Sunita Williams: ગુડ ન્યૂઝ! મસ્કનું અવકાશયાન પહોંચ્યું સ્પેસ સ્ટેશને, સાથી સભ્યોને જોઈ અંતરીક્ષમાં ઝુમી ઉઠી સુનિતા વિલિયમ્સ
Sunita Williams: એલોન મસ્કની કંપની સ્પેસએક્સનું અવકાશયાન ડ્રેગન લગભગ 28 કલાક પછી આંતરરાષ્ટ્રીય અવકાશ મથક પર પહોંચ્યું છે.
Sunita Williams: એલોન મસ્કની કંપની સ્પેસએક્સનું અવકાશયાન ડ્રેગન લગભગ 28 કલાક પછી આંતરરાષ્ટ્રીય અવકાશ મથક પર પહોંચ્યું છે. આજે, 16 માર્ચના રોજ, તે ભારતીય સમય મુજબ સવારે 9:40 વાગ્યે તેણે ડોકિંગ કરી અને 11:05 વાગ્યે હેચ ખુલ્યું. આ અવકાશયાન ભારતીય મૂળના અમેરિકન અવકાશયાત્રીઓ સુનિતા વિલિયમ્સ અને બુચ વિલ્મોરને પૃથ્વી પર પાછા લાવશે, જેઓ 9 મહિનાથી અવકાશ મથકમાં ફસાયેલા છે.
#WATCH | Stranded for 9 months at International Space Station (ISS), astronauts Butch Wilmore and Sunita Williams to return to earth
— ANI (@ANI) March 16, 2025
A SpaceX rocket carrying a new crew has docked at the International Space Station (ISS) as part of a plan to bring astronauts home. The astronauts… pic.twitter.com/rb38BeCEQ6
ચાર સભ્યોની ક્રૂ-10 ટીમે શનિવારે ભારતીય સમય મુજબ સવારે 4:30 વાગ્યે સ્પેસએક્સના ફાલ્કન 9 રોકેટ પર ઉડાન ભરી હતી. તેને કેનેડી સ્પેસ સેન્ટરથી લોન્ચ કરવામાં આવ્યું હતું. ક્રૂ-10 અવકાશ મથક પર પહોંચ્યા પછી, ક્રૂ-9 અવકાશયાત્રીઓ નિક હેગ, સુનિતા વિલિયમ્સ, બુચ વિલ્મોર અને એલેક્ઝાન્ડર ગોર્બુનોવ ડ્રેગન અવકાશયાનમાં પૃથ્વી પર પાછા ફરશે. આ ચાર અવકાશયાત્રીઓ 19 માર્ચે અવકાશ મથકથી પૃથ્વી પર પાછા ફરી શકે છે.
બોઇંગના સ્ટારલાઇનરમાં ખામી, 8 દિવસની મુસાફરી 9 મહિનાની બની
સુનિતા વિલિયમ્સ અને બુચ વિલ્મોર 5 જૂન, 2024ના રોજ બોઇંગના સ્ટારલાઇનર અવકાશયાનમાં બેસીને અવકાશ મથક ગયા હતા. આ 8 દિવસનું મિશન હતું, પરંતુ ટેકનિકલ ખામીને કારણે તે પૂર્ણ થઈ શક્યું નહીં. અવકાશયાન સ્પેસ સ્ટેશનથી ક્રૂ વિના રવાના થયું હતું. હવે આ અવકાશયાત્રીઓને ત્યાં ફસાયાને લગભગ 9 મહિના થઈ ગયા છે.
સુનિતા અને વિલ્મોરને અવકાશ મથક પર કેમ મોકલવામાં આવ્યા?
સુનિતા અને બુચ વિલ્મોર બોઇંગ અને નાસાના સંયુક્ત 'ક્રૂ ફ્લાઇટ ટેસ્ટ મિશન' પર ગયા હતા. આમાં, સુનિતા અવકાશયાનની પાયલોટ હતી. તેમની સાથે આવેલા બુચ વિલ્મોર આ મિશનના કમાન્ડર હતા. તે બંને આંતરરાષ્ટ્રીય અવકાશ મથક (ISS) માં 8 દિવસ રહ્યા પછી પૃથ્વી પર પાછા ફરવાના હતા.
લોન્ચ સમયે, બોઇંગ ડિફેન્સ, સ્પેસ એન્ડ સિક્યુરિટીના પ્રમુખ અને સીઈઓ ટેડ કોલ્બર્ટે તેને અવકાશ સંશોધનના નવા યુગની શાનદાર શરૂઆત ગણાવી. આ મિશનનો મુખ્ય ઉદ્દેશ્ય અવકાશયાનની અવકાશયાત્રીઓને અવકાશ મથક સુધી લઈ જવા અને ત્યાંથી પાછા ફરવાની ક્ષમતા સાબિત કરવાનો હતો.
ટોપ સ્ટોરી
ટ્રેન્ડિંગ સમાચાર
