Russia Ukraine War: ડરી ગયા છે રશિયન સૈનિક, મોત પહેલા મોબાઇલથી મોકલ્યો મેસેજ, કહ્યું- ‘મા મને ડર લાગે છે’
Russia Ukraine War: સંયુક્ત રાષ્ટ્રમાં યુક્રેનના રાજદૂત ભાવુક દેખાયા અને રશિયન સૈનિકો દ્વારા તેમના પરિવારને મોકલવામાં આવેલો સંદેશ વાંચ્યો.
Russia Ukraine War: યુક્રેન પર હુમલાને કારણે રશિયાને વિશ્વના ઘણા દેશોથી અલગતાનો સામનો કરવો પડ્યો છે. સોમવારે સંયુક્ત રાષ્ટ્ર મહાસભાના 193 સભ્ય દેશોએ ચર્ચા જોઈ. ચર્ચાના કેન્દ્રમાં રશિયાએ યુક્રેન પરનો હુમલો શક્ય તેટલો વહેલો ખતમ કરવો જોઈએ તે હતું. આ વિશેષ સત્રમાં ફરી એકવાર રશિયા તેના નિર્ણયનો બચાવ કરતું જોવા મળ્યું. આ દરમિયાન સંયુક્ત રાષ્ટ્રમાં યુક્રેનના રાજદૂત ભાવુક દેખાયા અને રશિયન સૈનિકો દ્વારા તેમના પરિવારને મોકલવામાં આવેલો સંદેશ વાંચ્યો. મેસેજમાં એક રશિયન સૈનિક તેની માતાને તેના છેલ્લા મેસેજમાં કહી રહ્યો છે કે તે કેટલો ડરી ગયો છે.
યુક્રેનના રાજદૂતે રશિયન સૈનિકોનો અંતિમ સંદેશ જણાવતી કેટલીક તસવીરો પણ બતાવી અને વાંચી સંભળાવી. તેઓ ભાવુક જોવા મળ્યા હતા. તેમણે રશિયન સૈનિક દ્વારા તેના ઘરે મોકલવામાં આવેલો સંદેશ વાંચ્યો. તે સંદેશ હતો, "હું યુક્રેનમાં છું, મને ડર લાગે છે. તેઓ અમને ફાસીવાદી કહે છે, માતા આ બહુ મુશ્કેલ છે.
ભારતીયોને કિવ તાત્કાલિક છોડવા આદેશ
યુક્રેન પર રશિયા દ્વારા કરવામાં આવી રહેલા હુમલાના કારણે ભારતીયોને કિવ તાત્કાલિક છોડવા આદેશ આપવામાં આવ્યો છે. એડવાઈઝરીમાં તમામ ભારતીયોને આજે કિવમાંથી બહાર નીકળવાની સૂચના આપવામાં આવી છે. તેમને ગમે તે માધ્યમથી કિવ ખાલી કરવાનું કહેવામાં આવ્યું છે. કિવમાં રશિયન સૈનિકો સોમવાર રાતથી સતત બોમ્બ અને મિસાઈલથી હુમલો કરી રહ્યા છે. કિવને કબજે કરવા માટે રશિયા એકદમ આક્રમક બની ગયું છે. સતત હુમલાથી ખતરો વધી ગયો છે. આ જ કારણ છે કે ભારતીય એમ્બેસીએ એડવાઈઝરી જારી કરી છે.
આ પણ વાંચોઃ
Russia Ukraine War: યુક્રેનના અનેક શહેરો પર બોંબમારો, રશિયન સેનાએ કિવની કરી ઘેરબંધી, આ રહ્યો પુરાવો
ટ્રેન્ડિંગ સમાચાર
ટોપ સ્ટોરી
