Russia Ukraine War: સાત દિવસની અંદર યુક્રેનના રાષ્ટ્રપતિની હત્યાના ત્રણ પ્રયાસો નિષ્ફળ, રિપોર્ટમાં દાવો

રિપોર્ટમાં દાવો કરવામાં આવ્યો છે કે કેટલાક રશિયન જાસૂસો નથી ઈચ્છતા કે રાષ્ટ્રપતિ વ્લાદિમીર પુતિનની યોજના સફળ થાય

Russia Ukraine War: યુક્રેનમાં રશિયન સેનાના હુમલાનો આજે નવમો દિવસ છે. આ દરમિયાન ટાઈમ્સ ઓફ લંડનના એક અહેવાલમાં મોટો ખુલાસો થયો છે. રિપોર્ટમાં દાવો કરવામાં આવ્યો છે કે યુદ્ધ શરૂ થયાના એક અઠવાડિયાની અંદર યુક્રેનના રાષ્ટ્રપતિ volodymyr zelenskyની હત્યાના ત્રણ વખત પ્રયાસો કરવામાં આવ્યા હતા પરંતુ તમામ પ્રયાસો નિષ્ફળ રહ્યા હતા.

રિપોર્ટ અનુસાર, volodymyr zelenskyની  હત્યાનો પ્રયાસ નિષ્ફળ ગયો કારણ કે યુદ્ધનો વિરોધ કરતા રશિયનોએ યુક્રેનના સરકારી અધિકારીઓને હુમલાઓ વિશે ગુપ્ત માહિતી આપી હતી. રિપોર્ટમાં દાવો કરવામાં આવ્યો છે કે કેટલાક રશિયન જાસૂસો નથી ઈચ્છતા કે રાષ્ટ્રપતિ વ્લાદિમીર પુતિનની યોજના સફળ થાય. આ કારણે આ જાસૂસોએ યુક્રેનિયન સત્તાવાળાઓને ઝેલેન્સકીની હત્યાની સમગ્ર યોજના વિશેની જાણકારી આપી દીધી હતી.

આ અગાઉ ડેઇલી મેઇલના એક અહેવાલમાં દાવો કરવામાં આવ્યો હતો કે ઝેલેન્સકીને મારવા માટે આફ્રિકાથી 400 થી વધુ રશિયન ભાડૂતી સૈનિકોને યુક્રેન મોકલવામાં આવ્યા છે. રિપોર્ટમાં કહેવામાં આવ્યું છે કે પુતિને ઝેલેન્સ્કી અને અન્ય 23 સરકારી અધિકારીઓની હત્યા કરવા માટે વેગનર ગ્રૂપ નામના ખાનગી મિલિશિયાને યુક્રેન મોકલ્યા છે. આ યોજના મોસ્કોએ તેના પાડોશી દેશ પર કબજો કરવાના ઇરાદા સાથે બનાવી હતી.