Plane Crash: મોટી પ્લેન દુર્ઘટના, ટોરંટો એરપોર્ટ પર લેન્ડિંગ સમયે પલટી ગયું પ્લેન, અનેક લોકો ઇજાગ્રસ્ત
Delta Airlines Plane Crash: ટોરોન્ટો પિયર્સનમાં લેન્ડિંગ દરમિયાન વિમાને નિયંત્રણ ગુમાવ્યું અને પલટી ગયું. ઈમરજન્સી ટીમ તાત્કાલિક ઘટનાસ્થળે પહોંચી ગઈ હતી અને તમામ મુસાફરોને વિમાનમાંથી સુરક્ષિત રીતે બહાર કાઢવામાં આવ્યા હતા.
Delta Airlines Plane Crash: ડેલ્ટા એરલાઈન્સની ફ્લાઈટ નંબર 4819 ક્રેશ થઈ ગઈ. આ ફ્લાઈટ મિનેપોલિસ-સેન્ટ પોલ એરપોર્ટથી ટોરોન્ટો પીયર્સન ઈન્ટરનેશનલ એરપોર્ટ જઈ રહી હતી. જોકે, ટોરોન્ટો પીયર્સન એરપોર્ટ પર ઉતરતી વખતે તે અકસ્માતનો ભોગ બન્યો હતો. વિમાનમાં 76 મુસાફરો અને 4 ક્રૂ મેમ્બર સહિત 80 લોકો સવાર હતા. વિમાનમાંથી તમામ મુસાફરોને સુરક્ષિત રીતે બહાર કાઢવામાં આવ્યા હતા, પરંતુ આ દુર્ઘટનામાં ઘણા લોકો ઘાયલ થયા હતા.
ઈન્ડિયન એક્સપ્રેસના અહેવાલ મુજબ, આ એરક્રાફ્ટ, જે ડેલ્ટા બ્રાન્ડ હેઠળ એન્ડેવર એર દ્વારા સંચાલિત હતું. જોકે, ટોરોન્ટો પિયર્સનમાં લેન્ડિંગ દરમિયાન વિમાને નિયંત્રણ ગુમાવ્યું અને પલટી ગયું. ઈમરજન્સી ટીમ તાત્કાલિક ઘટનાસ્થળે પહોંચી ગઈ હતી અને તમામ મુસાફરોને વિમાનમાંથી સુરક્ષિત રીતે બહાર કાઢવામાં આવ્યા હતા.
અકસ્માતમાં 15 લોકો ઘાયલ થયા છે
તમામ મુસાફરોને સુરક્ષિત બહાર કાઢવામાં આવ્યા હતા, પરંતુ અકસ્માતમાં 15 લોકો ઘાયલ થયા હતા. ઘાયલોમાં એક બાળક અને બે ગંભીર રીતે ઘાયલ લોકોનો સમાવેશ થાય છે. એક 60 વર્ષીય વ્યક્તિને ગંભીર ઈજાઓ સાથે ટોરોન્ટોની સેન્ટ માઈકલ હોસ્પિટલમાં લઈ જવામાં આવ્યો હતો, જ્યારે અન્ય વ્યક્તિને સનીબ્રૂક હેલ્થ સાયન્સ સેન્ટરમાં ટ્રાન્સફર કરવામાં આવ્યો હતો.
Toronto Pearson is aware of an incident upon landing involving a Delta Airlines plane arriving from Minneapolis. Emergency teams are responding. All passengers and crew are accounted for.
— Toronto Pearson (@TorontoPearson) February 17, 2025
બચાવ કામગીરી
ટોરોન્ટો પીયર્સન એરપોર્ટ પર બચાવ કામગીરી શરૂ કરવામાં આવી છે. આ સમય દરમિયાન ફાયર ફાયટર, પેરામેડિકલ અને બચાવ કર્મચારીઓ ઘટનાસ્થળે પહોંચી ગયા હતા અને બચાવ કાર્ય શરૂ કર્યું હતું. પીયર્સન એરપોર્ટે સોશિયલ મીડિયા પ્લેટફોર્મ X (અગાઉ ટ્વિટર) પર એક નિવેદન બહાર પાડી અકસ્માતની પુષ્ટિ કરી અને સામાન્ય લોકોને પરિસ્થિતિ વિશે માહિતી આપી. નિવેદનમાં કહેવામાં આવ્યું છે કે, "તમામ મુસાફરો અને ક્રૂ વિશેની માહિતી એકત્રિત કરવામાં આવી છે, જે દર્શાવે છે કે અકસ્માત ગંભીર હોવા છતાં, પરિસ્થિતિ નિયંત્રણમાં છે."
ટોપ સ્ટોરી
ટ્રેન્ડિંગ સમાચાર
