રશિયાએ ફરી યૂક્રેન પર કર્યો હુમલો, ડ્રોન અને મિસાઈલોથી રાજધાની કિવને નિશાન બનાવી
રશિયાએ ફરી એકવાર યુક્રેન પર ભીષણ હવાઈ હુમલો કર્યો છે. રશિયા દ્વારા કરવામાં આવેલો આ હુમલો તાજેતરના મહિનાઓમાં થયેલા સૌથી મોટા હુમલાઓમાંનો એક છે.
રશિયાએ ફરી એકવાર યુક્રેન પર ભીષણ હવાઈ હુમલો કર્યો છે. રશિયા દ્વારા કરવામાં આવેલો આ હુમલો તાજેતરના મહિનાઓમાં થયેલા સૌથી મોટા હુમલાઓમાંનો એક છે. આ હુમલો એવા સમયે થયો છે જ્યારે યુક્રેનમાં શસ્ત્રો મોકલવાની અમેરિકન રાષ્ટ્રપતિ ડોનાલ્ડ ટ્રમ્પની યોજના પર ચર્ચા કરવા માટે બ્રિટન અને જર્મનીની અધ્યક્ષતામાં એક મહત્વપૂર્ણ નાટો બેઠક યોજાવા જઈ રહી છે.
આ બેઠક ડિજિટલ રહેશે
યુક્રેનને શસ્ત્રો પૂરા પાડવાની યોજના પર ચર્ચા કરવા માટે આયોજિત બેઠક ડિજિટલ રહેશે. આ બેઠકનું નેતૃત્વ બ્રિટિશ સંરક્ષણ પ્રધાન જોન હીલી અને તેમના જર્મન સમકક્ષ બોરિસ પિસ્ટોરિયસ કરશે. હીલીએ કહ્યું કે યુએસ સંરક્ષણ પ્રધાન પીટ હેગસેથ અને નાટો નેતા માર્ક રૂટ તેમજ નાટોના યુરોપના સુપ્રીમ એલાઇડ કમાન્ડર જનરલ એલેક્સસ ગ્રિંકેવિચ આ બેઠકમાં હાજરી આપશે.
યુક્રેનના રાષ્ટ્રપતિ ઝેલેન્સકીએ શું કહ્યું?
સોમવારે રાત્રે કિવ પર થયેલા ડ્રોન અને મિસાઇલ હુમલાઓએ યુક્રેન માટે ખાસ કરી વાયુ રક્ષામાં અને વધુ પશ્ચિમી લશ્કરી સહાયની જરૂરિયાતને ઉજાગર કરી છે. એક અઠવાડિયા પહેલા ટ્રમ્પે કહ્યું હતું કે સહાય થોડા દિવસોમાં સહાયત યુક્રેન સુધી પહોંચશે. યુક્રેનિયન રાષ્ટ્રપતિ ઝેલેન્સકીએ જણાવ્યું હતું કે આ હુમલામાં બે લોકો માર્યા ગયા છે અને 15 ઘાયલ થયા છે, જેમાં 12 વર્ષનો બાળક પણ સામેલ છે.
Rescue and emergency efforts are underway in our cities and communities following the Russian attack. Damage has been reported in Kyiv and the region, as well as in the Kharkiv and Ivano-Frankivsk regions. Attack drones were also intercepted over the Sumy, Khmelnytskyi,… pic.twitter.com/wuNfaMwWk8
— Volodymyr Zelenskyy / Володимир Зеленський (@ZelenskyyUa) July 21, 2025
રશિયાએ હુમલાઓ તીવ્ર બનાવ્યા છે
રશિયાએ યુક્રેનિયન શહેરો પર લાંબા અંતરની મિસાઇલોથી હુમલાઓ વધારી દીધા છે. વિશ્લેષકો કહે છે કે ડ્રોનનું ઉત્પાદન વધવાથી રશિયાના હુમલાઓ વધુ તીવ્ર બનવાની શક્યતા છે. રશિયા પ્રત્યેના પોતાના વલણમાં ફેરફાર કરીને યુએસ રાષ્ટ્રપતિએ ગયા અઠવાડિયે મોસ્કોને યુદ્ધવિરામ માટે સંમત થવા અથવા કડક પ્રતિબંધોનો સામનો કરવા માટે 50 દિવસની સમયમર્યાદા આપી હતી. રાષ્ટ્રપતિ ડોનાલ્ડ ટ્રમ્પે રશિયાને યુદ્ધવિરામ માટે સહમત થવા માટે 50 દિવસની સમયમર્યાદા આપી છે, નહીં તો તેને વધુ કડક પ્રતિબંધોનો સામનો કરવો પડશે.
રશિયા કહે છે કે કોઈપણ શાંતિ કરાર ત્યારે જ થઈ શકે છે જ્યારે યુક્રેન તે ચાર ક્ષેત્રોમાંથી પાછળ હટી જાય, જેને રશિયાએ સપ્ટેમ્બર 2022 માં ગેરકાયદેસર રીતે કબજે કર્યા હતા, પરંતુ સંપૂર્ણ રીતે કબજો કરી શક્યું ન હતું. આ ઉપરાંત, રશિયા ઇચ્છે છે કે યુક્રેન નાટોમાં જોડાવાનો પ્રયાસ છોડી દે અને તેની સેનાની તાકાત મર્યાદિત કરે. યુક્રેન અને તેના પશ્ચિમી સાથીઓએ આ માંગણીઓને નકારી કાઢી છે.
ટોપ સ્ટોરી
ટ્રેન્ડિંગ સમાચાર
