Russia: ભારતના વિદેશમંત્રીને મળ્યા રશિયન રાષ્ટ્રપતિ પુતિન, કહ્યુ- 'હું જાણું છું રશિયા-યુક્રેન મુદ્દાનો ઉકેલ શોધી રહ્યા છે PM મોદી'

Russia:ફરી એકવાર રશિયન રાષ્ટ્રપતિએ પીએમ મોદીના વખાણ કર્યા અને તેમના નેતૃત્વની પ્રશંસા કરી હતી.

ફોટોઃ ટ્વિટર

Russia: ભારત અને રશિયાની મિત્રતા વર્ષો જૂની છે. જો કે છેલ્લા કેટલાક વર્ષોમાં બંને દેશો વચ્ચેની મિત્રતા વધુ ગાઢ બની છે. રશિયાના રાષ્ટ્રપતિ અનેકવાર વડાપ્રધાન નરેન્દ્ર મોદીની પ્રશંસા કરી ચૂક્યા છે.  બુધવારે ફરી એકવાર રશિયન રાષ્ટ્રપતિએ પીએમ મોદીના વખાણ કર્યા અને તેમના નેતૃત્વની પ્રશંસા કરી હતી. રાષ્ટ્રપતિ વ્લાદિમીર પુતિને પીએમ મોદીને આવતા વર્ષે યોજાનારી લોકસભાની ચૂંટણી માટે પણ શુભેચ્છા પાઠવી હતી. નોંધનીય છે કે ભારતના વિદેશ મંત્રી એસ જયશંકર આ દિવસોમાં રશિયાના પ્રવાસે છે. જયશંકર બુધવારે રાષ્ટ્રપતિ પુતિનને મળ્યા હતા.

PM Modi "willing to do his utmost" to resolve Russia-Ukraine issue by "peaceful means": Putin

Read @ANI Story | https://t.co/MAJgWgWNFd#NarendraModi #PMModi #VladimirPutin #Russia #RussiaUkraineWar pic.twitter.com/9gBVT1Vu41

— ANI Digital (@ani_digital) December 27, 2023

ભારત-રશિયા સંબંધો માટે આભાર વ્યક્ત કર્યો

રશિયાના રાષ્ટ્રપતિ વ્લાદિમીર પુતિને કહ્યું કે પીએમ મોદી રશિયા-યુક્રેન વિવાદને શાંતિપૂર્ણ માધ્યમથી ઉકેલવાનો પ્રયાસ કરી રહ્યા છે. જયશંકર સાથેની મુલાકાત દરમિયાન તેમણે પીએમ મોદીના સકારાત્મક વલણ પર ભાર મુક્યો હતો. તેમણે કહ્યું કે અમે મોદીના વલણને સમજીએ છીએ. અમે ઘણા પ્રસંગોએ આનો વારંવાર ઉલ્લેખ કર્યો છે. હું જાણું છું કે તેઓ આ મુદ્દાને શાંતિપૂર્ણ રીતે ઉકેલવા માટે શ્રેષ્ઠ પ્રયાસ કરી રહ્યા છે. અમે આ વિશે ઊંડાણમાં વાત કરીશું. તેમણે ભારત-રશિયા સંબંધો માટે આભાર વ્યક્ત કર્યો હતો. આપણે બંને વિકાસના નવા આયામોને સ્પર્શી રહ્યા છીએ. આપણે ગયા વર્ષની સરખામણીમાં વિકાસ દરને આગળ વધાર્યો છે. આપણે હવે ઘણી પ્રગતિ કરી છે. પુતિને ભારત અને રશિયા વચ્ચેની ભાગીદારી અંગે પણ વાત કરી હતી. તેમણે કહ્યું કે આપણે ઉર્જાથી લઈને ટેકનોલોજી સુધીના ક્ષેત્રોમાં સાથે છીએ.

EAM Dr S Jaishankar tweets, "Honoured to call on President Vladimir Putin this evening. Conveyed the warm greetings of PM Narendra Modi and handed over a personal message. Apprised President Putin of my discussions with Ministers Manturov and Lavrov. Appreciated his guidance on… pic.twitter.com/A9MggwPVtr

— ANI (@ANI) December 27, 2023

પીએમ મોદીને સામાન્ય ચૂંટણી માટે શુભેચ્છાઓ

પુતિને કહ્યું હતું કે મારા મિત્ર નરેન્દ્ર મોદીની રશિયાની મુલાકાતથી અમને ઘણી ખુશી મળશે. આ સમય દરમિયાન આપણે ઘણી શક્યતાઓ પર ચર્ચા કરી શકીએ છીએ. પુતિને પીએમ મોદીને આવતા વર્ષે યોજાનારી સામાન્ય ચૂંટણી માટે શુભેચ્છા પાઠવી છે. તેમણે વિદેશ મંત્રી જયશંકરને કહ્યું કે તમે પીએમ મોદીને કહો કે અમે તેમને મળવા માંગીએ છીએ. હું ઈચ્છું છું કે તેઓ જલદી રશિયા આવે. હું જાણું છું કે આવતા વર્ષે લોકસભાની ચૂંટણીને કારણે પીએમ મોદી ખૂબ જ વ્યસ્ત છે. હું તેમની સફળતા માટેની કામના કરું છું.

EAM Jaishankar meets Russian President Vladimir Putin in Moscow

Read @ANI Story | https://t.co/iEhQp3cpit#VladimirPutin #Russia #India #SJaishankar pic.twitter.com/ebPhCQLq1X

— ANI Digital (@ani_digital) December 27, 2023