ટ્રમ્પના H-1B વિઝા સસ્પેન્ડ કરવાના નિર્ણયને લઈ ગૂગલના CEO સુંદર પિચાઈ થયા નારાજ, કહી આ મોટી વાત

ટ્રમ્પ સરકારના આ ફેંસલાનો અમેરિકામાં ખૂબ વિરોધ થઈ રહ્યો છે. ગૂગલના સીઈઓ સુંદર પિચાઈએ પણ ટ્રમ્પ તંત્રના આ ફેંસલાને ખોટો ગણાવ્યો છે.

વોશિંગ્ટનઃ અમેરિકામાં કામ કરવાની ઈચ્છા રાખતાં ભારતીયો સહિત વિદેશીઓને ટ્રમ્પ સરકારે મોટો ઝટકો આપ્યો છે. ટ્રમ્પે H-1Bની સાથે સાથે અન્ય પ્રકારના વિઝા પણ હાલ વર્ષના અંત સુધી સસ્પેન્ડ કરી દીધા છે. એટલે કે જે લોકોના H-1B વિઝઆ એપ્રિલ લોટરીમાં મંજૂર થઈ ગયા હતા તેમને પણ હવે આવવાની મંજૂરી નહીં મળે. ટ્રમ્પ સરકારના આ ફેંસલાનો અમેરિકામાં ખૂબ વિરોધ થઈ રહ્યો છે. ગૂગલના સીઈઓ સુંદર પિચાઈએ પણ ટ્રમ્પ તંત્રના આ ફેંસલાને ખોટો ગણાવ્યો છે. તેમણે કહ્યું કે, ઈમિગ્રેશનના કારણે જ અમેરિકાને આટલો ફાયદો થયો છે. જેના કારણે તે ગ્લોબલ ટેક લીડર બન્યું. પિચાઈએ લખ્યું કે, આજના ઓર્ડરથી તે નિરાશ છે.

Immigration has contributed immensely to America’s economic success, making it a global leader in tech, and also Google the company it is today. Disappointed by today’s proclamation - we’ll continue to stand with immigrants and work to expand opportunity for all.

— Sundar Pichai (@sundarpichai) June 22, 2020

પિચાઈ સિવાય અમેરિકાના કેટલાક રાજનેતાએ પણ ટ્રમ્પના ફેંસલાને ખોટો ગણાવ્યો છે. ડિક ડર્બિને લખ્યું કે, આ રીત ખોટી છે. H-1Bમાં બદલાવ કરવાની જરૂર છે, ખતમ કરવાની જરૂર નથી. ટ્વિટર પર તેમણે લખ્યું, ટ્રમ્પ સરકારે સમજવું જોઈએ કે આ વિઝા અમેરિકાની નબળાઈ નહીં તાકાત છે. તેનાથી અહીંયા કુશળ કામદારો મળી રહે છે. જ્યારે અન્ય એક વ્યક્તિએ લખ્યું, ટ્રમ્પ ઈચ્છે તો પણ ભારતીયોના સ્થાને બેકાર અમેરિકનોને ત્યાં ન રાખી શકે. કારણકે આ લોકો ત્યાં કામ ન કરી શકે.

The suspension of the H1B visa program is bad for the US, bad for innovation, and will shatter dreams and disrupt lives. As a former H1B visa holder, my heart goes out to all the families affected.

— Andrew Ng (@AndrewYNg) June 23, 2020

ટ્રમ્પ તંત્ર દ્વારા H1B, H4 (H1Bના પતિ-પત્ની) વર્ષના અંત સુધી સસ્પેન્ડ કરી દેવામાં આવ્યા છે. આ ઉપરાંત L1 વિઝા (ઈન્ટ્રા કંપની ટ્રાન્સફર માટે) અને J1 વિઝા (ડોક્ટરો અને રિસર્ચર્સ)ને સસ્પેન્ડ કરી દેવામાં આવ્યા છે. અધિકારીઓના જણાવ્યા મુજબ, આ નિર્ણય અમેરિકન શ્રમિકોના હિત માટે લેવામાં આવ્યો છે.