Israel Iran Conflict: ઇઝરાયલે અરાક હેવી વોટર રિએક્ટર પર કર્યો હુમલો તો ઈરાને હોસ્પિટલ પર છોડી મિસાઈલ, US આવ્યું એક્શનમાં
Israel Iran Conflict: ઇરાન અને ઇઝરાયલ વચ્ચે ચાલી રહેલા યુદ્ધે ખતરનાક વળાંક લીધો છે. એક અહેવાલ મુજબ, હવે અમેરિકાએ પણ ઇરાન પર હુમલો કરવાની યોજના બનાવી છે.
Israel Iran Conflict: ઇઝરાયલે ઇરાનમાં અરાક હેવી વોટર રિએક્ટર પર હુમલો કર્યો છે. હુમલાથી થયેલા નુકસાન વિશે કોઈ માહિતી નથી. થોડા કલાકો પહેલા, ઇઝરાયલી સેના (IDF) એ અરાક અને ખોંડુબ શહેરના લોકોને વિસ્તાર ખાલી કરવાની ચેતવણી આપી હતી.
અરાકમાં એક હેવી વોટર રિએક્ટર છે. આ સુવિધા ઈરાનના પરમાણુ કાર્યક્રમનો એક મહત્વપૂર્ણ ભાગ છે. આ સાથે, અરાકમાં મોટા પાયે શસ્ત્રોનું ઉત્પાદન થાય છે. ઈઝરાયલે ખોંદાબ પર હુમલાની ચેતવણી પણ આપી છે. ખોંદાબમાં IR-40 હેવી વોટર રિએક્ટર પણ છે, જે ઈરાનના પરમાણુ કાર્યક્રમનો બીજો મહત્વપૂર્ણ ભાગ છે. આ ફેસિલીટી અરાકથી લગભગ 40 કિલોમીટર દૂર છે. અરાકની જેમ, તેને પણ આંતરરાષ્ટ્રીય દેખરેખ હેઠળ રાખવામાં આવે છે.
ઈરાન અને ઇઝરાયલ વચ્ચે યુદ્ધ તેના સાતમા દિવસે પહોંચી ગયું છે. અત્યાર સુધીમાં 24 ઇઝરાયલીઓ માર્યા ગયા છે. તે જ સમયે, વોશિંગ્ટન સ્થિત માનવાધિકાર જૂથે દાવો કર્યો છે કે ઈરાનમાં મૃત્યુઆંક હવે 639 પર પહોંચી ગયો છે અને 1329 લોકો ઘાયલ થયા છે.
ઇઝરાયલે ખામેનીના નિવાસસ્થાન પર બોમ્બ ફેંક્યા
ઇઝરાયલી વાયુસેનાએ તેહરાનના લાવિઝાન વિસ્તારમાં હવાઈ હુમલા કર્યા છે. તેને ઈરાનના સર્વોચ્ચ નેતા આયાતુલ્લાહ અલી ખામેનીના ગુપ્ત ઠેકાણા માનવામાં આવે છે. ખામેનીના નિવેદન પછી તરત જ ઇઝરાયલે આ હુમલો કર્યો હતો.
ઈરાને ઈઝરાયલ પર ડ્રોન હુમલો કર્યો
ઈરાને ફરી એકવાર ડ્રોનથી ઈઝરાયલ પર હુમલો કરવાનો પ્રયાસ કર્યો. ઈઝરાયલ વાયુસેનાએ જણાવ્યું કે બપોરે લગભગ 2.20 વાગ્યે એક ડ્રોનને તોડી પાડવામાં આવ્યું. તે ઈરાનથી આવ્યું હતું.
ઈરાને ઈઝરાયલ પર સેજિલ મિસાઈલ છોડી
ઈરાને દાવો કર્યો છે કે તેણે પહેલીવાર ઈઝરાયલ પર સેજિલ મિસાઈલ છોડી છે. ઈરાને ઈઝરાયલ પરના હુમલામાં 2,000 કિમીની રેન્જ ધરાવતી સેજિલ મિસાઈલનો ઉપયોગ કર્યો છે. ઈરાનમાં છેલ્લા 12 કલાકથી ઈન્ટરનેટ સંપૂર્ણપણે બંધ છે. ઈઝરાયલે ઈરાન પર સાયબર હુમલો પણ કર્યો હતો. જેના કારણે ઈન્ટરનેટ બંધ કરવામાં આવ્યું છે.
ઈરાને હોસ્પિટલ પર બેલિસ્ટિક મિસાઈલથી હુમલો કર્યો
ઈરાને ઈઝરાયલની સોરોકા હોસ્પિટલ પર બેલિસ્ટિક મિસાઈલથી હુમલો કર્યો છે. મિસાઈલ હુમલાથી હોસ્પિટલ અને તેની આસપાસના વિસ્તારોમાં ભારે વિનાશ થયો છે.
ઈરાને કહ્યું- ઈઝરાયલી ગુપ્તચર મુખ્યાલયને નિશાન બનાવ્યું
ઈરાની સમાચાર એજન્સી IRNA એ જણાવ્યું હતું કે સવારના બોમ્બ ધડાકામાં ઈરાનનો ઉદ્દેશ્ય IDF ગુપ્તચર મુખ્યાલય અને સોરોકા હોસ્પિટલ નજીકના બેઝને નિશાન બનાવવાનો હતો.
ટોપ સ્ટોરી
ટ્રેન્ડિંગ સમાચાર
