'હમણાં જ સેના મોકલીને બાંગ્લાદેશના બે ટુકડા કરાવી દો, એક હિંદુઓનો બીજો મુસ્લિમોનો', પાકિસ્તાની ચેનલ પર PM મોદીને કોણે કરી અપીલ

Real Entertainment Viral Video: નાઝિયા ઈલાહી ખાને અમેરિકાના પૂર્વ રાષ્ટ્રપતિ ડોનાલ્ડ ટ્રમ્પના એ ટ્વીટનો ઉલ્લેખ કર્યો જેમાં તેમણે બાંગ્લાદેશમાં હિંદુ સમુદાયની સુરક્ષાને લઈને ચિંતા વ્યક્ત કરી હતી.

બાંગ્લાદેશને બે ભાગમાં વહેંચવાની માંગ

Source : twitter

Divide Bangladesh in Two Parts: પાકિસ્તાની યુટ્યુબર શોએબ ચૌધરી વારંવાર ભારત સંબંધિત મુદ્દાઓ પર પોતાના યુટ્યુબ ચેનલ રિયલ એન્ટરટેઈનમેન્ટ પર વિડિઓ બનાવે છે. આ દરમિયાન તેઓ ઘણા ભારતીયોને મહેમાન તરીકે પણ બોલાવે છે. આ શ્રેણીમાં તેમણે નાઝિયા ઈલાહી ખાનને પોતાની ચેનલ પર દિવાળી અને અન્ય મુદ્દાઓ પર વાત કરવા બોલાવ્યા. વાતચીત દરમિયાન નાઝિયાએ જે કહ્યું તેનો વિડિઓ ઝડપથી વાયરલ થઈ રહ્યો છે.

નાઝિયા ઈલાહી ખાને શું કહ્યું

નાઝિયા ઈલાહી ખાને કહ્યું, "ટ્રમ્પે હિંદુઓ પર થઈ રહેલા અત્યાચાર અંગે જે રીતે કડક શબ્દોનો ઉપયોગ કર્યો છે તે જોવું મહત્વપૂર્ણ છે. હવે વડાપ્રધાન મોદીજીએ પગલું લેવું જોઈએ અને બાંગ્લાદેશના બે ટુકડા કરી દેવા જોઈએ, જેમાં એક બાંગ્લાદેશ મુસ્લિમોનું રહે અને એક હિંદુઓનું હોય, જ્યાં ભારતીય સેના જાય અને હિંદુઓનો જીવ બચાવે. આ સૌથી શ્રેષ્ઠ પગલું હશે."

ડોનાલ્ડ ટ્રમ્પે શું કહ્યું હતું

અમેરિકામાં 5 નવેમ્બરે અમેરિકી રાષ્ટ્રપતિની ચૂંટણી છે. આ વખતે ડેમોક્રેટિક પાર્ટીથી કમલા હેરિસ અને રિપબ્લિકન પાર્ટીથી ડોનાલ્ડ ટ્રમ્પ વચ્ચે ટક્કર છે પરંતુ, ચૂંટણીના 4 દિવસ પહેલા ત્યાંની રાજનીતિમાં હિંદુ મુખ્ય એજન્ડા બની ગયો છે. દિવાળીના દિવસે સોશિયલ મીડિયા પોસ્ટ દ્વારા ભારતીયોને શુભેચ્છા પાઠવતા ડોનાલ્ડ ટ્રમ્પે બાંગ્લાદેશમાં હિંદુઓ વિરુદ્ધ થયેલા અત્યાચારની નિંદા કરી છે.

ડોનાલ્ડ ટ્રમ્પે કહ્યું કે, બાંગ્લાદેશમાં ટોળાએ હિંદુઓ અને અન્ય લઘુમતીઓ પર હુમલો કર્યો. તેમણે પોતાની પોસ્ટમાં લખ્યું કે જ્યારે તેઓ અમેરિકાના રાષ્ટ્રપતિ હતા ત્યારે દુનિયામાં આવું ક્યાંય નહોતું થયું. ડોનાલ્ડ ટ્રમ્પે આરોપ લગાવ્યો કે, ડેમોક્રેટિક પાર્ટીના ઉમેદવાર કમલા હેરિસ અને અમેરિકાના રાષ્ટ્રપતિ જો બાઇડેને અમેરિકામાં હિંદુઓની ઉપેક્ષા કરી છે. ટ્રમ્પે કહ્યું કે, તેઓ કટ્ટરપંથી ડાબેરીઓના ધર્મ વિરોધી એજન્ડાની વિરુદ્ધ છે.

ટ્રમ્પે કહ્યું, 'અમે હિન્દુ અમેરિકનોને કટ્ટરપંથી ડાબેરીઓના ધર્મ વિરોધી એજન્ડાથી પણ બચાવીશું. અમે તમારી આઝાદી માટે લડીશું. મારા વહીવટ હેઠળ, અમે ભારત અને મારા સારા મિત્ર વડા પ્રધાન (નરેન્દ્ર) મોદી સાથે અમારી મહાન ભાગીદારીને પણ મજબૂત કરીશું. 'હિંદુસ ફોર અમેરિકા ફર્સ્ટ'ના સ્થાપક અને પ્રમુખ ઉત્સવ સંદુજાએ પીટીઆઈને આપેલા ઈન્ટરવ્યુમાં કહ્યું કે તેઓ પૂર્વ રાષ્ટ્રપતિ ટ્રમ્પના ખૂબ આભારી છે.

આ પણ વાંચોઃ