Mexican Drug Lord: મેક્સિકોમાં ડ્રગ્સ માફિયા El Mencho ઠાર મરાયો, અનેક રાજ્યોમાં ભડકી હિંસા

Mexican Drug Lord: El Menchoના મૃત્યુના સમાચારથી અનેક રાજ્યોમાં હિંસા ફાટી નીકળી હતી

El Menchoના મૃત્યુના સમાચારથી અનેક રાજ્યોમાં હિંસા ફાટી નીકળી હતી

Source : SOCIAL MEDIA

Mexican Drug Lord:  મેક્સિકોના સૌથી પ્રખ્યાત ડ્રગ તસ્કરમાંના એક નેમેસિયો રૂબેન ઓસેગેરા સર્વોંતેસનું મોત થયું છે, જે અલ મેંચોના નામથી ઓળખાતો હતો. મેક્સિકોના સંરક્ષણ મંત્રાલયે જણાવ્યું હતું કે તે પશ્ચિમી રાજ્ય જલિસ્કોમાં એક લશ્કરી કાર્યવાહીમાં ઘાયલ થયો હતો. તેને એર એમ્બ્યુલન્સ મારફતે મેક્સિકો સિટી લઈ જવામાં આવી રહ્યો હતો, પરંતુ રસ્તામાં જ તેનું મૃત્યુ થયું હતું.

Mexico kills powerful drug lord Nemesio "El Mencho" Oseguera.

Gunmen retaliating for the raid blocked more than 20 roads in western Jalisco state, which includes Tapalpa, with burning cars and truckshttps://t.co/Qh0ca2t690 pic.twitter.com/ooTNslFar4

— AFP News Agency (@AFP) February 23, 2026

રોયટર્સેના એક રિપોર્ટ અનુસાર, અલ મેંચોના મૃત્યુના સમાચારથી અનેક રાજ્યોમાં હિંસા ફાટી નીકળી હતી. જલિસ્કો સહિત અનેક શહેરોમાં વાહનોમાં આગ ચાંપવામાં આવી હતી. હથિયારો લઈને અનેક લોકોએ રસ્તાઓ બ્લોક કરી દીધા હતા. સોશિયલ મીડિયા પર ફરતા વીડિયોમાં જલિસ્કોના પ્યુઅર્ટો વલ્લર્તામાં ધુમાડો અને નાસભાગ જોવા મળી હતી. ગ્વાડલાહારામાં પણ રસ્તાઓ પર સળગતા વાહનો પણ જોવા મળ્યા હતા. જલિસ્કોના ગવર્નર પાબ્લો લેમુસ નવારોએ લોકોને ઘરની અંદર રહેવાની અપીલ કરી હતી.

CJNGનો સરગના હતો અલ મેંચો 

અલ મેંચો  જલિસ્કો ન્યૂ જનરેશન કાર્ટેલ (CJNG) નો વડો હતો. છેલ્લા દસ વર્ષમાં આ કાર્ટેલ મેક્સિકોનું સૌથી શક્તિશાળી ગુનાહિત જૂથ બની ગયું હતું. તે કોકેઈન, મેથ અને ફેન્ટાનિલ જેવા ડ્રગ્સની દાણચોરી અમેરિકામાં કરતો હતો. અમેરિકાએ તેને પકડવા માટે $15 મિલિયનનું ઇનામ જાહેર કર્યું હતું. ગયા વર્ષે ટ્રમ્પ વહીવટીતંત્રે CJNGને વિદેશી આતંકવાદી સંગઠન જાહેર કર્યું હતું.

અમેરિકાની પ્રતિક્રિયા

અમેરિકાના ડેપ્યુટી સેક્રેટરી ઓફ સ્ટેટ ક્રિસ્ટોફર લેન્ડાઉએ અલ મેંચોના મોતને અમેરિકા,  મેક્સિકો અને લેટિન અમેરિકા માટે એક મોટી સિદ્ધિ ગણાવી હતી. હિંસાને ધ્યાનમાં રાખીને અમેરિકાએ જલિસ્કો, તમાઉલિપાસ, મિચોઆકાન, ગુરેરો અને ન્યૂવો લિયોન રાજ્યોમાં તેના નાગરિકોને ઘરની અંદર રહેવાની સલાહ આપી છે. કેનેડાએ પણ તેના નાગરિકોને સાવધાની રાખવા વિનંતી કરી છે.

મેક્સીકન સરકાર દબાણ હેઠળ હતી

આ લશ્કરી કાર્યવાહી એવા સમયે થઈ જ્યારે મેક્સિકો પર ડ્રગ હેરફેર સામે કડક પગલાં લેવા માટે અમેરિકા તરફથી દબાણ હતું. અલ મેંચોના નેતૃત્વ હેઠળ, CJNG એક પ્રાદેશિક ગેંગથી આંતરરાષ્ટ્રીય નેટવર્કમાં વિકસિત થઈ હતી. આ ગેંગ તેના ભારે શસ્ત્રો અને ખુલ્લી હિંસા માટે કુખ્યાત હતી. તેના મૃત્યુ પછી હવે પ્રશ્ન એ ઊભો થાય છે કે શું નવા નેતૃત્વ હેઠળ કાર્ટેલ નબળું પડશે કે હિંસા વધી શકે છે.