૂતાવાસો ભારતીય સમુદાયના નજીકના સંપર્કમાં છે. તે મહત્વનું છે કે આ ક્ષેત્રમાં સુરક્ષા અને સ્થિરતા જળવાઈ રહે."

જવાબી કાર્યવાહીમાં ઇરાને કર્યો ઇઝરાયેલ પર હુમલો 
સીરિયાના દમાસ્કસમાં ઈરાનના કૉન્સ્યૂલેટ ઈમારત પર થયેલા હુમલા બાદ તહેરાને બદલો લેવાનું વચન આપ્યું હતું. જવાબમાં તેણે તેલ અવીવ પર ડ્રોન અને મિસાઈલથી હુમલો કર્યો. ઈઝરાયેલના સૈન્ય અધિકારીઓના જણાવ્યા અનુસાર ઈરાને 100થી વધુ ડ્રોન અને મિસાઈલ છોડી છે.

ઇઝરાયેલી સૈન્યએ જણાવ્યું હતું કે, "ઇઝરાયલી પ્રદેશ તરફ જતી ડઝનેક સપાટીથી સપાટી પરની મિસાઇલોની ઓળખ કરવામાં આવી હતી. તેમાંથી મોટા ભાગનાને વિસ્તાર પાર કરતા પહેલા રોકી દેવામાં આવ્યા હતા. "સૈનિકો તમામ મોરચે તૈનાત છે, તૈયાર છે અને તેમના પ્રદેશનું રક્ષણ કરવાનું ચાલુ રાખે છે."

1 એપ્રિલે દમાસ્કસમાં ઈરાની કૉન્સ્યૂલેટ પર થયેલા હુમલા બાદ પશ્ચિમ એશિયામાં તણાવ વધી ગયો છે. ઈરાની મીડિયાએ અહેવાલ આપ્યો છે કે હુમલામાં બે જનરલ સહિત સાત રિવૉલ્યૂશનરી ગાર્ડના જવાનો માર્યા ગયા હતા. ઈરાને આ હુમલાનો બદલો લેવાનું વચન આપ્યું હતું. શુક્રવારે અમેરિકી રાષ્ટ્રપતિ જો બિડેને ઈરાનને ઈઝરાયેલ પર હુમલો કરવા સામે ચેતવણી આપી હતી. ભારતે શુક્રવારે એક એડવાઈઝરી જાહેર કરીને તેના નાગરિકોને ઈરાન અને ઈઝરાયેલની યાત્રા ન કરવાની સલાહ આપી હતી.

ઇરાને અમેરિકાને આપી ચેતાવણી 
વળી, સંયુક્ત રાષ્ટ્રમાં ઈરાની મિશનએ અમેરિકાને આ બાબતથી દૂર રહેવાની ચેતવણી આપતા કહ્યું કે, "જો ઈઝરાયેલ શાસન બીજી ભૂલ કરશે તો ઈરાનની પ્રતિક્રિયા ખૂબ જ ગંભીર હશે." કહેવામાં આવ્યું હતું કે હવે આ બાબતને બંધ કરી દેવી જોઈએ.