મહિલા એટલું જોરથી હસી કે મોઢું ખુલ્લું જ રહી ગયું, ડોક્ટર પણ જોઈને.....

ટ્રેનમાં તે સમયે લિવાન હોસ્પિટલના એક ડોક્ટર પણ હાજર હતા, તેમને જાણ થતા તેઓ તુરંત મહિલાની મદદ માટે દોડી આવ્યા.

નવી દિલ્હીઃ હસવું હંમેશા સારી દવા ન પણ હોઈ શકે. ખાસ કરીને આ મહિલા માટે જેનું વધારે જોરથી હસવાના ચક્કરમાં મોઢું ખુલ્લુ જ રહી ગયું. આ અજીબોગરીબ મામલો ચીનમાં સામે આવ્યો છે. ચીનમાં ટ્રેનમાં પ્રવાસ કરી રહેલ મહિલા એટલી જોરથી હસી કે તેનું  મોડું ખુલ્લું  જ રહી ગયું. Guancha News અનુસાર આ ઘટના ચીનના ગુણાંગડોંગ પ્રાંતના ગુઆંગઝૂ દક્ષિણ રેલવે સ્ટેશન પર એક ટ્રેનમાં થઈ. વિેતેલા રવિવારે, પ્રવાસ કરતા સમયે મહિલા એટલી જોરથી હસી કે તેનું મોઢું ખુલ્લુ જ રહી ગયું. ટ્રેનમાં તે સમયે લિવાન હોસ્પિટલના એક ડોક્ટર પણ હાજર હતા, તેમને જાણ થતા તેઓ તુરંત મહિલાની મદદ માટે દોડી આવ્યા. ડોક્ટરે કહ્યું કે, ‘હું ભાગીને તે મહિલા પાસે પહોંચ્યો. મહિલા તે સમયે કંઈ બોલી શકતી નહોતી અને તેનું મોઢું ખુલ્લું જ રહેતું હતું. મને શરૂઆતમાં લાગ્યું કે તેને અટેક આવ્યો છે. જ્યારે બ્લડ પ્રેશર ચેક કર્યું અને અન્ય બાબતોની તપાસ કરતા ખબર પડી કે મહિલાનું જડબું ડિસ્લોકેટ થઈ ગયું છે.’ ડોક્ટરે મહિલાનું જડબું સીધું કરવા માટે પહેલા પ્રયત્ન કર્યો પરંતુ સફળ ન રહ્યો. બીજા પ્રયત્ને મહિલાનું જડબું સરખું થઈ શક્યું. સ્વસ્થ્ય થયા બાદ મહિલાએ જણાવ્યું કે આ પહેલા પણ તેની સાથે એક વખત આવું થયું હતું. જ્યારે તે પ્રેગ્નેન્ટ હતી તે દરમિયાન ઉલટી કરતી વખતે તેનું જડબું ડિસ્લોકેટ થઈ ગયું હતું.