Pakistan Political Crisis :PM ઇમરાન ખાનથી સેના કેમ છે નારાજ? જાણો પાકિસ્તાનની સ્થિતિ પર ભારત કેમ છે ચિંતિત

એક તરફ જ્યાં ઈમરાન પાકિસ્તાનમાં પોતાની સરકાર બચાવવાના તમામ પ્રયાસો કરી રહ્યા છે તો બીજી તરફ ભારતને ચિંતા સતાવી રહી છે કે,સત્તા ફરી સેનાના હાથમાં જશે

ઇમરાન ખાન

Pakistan Political Crisis :એક તરફ જ્યાં ઈમરાન પાકિસ્તાનમાં પોતાની સરકાર બચાવવાના તમામ પ્રયાસો કરી રહ્યા છે તો બીજી તરફ ભારતને ચિંતા સતાવી રહી છે કે,સત્તા ફરી સેનાના હાથમાં જશે

પાકિસ્તાનમાં રાજકીય સંકટ વધુ ઘેરાયેલું છે. વિપક્ષી સાંસદોએ વડાપ્રધાન ઈમરાન ખાન વિરુદ્ધ મોરચો ખોલ્યો છે અને 25 માર્ચે પાકિસ્તાનની સંસદ નેશનલ એસેમ્બલી તેમની વિરુદ્ધ અવિશ્વાસ પ્રસ્તાવ પર મતદાન કરશે. બીજી તરફ પાકિસ્તાનમાં જ્યારે પણ સરકાર અને સેના વચ્ચે સંઘર્ષ થયો છે ત્યારે સેનાએ સરકારને ઘેરી લીધી છે. તેથી જો વિવાદ લંબાય તો તે ઈમરાન અને લોકશાહી સરકારના હિતમાં નથી

ઑક્ટોબર 2021 માં, પાકિસ્તાનની ગુપ્તચર એજન્સી ઇન્ટર-સર્વિસિસ ઇન્ટેલિજન્સ (ISI) ના વડા લેફ્ટનન્ટ જનરલ ફૈઝ હમીદને દૂર કરવામાં આવ્યા હતા. તે સમયે પીએમ ઈમરાન ખાન જનરલ ફૈઝ હમીદને હટાવવાના પક્ષમાં ન હતા. ઈમરાનના ઘણા નિર્ણયોમાં ફૈઝ હમીદ સામેલ હતો. બીજી તરફ એવું માનવામાં આવે છે કે પાકિસ્તાનના પીએમ ઈમરાન ખાન ફૈઝ હમીદની નજીક હતા, જનરલ બાજવાને આ નિકટતા પસંદ ન હતી અને બાજવાએ નદીમ અંજુમને ISIના DG બનાવ્યા હતા. ત્યારથી ઈમરાન અને સેના વચ્ચે અંતર વધી ગયું હતું.

વિપક્ષના આરોપ

વિપક્ષે પણ ઈમરાન ખાન પર ઘણા આરોપો લગાવ્યા છે. વિપક્ષનું માનવું છે કે, ઈમરાનની સરકારે છેલ્લા 4 વર્ષમાં પાકિસ્તાનને નબળું પાડ્યું છે. તેમના કાર્યકાળ દરમિયાન પાકિસ્તાન પર ભારે આર્થિક સંકટ હતું, મોંઘવારી અને બેરોજગારીના કારણે પાકિસ્તાની લોકો પરેશાન છે. વિપક્ષનું માનવું છે કે, ઈમરાને વિદેશમાંથી અબજો રૂપિયાની લોન લીધી છે. લોનના બદલામાં 22 કરોડ લોકો ગીરવે મુકાયા હતા.

ભારત કેમ ચિંતિત

એક તરફ જ્યાં ઈમરાન પાકિસ્તાનમાં પોતાની સરકાર બચાવવાના તમામ પ્રયાસો કરી રહ્યા છે તો બીજી તરફ ભારતને ચિંતા સતાવી રહી છે કે જો સત્તા ફરી સેનાના હાથમાં જશે. પાકિસ્તાનમાં અત્યાચાર બદલાવાથી કાશ્મીરમાં આતંક વધવાની શક્યતાઓ પણ વધી જાય છે. આ સિવાય ભારત ચિંતિત  કે શું પાકિસ્તાનમાં અરાજકતા રહેશે. દેશમાં બળવો કટ્ટરવાદીઓને પણ પ્રોત્સાહન આપી શકે છે. આ બધા સિવાય ભારત ચિંતિત આ કારણે પણ છે કે,  ભારતના પાડોશી દેશ પાકિસ્તાનમાંપણ  અફઘાનિસ્તાન જેવી  તો સ્થિતિ નહીં સર્જાશે તો?

જો પાકિસ્તાનમાં ઈમરાન ખાનને સત્તા પરથી હટાવવામાં આવશે તો સત્તા બાજવા ચલાવશે. બીજી તરફ ઈમરાન ચાલુ રહેશે તો સેના સાથે સરકારના સંબંધો બગડશે. આ બધાની વચ્ચે એવી પણ શક્યતા છે કે જો PM ઈમરાન હારી જાય છે તો બિલાવલ ભુટ્ટો PM પદના દાવેદાર બની શકે છે. બીજી તરફ ઈમરાન હારી જાય તો નવાઝ શરીફ પણ રેસમાં આવી શકે છે.