શોધખોળ કરો
Advertisement
![ABP Premium](https://cdn.abplive.com/imagebank/Premium-ad-Icon.png)
Farewell Speech: ટ્રમ્પે કેપિટલ હિલ હુમલાની કરી નિંદા, નવા રાષ્ટ્રપતિ બાઇડેનને લઈ કહી આ વાત
ટ્રમ્પે કહ્યું, આપણે બધાને અમેરિકાને ફરીથી મહાન બનાવવા માટે એક મિશન શરૂ કર્યું. આપણે વિશ્વના ઈતિહાસમાં સૌથી મોટી અર્થવ્યવસ્થાનું નિર્માણ કર્યું.
![Farewell Speech: ટ્રમ્પે કેપિટલ હિલ હુમલાની કરી નિંદા, નવા રાષ્ટ્રપતિ બાઇડેનને લઈ કહી આ વાત US President Donald Trump farewell speech know what he said Farewell Speech: ટ્રમ્પે કેપિટલ હિલ હુમલાની કરી નિંદા, નવા રાષ્ટ્રપતિ બાઇડેનને લઈ કહી આ વાત](https://static.abplive.com/wp-content/uploads/sites/7/2021/01/20133402/trump4.jpg?impolicy=abp_cdn&imwidth=1200&height=675)
વોશિંગ્ટનઃ અમેરિકાના રાષ્ટ્રપતિ ડોનાલ્ડ ટ્રમ્પનો કાર્યકાળ આજે ખતમ થઈ રહ્યો છે. થોડા કલાકો બાદ નવનિયુક્ત રાષ્ટ્રપતિ જો બાઇડેન રાષ્ટ્રપતિના શપથ લેશે. આ પહેલા ટ્રમ્પે તેમની ફેરવેલમાં અંતિમ વખત અમેરિકાની જનતાને સંબોધન કર્યુ હતું. જે દરમિયાન તેમણે કેપિટોલ હિલમાં થયેલી હિંસાની નિંદા કરી અને નવા રાષ્ટ્રપતિ બાઇડેનને શુભકામના આપી.
ટ્રમ્પે વીડિયો સંદેશમાં કહ્યું, કેપિટોલ પર થયેલા હુમલાથી બધા ભયભીત હતા. રાજકીય હિંસા અમેરિકનો પર દરેક બાજુથી કરવામાં આવેલો હુમલો છે. જેને ક્યારેય સાંખી લેવાય નહીં. ટ્રમ્પે વિદાય ભાષણમાં કોરોના વાયરસનો પણ ઉલ્લેખ કરી કહ્યું, ચીન સાથે અમારી અનેક વ્યૂહાત્મક રણનીતિ હતી. આપણા વેપારી સંબંધ ઝડપથી બદલાઈ રહ્યા હતા અને અમેરિકામાં અબજો રૂપિયાનું રોકાણ કરવામાં આવી રહ્યું હતું. પરંતુ કોરોના વાયરસે આપણને અલગ દિશામાં લઈ જવા મજબૂર કર્યા.
તેમણે કહ્યું, આપણે બધાને અમેરિકાને ફરીથી મહાન બનાવવા માટે એક મિશન શરૂ કર્યું. આપણે વિશ્વના ઈતિહાસમાં સૌથી મોટી અર્થવ્યવસ્થાનું નિર્માણ કર્યું. જેમણે કોઈ નવી લડાઈ શરૂ ન કરી હોય તેવા રાષ્ટ્રપતિ હોવાનો મને ગર્વ છે.
ફેરવેલમાં ટ્રમ્પે પત્ની મેલાનિયા અને પરિવારનો પણ સમર્થન માટે આભાર માન્યો હતો. તેમણે આગામી રાષ્ટ્રપતિ બાઇડેનને સફળતાની શુભકામના પાઠવી કહ્યું, હવે આપણે નવા પ્રશાસનનું સ્વાગત કરીએ છીએ અને અમેરિકાને સુરક્ષિત તથા સમૃદ્ધ બનાવવા પ્રાર્થના કરીએ છીએ.
Khelo khul ke, sab bhool ke - only on Games Live
વધુ જુઓ
Advertisement
ટ્રેન્ડિંગ સમાચાર
Advertisement
Advertisement
ટોપ સ્ટોરી
ગુજરાત
દેશ
ક્રિકેટ
ગુજરાત
Advertisement
![ABP Premium](https://cdn.abplive.com/imagebank/metaverse-mid.png)