Russia Ukraine War: યુક્રેનમાં અમેરિકન ટીવી નેટવર્ક ફોક્સ ન્યૂઝના કેમેરામેનનું મોત, રિપોર્ટર ઘાયલ
Russia Ukraine War: રશિયા અને યુક્રેન વચ્ચે ચાલી રહેલા યુદ્ધ દરમિયાન અમેરિકન ટીવી નેટવર્ક ફોક્સ ન્યૂઝનો એક કેમેરામેન માર્યો ગયો છે. ચેનલે
Russia Ukraine War: રશિયા અને યુક્રેન વચ્ચે યુદ્ધનો આજે 21મો દિવસ છે. અમેરિકા અને તેના સહયોગી દેશોએ લગાવેલા તમામ પ્રતિબંધો બાદ પણ રશિયા યુદ્ધ રોકવા તૈયાર નથી. આ દરમિયાન યુક્રેનના રાષ્ટ્રપતિ ઝેલેન્સકી યુદ્ધ રોકવાનો પ્રયાસ કરી રહ્યા હોય તેમ નાટોમાં સામેલ નહીં થવાની જાહેરાત કરી છે.
રશિયા અને યુક્રેન વચ્ચે ચાલી રહેલા યુદ્ધ દરમિયાન અમેરિકન ટીવી નેટવર્ક ફોક્સ ન્યૂઝનો એક કેમેરામેન માર્યો ગયો છે. ચેનલે જ આ જાણકારી આપી છે. નેટવર્કે કહ્યું, ફોક્સ ન્યૂઝના કેમેરામેન પિયર ઝાકારજેવસ્કીની યુક્રેનની રાજધાની કિવની બહારની બાજુએ હત્યા કરવામાં આવી છે. તે સંવાદદાતા બેન્જામિન હોલ સાથે કામ કરી રહ્યો હતો ત્યારે આ ઘટના બની હતી.સંવાદદાતા બેન્જામિન હોલ પણ આ ઘટનામાં ઘાયલ થયા હતા અને તેમને હોસ્પિટલમાં લઈ જવામાં આવ્યા હતા. ફોક્સ ન્યૂઝે એક નિવેદનમાં કહ્યું: "યુક્રેન અને આસપાસના વિસ્તારોમાં પત્રકારોની અમારી આખી ટીમની સલામતી અમારી સર્વોચ્ચ પ્રાથમિકતા છે અને અત્યંત મહત્વપૂર્ણ છે."
બેન્જામિન હોલ નેટવર્કના સ્ટેટ ડિપાર્ટમેન્ટમાં કામ કરે છે
ફોક્સ ન્યૂઝના સીઈઓ સુઝાન સ્કોટે એક નિવેદનમાં જણાવ્યું, યુક્રેનની રાજધાની કિવની બહાર હોરેન્કામાં તેમના વાહનમાં આગ લાગતાં ઝકરજેવસ્કીનું મૃત્યુ થયું હતું અને તેમના સાથીદાર બેન્જામિન હોલ ઘાયલ થયા હતા. તેણે કહ્યું કે બેન્જામિન હોલ, જે નેટવર્કના સ્ટેટ ડિપાર્ટમેન્ટ માટે સંવાદદાતા તરીકે કામ કરે છે, તે યુક્રેનની હોસ્પિટલમાં દાખલ છે.
પિયર ઝાકરજેવસ્કી યુદ્ધભૂમિના ફોટોગ્રાફર હતા
સ્કોટે કહ્યું, "પિયર એક વોર ઝોન ફોટોગ્રાફર હતા જેમણે ફોક્સ ન્યૂઝ માટે ઇરાકથી અફઘાનિસ્તાન અને સીરિયા સુધીની લગભગ દરેક આંતરરાષ્ટ્રીય ઘટનાને અમારી સાથેના તેમના લાંબા કાર્યકાળ દરમિયાન આવરી લીધી હતી. પત્રકાર તરીકે તેમનો જુસ્સો અને પ્રતિભા બેજોડ છે. લંડનમાં રહેતો ઝાક્રઝેવસ્કી ફેબ્રુઆરીથી યુક્રેનમાં કામ કરતો હતો.
#UPDATE A cameraman for Fox News, Pierre Zakrzewski, has been killed in Ukraine outside Kyiv, the US network said Tuesday https://t.co/dk04f6mgqQ
— AFP News Agency (@AFP) March 15, 2022
ટ્રેન્ડિંગ સમાચાર
ટોપ સ્ટોરી
